انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
عرض النتائج 1 الى 4 من 4

الموضوع: مـــراحل المكياج من البدايه حتى النهايه

  1. #1
    تاريخ التسجيل
    Sep 2005
    الردود
    20
    الجنس

    مـــراحل المكياج من البدايه حتى النهايه

    مراحل المكياج


    اولاً: وجهك يكون نظيف من أي اثار للمكياج من قبل و تكون بشرة وجهك مرطبة بكريم الترطيب عشان يكون الوجه مستعد جدا لكي يستقبل المكياج


    نصيحة لاينبغي أن تعملي مكياج بعد تنظيف البشرة بالبخار او بعد حمام دافي لان مسامات وجهك مفتوحة
    و طبعا المسام لما تكون مفتوحة ما تساعد المكياج حتى يثبت
    بس عشان تسكريها ممكن تمرري على وجهك تلجة لمدة دقيقتين تقريبا و هي تتقفل
    و بصورة عامة تمرير التلجة على الوجه قبل المكياج يساعد على تثبيته
    اما اذا حبيتي انك تستعملي السبراي المثبت فانا انصحك انك تستعملي السبراي اللي يبخوه بعد الانتهاء من المكياج من قبله لان التاني لو غلطت يصعب عليك انك تمسحي الغلط و يخلي الرسم مو مزبوط بعكس التاني اللي انت تكوني متاكده من انك عاملة كل شي صح و حابة تثبتيه
    الأن نبدا بوضع المستحضرات:
    مرحلة اخفاء العيوب

    طبعا اغلبنا وجوهنا فيها عيوب حابين نغطيها و المكياج ما صنعوه الا عشان يبرز الجمال و يغطي العيوب فاحنا اول خطوة حنعملها هي تغطية العيوب اللي في الوجه:
    اذا كان عندك أي اثر لجرح او خدش او أي حبة في وجهك استعملي خافي العيوب الابيض عليها كمية معقولة لا هي كتيرة و لا هي بسيطة
    اما اذا كان عندك أي حبة حمرا او منطقة محمرة في وجهك فحطي على هذه الاماكن خافي العيوب الاخضر و اتاكدي انو حيخفيها
    اذا كانت حواجبك ماهي مزبطة او حتى لو مشقرة فانت ممكن تخفي الزيادات اللي في حاجبك باستعمال كريم او شمع الترميم و نفس الكريم تقدري تغطي بيه الحفر و المسامات الواسعة اللي في الوجه
    اخر شي هي تطبيق نظرية الاضاءة و الظل بحيث انك تحطي خافي عيوب من اللون الفاتح على المنطقه اللي حابة تظهريها و لون غامق على اللي حابة تخفيها
    طبعا كده اخفينا كل العيوب اللي في الوجه ( استحملي شكلك لانه كله بقع)
    مرحلة وضع الاساس
    قبل وضع كريم الاساس لازم تغطي منطقة الجفن اللي حتسوي عليها الظل كلها بخافي العيوب عشان يخلي لون العين كلو موحد و في نفس الوقت يثبت الشدو و يخلي اللون اثقل و اوضح ويساعدك في دمج الالوان
    و اذا كانت الوانك مطفية و حابة تخليها بلمعة ممكن تحطي شي بسيط جدا من الفازلين مع خافي العيوب
    طبعا لا تكتري خافي العيوب على الجفن و لا تخليها قليلة يعني شي معقول خليها
    بعد كده اختاري كريم اساس بلون بشرتك تقريبا او افتح منها بدرجة و اذا بشرتك دهنية استعملي كريم اساس خالي من الزيوت
    وزعي الاساس على كل وجهك بشكل نقط و بعدين استعملي الاسفنجة في انك توزعي النقط هذه على باقي الوجه بس مو بطريقة المسح انما بالطبطبة و اتاكدي انك وزعتيه كويس على وجهك و رقبتك و أي منطقة بتكون مكشوفة من فستانك
    انتظري قليلا لغاية ما تكون بشرتك امتصت كريم الاساس
    اذا حبيتي تتقلي مكياجك حطي طبقة تانية من كريم الاساس بنفس الطريقة الاولى
    الأن أحضري البودرة و حاولي انك عن طريق الطبطبة تغطي كامل الوجه و الرقبة و كتري منها تحت العين و بعد كذا ممكن تستعملي فرشة كبيرة في انك تزيلي البودرة الزايدة
    مرحلة التجهيز لرسم العين
    طبعا انا اليوم ما راح اعطيكم أي شي عن رسمات العيون بس حابة اذكركم انو لازم تحت العين تحطي بودرة لونها فاتح كتيرة عشان و انت بتسوي الشدو فوق العين لانه بسهولة تنفضي البودرة الفاتحة و معاها تقدري تزيلي أي اثار للظلال بعد ما تنتهي من الرسمة اللي فوق الجفن
    طبعا لون البودرة الفاتحة يعتمد على لونك و لون مكياجك و بلاشرك و روجك يعني ممكن تحطي بودرة بيضا او وردية فاتحة او لحمية او برونزية او حتى فضية يعتمد زي ما قلت على لون المكياج
    مرحلة البلاشر و الروج
    طبعا بتاخدي الفرشة الكبيرة و تاخدي من البلاشر و تبتسمي لنفسك في المرايا ابتسامة كبيرة و تروحي حاطة البلاشر على العظمة البارزة من خدك باتجاه الاذن بس ديري بالك لا تبداي البلاشر من الخد انما من الاذن عشان لا يكون كثير على خدك و اذا حسيتي انك كترت من البلاشر و حابة تخففيه ممكن تحطي فوقه شوية من بودرة وجهك
    بعد كذا اخر شي عندنا هو الروج فانت اذا كانت شفايفك كبيرة حدديها من الداخل و اذا كانت صغيرة حدديها من برة حدودها اما اذا كانت عادية فحددي على الحدود بصورة عادية بس انتبهي لا تصغري شفايفك مرة او تكبريها مرة ترى بتكون واضحة و يطلع شكلك مو حلو يعني حاولي الفرق ما يكون كبير بين شفايفك الطبيعية و اللي انت محدداها
    بعدين استعملي الروج يكون لونه مناسب مع لون التحديد وحطيه على شفايفك عادي وبعدين حطي منديل بين شفايفك و اضغطي عليه و مرة تانية حطي الروج على شفايفك هذه الطريقة تزيد من تثبيت الروج طبعا
    ممكن اذا كان لون الروج يختلف عن لون التحديد ممكن تظللي شفايفك كلها بلون التحديد قبل ما تحطي الروج و بعد ما تحطي الروج تدمجيه مع التحديد بيطلع لك لون متجانس كده و حلو
    اخر شي اذا حبيتي و كنت رايحة مناسبة بالليل ممكن تحطي شوية ملمع على شفايفك بالذات اذا كانت صغيرة لانو يكبرها

    منقول
    آخر مرة عدل بواسطة مهتاب : 17-04-2006 في 12:51 AM

  2. #2
    تاريخ التسجيل
    Feb 2006
    الردود
    9
    الجنس
    أنثى
    جزاك الله كل خير

  3. #3
    تاريخ التسجيل
    Feb 2006
    الموقع
    [ إنما أشكو بثي وحزني إلى الله ]
    الردود
    2,459
    الجنس
    امرأة
    مشكوووورة
    جزاك الله خير,,

  4. #4
    تاريخ التسجيل
    Nov 2005
    الموقع
    مصرالغاليه الحبيبه التى افديها بروحى
    الردود
    178
    الجنس
    أنثى
    ميرسى على النصائح الغاليه

مواضيع مشابهه

  1. البدايه
    بواسطة ام الدبل في المجلس العام
    الردود: 3
    اخر موضوع: 01-07-2011, 06:23 AM
  2. البدايه
    بواسطة ام الدبل في الحمل والولادة و الرضاعة
    الردود: 2
    اخر موضوع: 28-06-2011, 08:31 AM
  3. ** مـــراحل الحــمــل ** ( مكرر)
    بواسطة Um_Laith08 في ركن المواضيع المكررة
    الردود: 11
    اخر موضوع: 18-11-2009, 09:01 PM
  4. أخــتاه.......النهايه
    بواسطة أم عبد الرحمن في الملتقى الحواري
    الردود: 3
    اخر موضوع: 15-08-2001, 10:46 PM
  5. النهايه كلب × كلب لحوليشن
    بواسطة AL_SULTAN في الملتقى الحواري
    الردود: 1
    اخر موضوع: 10-07-2001, 01:48 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ