هذا الترمس الي تقولون عنه شوفوا اشسوى فيني

**Qater-alnada** · 10-09-2002, 12:58 PM

السلام عليكم

يا بنات انا امس رحت للعطار وطلبت منه ترمس مره انا بس قلت مره وقام يتطنز علي ويقول انا اول مره اسمع ان في ترمس مر
المهم شكله ضحك علي وعطاني ترمس بس الترمس هذا الي عطاني اياه كان نوع من انواع البنكك هذا يا بنات الي لونه اصفر عرفتوه ولا لا

والاخوات الي قالوا ترمس الى يمنع ظهور الشهر ويخففه اي ترمس يقصدون هل هو البنك ( البنك مو البنك الي ناخذ منه الفلوس لا

البنك بفتح الباء والنون الي ناكله ) ولا هو النخي والسعوديين يسمونه بليله تكفووون يا بنات الي اتعرف اتقولي والله يجزيها الخير

يالله يا بنات انا بانتظار ردكم

**aroma** · 10-09-2002, 01:01 PM

والله ياعزيزتي اللي اعرفه ان الترمس يجي على شكل دوائر بس مسطحه يعني مثل زرار الملابس بس اكبر ان شاء الله فهمتي

**aroma** · 10-09-2002, 01:01 PM

ومافهمت وشو البنك

**بنت بلدها** · 10-09-2002, 01:38 PM

شوفي
تعرفين راعي ((البنق)) مشهور عندكم في الكويت
أطلبي منه ترمس وبعدين يبسيه بشمس مدة ساعتان بعدين طحنيه
هذا هو الترمس المطلوب وأختي صيرلها شهر جربته تقول فيه تقدم ملحوض بعض الشعر نسبه قليله ماعد تشوف فيه شعر قصدها مكانه

على العموم عرفتي شنو هو الترمس المطلوب لا تروحين العطار ولا غيره راعي البنق بس

تسلمممممين

**أمان** · 10-09-2002, 08:21 PM

والله خوفتيني فكرت صار لك شي مضر من الترمس لا سمح الله
عالعموم أنا وصفي للترمس مثل ما وصفوه الاخوات
بس أروح السوبر ماركت و أقول له أريد ترمس

**Qater-alnada** · 10-09-2002, 10:55 PM

مشكووووورين اخواتي على ردودكم واسفه اذا خوفتكم

اختي بنت بلدها انا اشتريته من العطار يعني الي شريته ما ينفع والله قهر اشتريته ب 750 فلس طالعه من جبدي

( اتغشمر

)

**Qater-alnada** · 10-09-2002, 10:59 PM

اختي اروما البنك او البنق هذا هو نفس البذره الصغيره لونها بني مطبوخه ومملحه ولما تكسرينها بضروسج تلقين داخلها شي لونه اخضر وتاكلينه ( ما ادري اذا همتي بس هذا الي اقدر اوصفه لج واذا همتي ردي علي )

**الإسلامية** · 10-09-2002, 11:52 PM

السلام عليكم
هلا قطرة
اشفيج؟؟؟؟؟؟ البنك غير كلش عن الترمس
البنك اخضر وجاسي حيل ولازم ( اضروسج تقعد تكسر ) صح
بس الترمس مو النخي العادي ( الحمص ) لا بس نفس درجة اللون
يجي على شكل دائرة كبر الزر ومفلطحة مو مستوية
وبعدين منو العطار الغبي إللى رحتيله لا ويضحك لانه قص عليك

يابنت الحلا روحي حق اي جمعية تعاونية وبتلاقينه مع قسم الحبوب
او إي عطار وقولي ترمس ويعطيك أنا أول مرة اسمع عن عطار مايعرف الترمس لا يكون إيراني جديد وما يعرف عربي زين

الله يعينك ............. دوري زين وبتلاقين

**الإسلامية** · 10-09-2002, 11:55 PM

**كاكاو فليك** · 11-09-2002, 01:01 AM

يا بناااااااااات شقاعدين اتسولفون عنه ......... النخي شيسوي ؟؟؟؟؟؟؟؟ قولولي تراني دايخه ومادري شالسالفه ؟ ........ يعني شفايدته وشالموضوع

هااااااااااااااا في وحده ترد علي تكفون sid

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: هذا الترمس الي تقولون عنه شوفوا اشسوى فيني

أدوات الموضوع

العرض