ارجوكم خلاص تعبت ساعدوني

**غفرانك** · 13-10-2002, 08:45 PM

السلام عليكم

ارجوكم تساعدوني فاني الاقي اي حل حق اطراف شعري متقصفة حيييل حتى بعد السشوار صدقوني تعبت وانا ادور حل ما كو فايدة الي عندها اي حل ارجو انها ما تبخل علي وبسرررررعة لان عرس اخت زوجي قرب وتدرون بعد النسايب وحجيهم يا الله ناطرتكم وفي امان الله

**بنت بلدها** · 13-10-2002, 09:05 PM

ولا يهمك أبشري

ما طلبتي شيء

العلاج لازم مواصله أختي كانت مره شعرها كأنه ليفه محترقه بس

1- عليك بالرقي كل يوم (( أذكار الصباح والمساء ))
2- عليك كل يوم قبل النوم دهن الشعر بزيت الزيتون (( يفضل مقري عليه ))
3- عليك بوضع حنه مرتين بالاسبوع ........إذا مو صابغه شعرك .
4- عليك بغسل شعرك (( ماء مع ملعقتين عسل )) ويفضل تركه على الشعر مدة ساعه يوميا .

وعطيني الخبر بعد أسوبعين فقط ..................(( إنشاء الله))

تسلممممممممممممممممين

**أم الحلا** · 13-10-2002, 10:53 PM

ولا يهمك أبشري

ما طلبتي شيء

عندي طريقه استمري عليها لمدة ثلاث اسابيع وراح تشوفي الفرق .

حناء + شاهى + سكر + بابنج اذا وجد + خال ابيض + زيت زيتون + ماء .

يخلط الشاهى + سكر + بابنج اذا وجد + ماء, ويوضع على النار حتى يغلي ثم يسكب

على الحناء والخال ابيض والزيت زيتون ويخلط جيدا الى ان يتكون لديك خليط مثل الكيك او

اخف قليلا ويترك من الليل حتى الصباح ثم ضعيه على الشعر وغطى الشعر وتركيه سبع ساعات.

اسفه طولة عليكِ بس الطريقة انا مجربته ولقيت نتيجه تبهر .

وادعيلي باالجنه .

**غفرانك** · 13-10-2002, 11:30 PM

مشكوريين ماقصرتوا بس مو جنها الحنة تقصف الشعر اكثر اسفة انا ادري اني اديتكم وياي خواتي بس صدقوني انا وايد محتاجة حق الحل ومشكورين عالعموم

**مواهب** · 14-10-2002, 01:26 AM

هلا غفرانك انا سمعت عن ورق الغار تقول انه زين مرى وانا اتمنى اجربه بس مو لاقيته
وشكرا

**دلوعة المنتدى** · 14-10-2002, 01:43 AM

حبيبتى روحى الصدليه او مراكز التجميل 0000 يعطونج كريمات وسيروم للاطراف 00

مثل فى مجمع الاذنيه0000كله محلات لتجهيز الصالونات 000 تلقين فيه هالشغلات000

دهنى اطراف شعرج بالميونيز 000 وغطيه بفوطهفيها ماء حار 0000

**شمعة نجد** · 14-10-2002, 01:43 AM

عليك بوضع زيت على شعرك
استخدام الخلطه التاليه وهي معروفه ماادري جربتيها والا لا
ملعقتين زيت زيتون +ملعقه عسل+صفار بيضه
وايضا المايونيز روووووعه للشعر...
اتمنى اني افدتك...

**فنر** · 14-10-2002, 03:08 AM

والله الاخت بنت بلدها وفت وكفت وجزاها الله خير على هذه النصيحة اللى كلنا راح نستفيد منها باذن الله

**غفرانك** · 14-10-2002, 04:37 AM

يبا مشكورييين خلاص انا راح اجرب كل هالخلطات بس اخاف اجربها كلها مرة وحدة واصير قرعة لا لا لا اتغشمر خلا بجربهم بس كل واحدة بروح وقولكم شنو صار وياي يلا ما قصرتوا في امان الله

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ارجوكم خلاص تعبت ساعدوني

أدوات الموضوع

العرض