الأخوات العزيزات دي أول مشاركة ليا و أرجو أن تتقبلوني معكم!
أنا فرحي كمان شهرين و لم أعد لأي شيء بعد. أللي عندها أي نصيحة عن التجهيزات المطلوبة للبشرة أو للجسم، ارجو ان ترسلها لي أو أي تجهيزات أخري. و شكرا

عزيزتى توتا اهلا وسهلا ومنورة المنتدى انا كمان فرحى بعد 4 شهور وبدأ ت تجهيزاتى من الان ربنا يتمملك بخير يا حبيبتى ونصيحة منى ادخلى على ركن الجمال المصرى صاحبته حنان فاروق كاتبة وصفات هايلة لكل حاجة اكتبى منها اللى يناسبك وفى كمان برنامج هايل كاتباه ميتو اسمه برنامج لجمالك فى 14 يوم هايل ويوفر عليكى تعب التجميع وكما مواضيع Hoba essam فيها وصفات حلوة بصراحة كل المشاركين فى هذا القسم وصفاتهم حلوة وسهلة ومجربة المهم اعملى زييى انا جبت كشكول وقسمته علشان ما اتوهش يعنى وصفات التفتيح لوحدها والتنضيف لوحدها وماسكات الشعر لوحدها وهكذا وطبعا مش هتكتبى كل حاجة اكتبى اللى تقدرى تعمليه ومكوناته متاحة ليكى واعملى جدول كل يوم حاجة للبشرة والشعر والجسم والقدمين المهم استمرى وان شاء الله تكونى احلى عروسة