استعدادتكم للعيد

**أم سهيل** · 24-08-2002, 12:11 AM

انا عضوة جديدة و عندي طلب لأهل الإمارات....شو استعدادتكم للعيد؟
شو المحلات جيدة اللي تبيع اكسسوارات و أزياء هندية في دولة الإمارات؟ تعرفون محلات خياطة جيدة ؟

**دمعة فرح** · 24-08-2002, 10:05 AM

مرحبا بالاخت ام سهيل والله يالغاليه بعدنا ما استعدينا لكن اذا تبغين الاشياء الزينه والرخيصه بتلقينها في مكان واحد وهو السوق الجديم في الشارقه عندهم اشياء حلوه وينزلون الجديد دايما
اذا بتشترين القماش وبتخورين مكان واحد والاكسوارات الحلوه وقمصان النوم واشياء كثيره
بس ما قلتيلنا انتي من وين واذا تبغين من دبي بعد بنخبرج وتحياتي الخاصه بااااااااااااااااي

**أسيرة الغربة** · 24-08-2002, 03:06 PM

سؤال غبي نوعاً ما أي عيد تقصدون ؟؟!!

**أمواج** · 24-08-2002, 03:32 PM

شارع الفهيدي في دبي.. اسئلي عن سوق (مينا بازار).. هناك بتحصلين كل الازياء الهندية و اكسسواراتها

**مرايم** · 24-08-2002, 04:31 PM

عيد الفطر يا أسيرة .. ترا والله أحسن شي تسويه أم سهيل أنها تتجهز من الحين .. ونخلي رمضان للعبادة ... وبلاها دوشة الاسواق والروحات والجيات في آخر الوقت ..

**شوق الإمارات** · 24-08-2002, 05:59 PM

هلا ام سهيل،،،،والله حتى انا اذا بغيت اجهز للعيد اجهز قبل شهر،،
لانه في رمضان يرفعون الاسعار،،وما تكون عندهم بضاعة زينه،،،ويطلعون الجديم اللي عندهم
عشان يفتكون منه،،،،

واذا كنتي من الشارجه،،انصحج بالسوق الجديم اذا بغيتي،،اقمشة او عبايات(الاميري))

،وعندج بعد ملابس النوم والاحذيه الزينه،،وحتى تنانيرهم واااااايد حلوة وكله موديلات جديده،،واسعارهم رخيصة
يعني احسن ملييون مرة من المراكز،،مثل الميغا مول او السيتي،،،هالمراكز كله يجيبون اشيا غااااالية،،يعني تلاقين التنورة الوحدة ب200 درهم،،وموديلاتهم ما تصلح إلا حق الاجانب

وفي بعد سبلاش،،في شارح الوحدة ،،انا امس رحت له وحصلت موديلات تخبل،،خصوصا الجينز
وااايد روعة،،واكسسوارات سبلاش،،لا يعلى عليها،،،

وبالنسبة للاحذية،،انا مرات اروح شو مارت،،بس مو دايما يجيبون اشيا زينة

واذا كنتي من الشارجه،،وتبين محلات خياطة،،قولي لي،،

باااااااااااااي

**أم سهيل** · 25-08-2002, 12:04 AM

مشكورين وااااايد ما قصرتوا. بالنسبة لإسئلتكم انا من عيمان بس حبيت أعرف محلات يديدة تعرفون كنوع من تبادل معلومات...انا سامعة عن مينا بازار بس ما رحت له,انشا الله قريب بسير له...والله صدقكم ما عندنا غير سوق الجديم اللي دوم اسير له...حبيت اغير هالمرة ,و بالنسبة لسؤالج يا شوق عن محلات خياطة في الشارجة يا حبذى لو تخبريني عن أساميهم.
صدق انج اسيرة الغربة ليش ما تعرفين ان العيد عيدين...الفطر و الأضحى,الفطر عقب 3 أشهر بالنسبة لي وايد قريب انا دوم أخلص شوبينج قبل رمضان!!!
المهم مشكورين يا أخواتي على ردودكم الحلوة و انشاالله دوم نتواصل وياكم

**شوق الإمارات** · 25-08-2002, 12:11 AM

هلااااااا ام سهيل،،،،،

الخيايط الزينين،،تلاقينهم في منطقة الشهباء وحلوان في الشارجة،،

وما في محل محدد كلهم يخيطون زين،،،،

باااااااااااي

**amaly** · 25-08-2002, 12:16 AM

انا مو من الامارات ولااعرفها بس حبيت اعلق على الاخت اسيرة الغربة وردها ,??????????

واسفة عاللقافة بس والله عن جد اتضايقت مع ان الرد مو لي بس مهما كان مااحب الالفاظ هذي

واعذريني ياام سهيل على اللقافة

**ام مشاري** · 25-08-2002, 12:42 AM

املي خفي على الادمية ماقالت شيء يزعل بس انت الضاهر رديتي اول ماقرايتي
بس تراك ما قريتي زين هي تقصد السؤال الغبي منها هيي

وهذه نوع من المشاركات ذات الطابع المرح

اقول هناك 3 اسواق جنب بعض
البدو... 2محمود سعيد...03 الجزيرة
وش رايك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: استعدادتكم للعيد

أدوات الموضوع

العرض