بنات ارجوكم ساعدوني

**بحرينيه والنعم** · 15-07-2006, 07:07 PM

سلام عليكم
بنات عندي مشكله وياليت القى الحل عندكم
متوكل على الله ثم عليكم
عدي سواد معقدي في حياتي حول الانف والفم صاير على شكل دائري وماادري شنو اشتخدم له عشان يروح
رحت الى عطار ورحت العياده ورحت الى مستشفيات عاديه وكلها مافادت وياي ولا ادري شنو الحل والله مو حابه اشوف روحي بسببها ياليت القى الحل عندكم
اختكم
بحرينيه والنعم

**اخت الكل** · 15-07-2006, 07:33 PM

وعليكم السلام ورحمة الله وبركاته...
اختي بحرينية و النعم.... والنعم فيج

أكيد انج تستخدمين مادة مثل الفازلين على هذي المناطق (سابقا) ... صح

اذا كنتي امتنعي غنه فورا...
واذا لا....

نصيحتي لج انج تحطين واقي الشمس يوميا .. سواء طلعتي او ما طلعتي برا

وبعدين حاولي تبتعدين عن الحمضيات ( البرتقال, الليمون)* لانها في اغلب الاوقات تسبب حساسية.. ومع مرور الوقت تسود هذي الاماكن بسببها...

وحاولي كل يوم قبل النوم وبعده تنظفين وجهك بغسول خفيف (اسالي عنه في الصيدليه) لانه ينظف ويفتح مسامات الجلد...
ونصيحة اخيرة لا تستعجلين ظهور النتيجة (اصبري على نفسك)

حاولي تتعاملين مع هذه المناطق بخفه لانها في الوجه و الوجه بكامله منطقه حساسة ويحتاج الى عناية رقييييييييييقة جدا

اتمنى اكون افدتك

**بحرينيه والنعم** · 15-07-2006, 08:31 PM

هلا اخت الكل يعطيك الله العافيه على ردج
اختي استخدم واقي على طول
وماعمري استخدمت فازلين الى وجهي
غير هذا استخدمت انواع من المنظفات مو نوع واحد بس
ماادري شنو السالفه والله احترت
صار له تقريبا 6 سنوات وهو فيني واني اعالج مامنه فايده

لي عنده نصيحه ارجوكم تبخلون عليي فيها

**yasmine_ 2006** · 15-07-2006, 09:54 PM

انا سمعت من دكتور عبد الباسط السيد انه يمكن علاج اى جزء غامق فى الجسم باستخدام زيت جنين القمح على المنطقة المطلوبة
اتمنى اكون افدتك

**بحرينيه والنعم** · 15-07-2006, 10:58 PM

اختي مشكوره على الرد
في وين احصل هالزيت ممكن تدلني على مكان

**ألاء لؤلؤة** · 15-07-2006, 11:03 PM

أختى : بحرينية
والله أقولك استعملى كل حاجة طبيعية..................

مثلا زى:اللبن، العسل ، زيت حبة البركة،زيت الزيتون........................إلخ
وأى حاجة ثانية ورد فيها أحاديث عن الرسول"صلى الله عليه وسلم"

**روز العالي** · 15-07-2006, 11:15 PM

حبيبتي استخدمي مقشر للوجه صح انه ماده كيميائيه بس نتايجه حلوه مثل البيبي فيس والاكستراديم اختاري واحد منهم وقشري
المنطقه او الوجه بشرط انك ماتتعرضين لشمس او للاضاءه وبعد وهو فيه 3 ارقام اذا انتي عندك سواد حيل استخدميها كلها بالتدريج وفيه ناس استخدموه واجد ولا اثر فيهم واهلي كلهم بشرتهم حلوه ويستخدمونه بعد يبون الصفاء وبعد ماتستخدمينه وتتقشر المنطقه كلها استخدمي لها مرطبات وكريمات من ماركات عالميه وحافضي عليها من جديد
لان الجلد اللي بيطلع عندك بيكون جديد وحافضي عليه لاتهملينه وحسني الاكل واشتري فيتامين سي من الصيدليه واكليه بعد الوجبات وفيتامين E بعد لان C يفتح البشره و ُُE يعيد بناء الجلد ويوجد بالجزر بكثره اشربي دائما عصير جزر وبرتقال لانه غني بالفيتامينات اللي ذكرتها
واي سوأل انا بالخدمه
اختك روز

**صراحه1427** · 15-07-2006, 11:57 PM

ماعليه يالغاليه ماعندي حل لمشكلتك بس إن شاء الله تروح والله يشفيك ياقمر...
سؤال للأخت الغاليـــــــــــــــــــــــــــــــــــــــ ـه (أخت الكل )أنتِ قلتي (الفازلين) هل الفازلين العادي يسبب السواد لأني أوقات كثيره أستخدمه....

**كيرلي** · 16-07-2006, 12:28 AM

للأسف ماعندي فكرة.. بس انصحك تروحي على طبيبة

**اخت الكل** · 16-07-2006, 03:15 AM

السلام عليكم ورحمة الله وبركاته....

اختي : صراحة 1427

الفازلين اذا حطيتيه وطلعتي في الشمس فانه يسبب السوااااااااااد ( وهذا الشيء معروف)

وغير كذا الفازلين لازم تستخدمينه باعتدال وعلى بشرة نظيفه , ولا تحطين كثير...

والفازلين انواع كثيرة,, واخف نوع هو ما يسمى (الباركولين) وهذا مره خفيف وتتشربه البشره بسرعه, وما يبين انه في لمعه بمكانه...

اتمنى اكون افدتك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بنات ارجوكم ساعدوني

أدوات الموضوع

العرض