بسم الله الرحمن الرحيم

السلام عليكم ورحمة الله وبركاته

انا اسفه على ازعاجك بس كنت حابه اسألك على موقع او اى حاجه تعرفيها عن طرح زفاف المحجبات انا سألت قبل كده فى المنتدى بس مافى حد رد عليا. الله يخليكم ساعدونى لانى مش فى مصر و هنزل مصر ان شاء الله فى 7 ساعدونى كلكم . و جزاك الله خيرا يا بنت مسلمه

بصى يا حبيبتى أنا معرفش لفات موجودة على النت , بس شفت لفات على الطبيعة و مش عارفة أجيبهالك ازاى على النت

ليه ما تفكريش تعمليه فرح ملتزم
يعنىالرجالة فى حتة و الستات فى حتة

و تبقى بشعرك و ما عندكيش مشاكل

قوليلى رأيك

بسم الله الرحمن الرحيم

اشكرك على ردك ليا .بس انا فى اى حاله من الاحوال عايزة البس طرحه محجبه حتى لو كان الفرح ملتزم و هوا ان شاء الله هيكون كده..و اشكرك كمان مرة على ردك و جزاكى الله الف خييييييييييييييييييييييييييييييييييييير


السلام عليكم ورحمة الله وبركاته

يعنى حيبقى معاكى ستات بس و حتلبسى طرحة ؟

ليه ؟

عشان لو حصل يعنى أى طارئ و راجل دخل ؟ وللا ايه ؟

لأ هي حتلبس طرحة علشان الصور صح يا نور ؟
عموما يا نور متقلقيش من ناحية الموضوع ده كل الكوافيرات دلوقتي بقم بيعرفو يبتكرو احلي واجمل الربطات للعروسة المحجبة وعلشان كده بنات كتير بتلبس الطرحة في الفرح انت اول ما توصلي مصر ان شاء الله بالسلامة حتروحي تحجزي عند كوافية وتطلبي منها توريكي لوعنها كتلوجات فيها ربطات للعروسة المحجبة وتختاري لو معندهاش ممكن تروحيلها في يوم بتزوق فيه عروسة محجبه واتفرجي علي مستواها في المكياج وفي ربطة الطرحة ، لو ما امكنش خليها تعملك بروفة لكذا ربطة وانت تقرري
وان شاء الله حتبقي زي القمر والف مبروك

السلام عليكم ورحمة الله وبركاته

اولا اهلا بيكى فى المنتدى و تانيا شكرا على مرورك و ربنا يحميكى يا رب. و ان شاء الله ربنا يستر و تعدى كل حاجه على خير

ما رديتيش عليا
عشان التصوير زى ما الأخت قالت و للا عشان لو حد راجل دخل ؟؟؟

بصراحه عشان الاتنين عشان الصور و عشان لو راجل دخل . بس انا فى الاول كنت بسأل عشان الصور و الفرح عامه