السلام عليكم ورحمة الله وبركاته

خواتي الحبيبات ممكن تساعدوني لحفله ملكتي
أدور على صالون يسوي في ابوظبي مكياح وتسريحه يكون رائع ....وبعد ادور حنايه او صالون في ابوظبي او دبي يسوي حنه للعروس وتكون رسمتهم مميزه و حنتهم غامقه

ولكم الاجر ان شاء الله

ابشري فالج طيب يا الغاليه وان شاء الله الف مبروك
وربي يسعدك يارب

شوفي بنسبه حق الصالونات فيه عندج صالون دله هذا صراحه قمه ومعرفين با ابوظبي بمكياجهم
وصالون باريس جاليري
وعروس الخليج

بنسبه حق الحنا عندج صالون الاخوات هذا حنتهم وايد حلوه وغامجه ورسماتهم حلوه
وانشاء الله راح اسئل بعد على صالونات الحنه ورد عليج
والف الف مبروك

أشكرك والله على الرد

انا مجربة صالون عروس الخليج صراحة روووووووووووووووعة

خاصة خبيرة المكياج (جيتا)

والله يتمملك على خير

اذا انتي عروس... فالاروع صالون عروس الخليج بابوظبي...سعرهم معقول... ومكياجهم يخلي العروس عروس..وتسريحاتهم ماشاءالله دايم اشوفها حلوه ومضبوطه..باريس جاليري ودولي احسه ناعم زياده مكياجهم مايغير بالعروس..
والحناء صالون الاخوات حلو نقشهم بس دفش .. للي يحب النقش المليان.. بس كلن وذوقه..
وفي صالون عهود بالشهامه بعد روعه نقشاتهم وناعمه
وهاللي عندي ..وان شاءالله بالتوفيق

شكرا حبيباتي والله ماقصرتو

عزيزتي الحناء في بوظبي عند صالون ام حماده عندها سودانيات وهنديات في وحده هنديه متينه رهيييييييييييييييبه في حناء الرجول والسودانيه اللي اسمها سناء قمه فالرووووووووووووووعه بحناء اليدين هذيلا الهنتين انا مجربتنهن حناهم احلى من ام حماده نفسها وحناهم يصبغ لونه حلو،،،و في دبي عندج صالون افرينا حناهم خطييييييييييير،،، والمكياج عند جيتا صالون عروس الخليج،،، او جويل والصالون باسمها،،، او المواطنه منيره ماعندها صالون بس مكياجها خطيييييييييييييييييييييييير شفته بعيني واغلب البنات يمدوحونها وهذا رقمها( 0507811030) موبايل

مشكورة ويعطيج العافية