البنت اذا كان عمرها13عام عادي تضع الميك أب

هو كل شئ عادى هالايام بس انا عموما ما احب المكياج احس انه يكبر يعنى لو حطت ام 13 سنة راح تكون كنها ام 23 سنة حرام وبعدين اكيد راح ياثر علىى بشرتها ما فى احسن من المكياج الطبيعى

المشكله أنها توها جايه من السفر وطالعه سمرا ماالعمل

مرحبا اختي.. المعاصرة..
اتوقع البنت في هذا العمر يكون جمالها طبيعي ما يحتاج له مكياج..لانه راح يظهرها اكبر من عمرها ويخفي النظارة الطبيعية اللى فيه وهذا شيى انا لاحظته بنفسي لما انظر في بنت صغيرة حاطة مكياج..والله اني اتحسف عليها واكون مقهورة وودي اقوم وامسحلها هالمكياج..ماعرف مستعجلين على ايه..بدري على المكياج والحبوب وعلى الحساسيه وبعدين ندور على ماسكات وخلطات تخفي عيوب البشرة اللي في الاصل احنا سببها..
سامحيني عساني ما اكون ازعجتك بهذا الرد..صدقيني لو قلت لك اني ما حطيت المكياج الا لمن دخلت الجامعة وكان بس روج فاتح جدا فقط لا غير..وحتى الان وبعد الزواج ما احط مكياج كامل الا في المناسبات ولا اغمق في الالوان لاني احب الوجه الطبيعى النظر لانه افضل عندي من احسن مكياج..طولت عليك بس اتمنى ان يكون في كلامى فايدة لك ولغيرك ان شاء الله
مع تحيات
وجه القمر

اختي
انا اظن مثل اخواتي انها صغيرة على المكياج
واكيد بياثر على البشرة
والسمار بيروح مع الوقت

عادي تدرين انا يوم كنت مثلها اتذكر اني كنت سمرا مررررة مدري ليه !!!!
بس قولي لها ان بعد سنه او سنتين بيروح السمار وتتفتح بشرتها مع الوقت بدون اي كريمات او مكياج
انا ذاك الوقت ما حطيت مكياج مع اني كنت متفشله من سمرتي بس ولو عادي تحملت
لان هي بتاخذ وشو عشان تسير بيضاء اكيد كريم اساس ولا بودرة وهاذي مضرة بالكبار
كيف اجل الصغار ؟ خصوصا الي بمرحله نمو ؟؟؟؟؟
بس هذا كل الي عندي

أنا أبداً ما أحب البنت تحط مكياج بهذا العمر، بحس بتفقد براءة وجهها، وبتكبر قبل أوانها. وفوق هذا بيأثر على وجهها لأنه المكياج كله كيماويات، ووجهها بعده في النمو، ممكن تطلعلها حبوب ويغير في اللون..

ليش ما تعملين لها خلطات طبيعية للتبييض ..؟

جربي خلطة النشا وماى الورد والليمون .

نتايجها ممتازة وما تضر .

لو تحط مكياج هادئ وناعم يناسب سنها احسن لها ..
وتعرض بشرتها على طبيب احسن يشوفها ..

صح مب حلو بنت صغيرونة عمرها 13 سنة تحط مكياج وبعد ما تتعود على هالشيء عن جد بتخترب بشرتها وهي الحين صغيرة لأن انت تعرفين بعد ما تكبر تحس بشرتها نفس ما هي ما تغيرت يعني تكون خشنة شوي ...