السلام عليكم ورحمة الله .. كيفكم وشخباركم .. يامال العافية اللي توصلكم ذا أول موضوع لي بمنتديات لكي مع أني أدخل لها المنتديات بشكل يومي لكن ردودي ومشاركاتي قليلة المهم ماعلينا من ردودي نبدا بالسالفة اللي محطت بذا الموضوع علشانة يا بنيات يا الربايع أبي منكم فزعتكم تكفون لأني محتاجة ذا اللي بطلبة المهم أنا بعرس في ذا الصيف .. أنا بملك في عيد الأضحى أبي هدية ناعمة وحلوة أهديها لخطيبي ( تكفووووووون أنا لازم ألقى الهدية المناسبة لأني حزينة لو مادريت شهدي لة ) أبي منكم شغلات حلوة للعروس وهالخرابيط أنا محرجة ومعرف شي علموني بلييييييييز تراي شادةً بكم الظهر همتكم تكفون .. سلام ( المقلعة )

هلا والله يالمقلعه وين مقلعه ورايحه
المهم انا اقول احلى هديه هي ساعه
طيب ليه مايعطيك هو الهديه(غاويه مشاكل)
وسلامتك

أرومه عاد جا دوري أعطية هدية وإذا عندك أي شي ينفع لي كوحدة تجهز للعرس علميني

طيب المقلعه يعني مثل ايش بالضبط
ماني فاهمه قصدك

نصيحتي مالها داعي هدية من قبل العرس000
ولا تراك بتندمين000



شوفي انت بتندمين هذا أكيد ومفروغ منه0000

بس اجلي الندم لقدام شويه0000

تجهيز العروس000كبير وش تبين بالضبط0
اكتب لك لسته بالمشتروات

ضحكتيني يالريم ليش بتندم ؟؟؟؟
الله يوسع صدرك بالعافية ,على قولة القايل ضحكتيني وانا مالي نفس اضحك.

يا بنت الحلال مانيب نادمة ولا شلون بطلبكم و أندم يا حلوة أنتي ما راح أهديها لة إلا يوم الملكة فهمتي و عن التجهيزات أكثرها علية أبي ماخف وعلية القيمة أي شي تحسينة مهم علموني علية همتكم يالربايع

مو حلو تهدين له لايوم الملكه ولا يوم الزواج




بعد الزواج اهدي على كيفك


صادقه الريم ولا تقولين ما قلتو لي
اثقلي وتدلعي توك على الهدايا



هذا رايي ........

طيب شفيكم أقترحو أنتو لاتقولون أندم ومدري وشو قلت أقترحو هدية حلوة تصلح لة شكله بيرتفع ضغطي منكم المهم عنكن أقتراح ولا بلاش تربشوني لا تهدين ولا تحطين مع السلامة ولحد يزعل مني

اختي المقلعة00000

لاتزعلين ترى والله حبيت امزح معك ،،،،، ولا مو المحبة والثقة بينا ما كنت كتبت كذا

وعشان اراضيك ،،، راح اكتب لك أنواع الهدايا ،،اللي تصلح للخطوبة ،،،،،

شوفي بما أن الخطوبة فترة الرومانسية فما راح يصلح تجيبين عطر وسبحة وميدالية يعني هذي خيارات للزوج وراح يمل منها ،،،، ويمكن اذا جبتيها الحين صحيح راح تكون المرة الاولى
بس اتخيلها رسمية جداً 0

ممكن تختارين من محلات تغليف الهدايا اطار حلو وتكتبين عليه كلمة حلوة ،، أو علبة شيك وراقية تحطين بداخلها كمطوية تكتبين عليها كلمة رقيقة0

وحالياً اذا بعد الخطوبة بدأ يرسلك رسايل جوال (اذا تبين تبينين انك تبادلينة المشاعر الحلوة ،،وكذا بتندمين ) ارساي له من الرسايل الحلوة عن طريق (خدمة 700 )
(اما اذا بتثقلين وانت الرابحة في الاخير )طنشي الرسايل ولا تردين برسالة بكلمة( شكرا وصلت )تكفي 0
وفيه خيار هدايا المرح 00علبة كبيرة مغلفة وبداخلها علبة وعلبة وعلبة وهكذا لحد مايوصل في الاخير لعلبة الهدية ولا للورقة0

هذا رأأي ويمكن تخالفيني الرأي بس لك الحرية في الاختيار0