شعري ..

خشن وكنت متعودة دايم أفرده داااااايم ..

ويطلعلي شيب مبكر ... يعني لاااااااااااازم صبغة ..

طبعاً بتقلون جربي الحنة .. جربتها وماعجبتني لانها خلتلي الشعر الأبيض برتقالي ولونه فظيع
وسببتلي جفاف أكبر لشعري ..

والله شعري مسكين وأنا نفسياً تعبانة جداً منه صار ضعيييييف وحالته حالة
وأعالجه عند دكاترة أشكال وألوان
وأحط زيوت وكثيرا ومااحس في أي تحسن

المشكلة ان المدرسة مقربة خلاص
وأنا ماني عارفة ايش أعمل
لازم أفرده لأني من زمان مافردته وبدأ يخشن
ولازم أصبغه لأن الشعر الأبيض طلع خلاص وبكثرة في كل راسي ..

ياجماعة ايش أعمل ؟؟
مرات أفكر أصبر على الصبغ وأفرده لأن الجو مرة حااااااار وجداً رطب في جدة
ومرات أفكر العكس ..
بس إذا ما فردته ..
ويش هي التسريحات اللي ممكن اني أعملها فيه ؟؟
هو خفيف وقصير وماني عارفة كيف أتصرف فيه والله
رحت لكوافيرا رتبته بس بعدين لما خرجت في الحر يالله صار جداً سيء !
ايش أعمل ياجماعة ؟؟
والله نفسيتي تعبانة تعباااااااااانة وشايلة هم صديقاتي شعورهم تجنن تجنن ما شالله
ايش أعمل بس ؟؟
أنا عارفة إنكم ماتقدروا تعملوا ولا شي ولا تساعدوني بشي
بس على الأقل شكراً إنكم قرأتوني وطلعت اللي بقلبي وفضفضت مع أحد
والله يجزاكم خير جميعاً ..

اختكم / غريبة دنيا

اختي هلكتي شعرك صراحة..............من رأي انك تريحيه من الفرد و الصبغ فترة و تكون فترة نفاهة لشعرك يعني تهتمي فيه مثل ما الوالدة دايما ربنا يحفظها تحكيلي خلي شعرك صديقك حبيه و حافظي عليه..............عالجيه بوصفات طبيعية ابعديه عن الكيماويات شوي..............خدي فيتامينات (من الطبيب طبعا) اهتمي بغذائك أكثر............و استمري لفترة عشان تشوفي النتيجة..................اختي بيض شعرك و انتي في المدرسة؟؟؟ ارحمي شعرك شوي و اعطيه نوع العلاج اللي هوه يريده و نوعية غذائك بتأثر عشعرك فاهنمي بالصحي...........و ان شاء الله تستفيدي

ابتعدي نهائيا عن الصبغة لانها تزيد الشيب وكثرتها تدمر الشعر

جربتي تحطين بعد ماتخلصين لحنه كتم لانه يخغغ لمعان الشيب وما يصير برتقالي

أختي Lunar
هو مهلوك خلقة ..
طيب أنا ايش اعمل انا مخلوقة بهالشعر !!
من الابتدائي وشعري ملياااااااااان شيب مع انه مو وراثة بالعايلة ولا شي
أنا لأني حظي دايم حلو !!!!! ربي رزقني بشعر كذا
وبعد شعري خشن شسوي ياعزيزتي انا ما بديت احطله صبغة وفرد غير بالجامعة
يعني صبرت عليه كثير كثيييييير ..

بس من وقتها وانا احاول اعالجه والنتيجة صفرررر
مادري شسوي ..
طيب لو ريحته دحين شسوي فيه ؟؟
كيف يصير مظهري وةأنا أدرس مرحلة ثانوية
يعني بنات كبااااار وانتي تعرفين ويش يسون هالبنات
والله مو بيدي والوصفات الطبيعية انا جربت كثير بس كانت كلها بدون فايدة

عموما جزاكي الله خير اختي

أختي / نسيم الجروح

ويشهو الكتم هذا يا أختي الله يسعدك ؟؟
هذا مفيد يعني ؟؟ وين ألقاه ؟؟
طيب يعني لما أحني شعري أحطه كيف ؟؟
وهو يسبب جفاف الشعر ولا كيف ؟؟
الله يخليكي ردي عليا بسرعة وقوليلي وين ألقاه وكيف أستخدمه ؟

السلام عليكم حبيبتي الكتم مره حلو يخفي الشعر الابيض تماما ومايصير برتقالي
تلاقيه عند العطارين مثل الحناء ونفس استخدامه

أختي / بلسم الجروح
آسفة والله مانتبهت اني غلطت باسمك انااسفة ..
جزاكي الله خير ..

:

:

أختي / عقود اللؤلؤ ..
يسعدك ربي ان شالله اختي ..

بس ممكن أعرف كيف الطريقة يعني ؟؟
استخدمه قبل ولا بعد الحنا ولا كيف بالضبط ؟؟
أرجوكم أحد يرد عليا بسرعة ..

وجزاكم الله خير يااااااارب ..

الي أعرفه تستخدمينه بعد الحنه

مشكووووورة اختي ..
جزاكي الله خير ..