السلام عليكم

يا بنات الامارات

حبيباتي انا سمعت عن خبيرة التجميل هيفا صفر . (بالشارقة)

يقولون انها تجهز العروس ومكياجها وايد مرتب وحلو

انا ما شفت شغلها.. بس في وحدة سمعت عنها وشلون مكياجها حلو مثل ما يقولون ولابس دعاية؟

واذا تعرفونها ممكن تخبروني عن اسعارها؟؟

بليييييز واللي تعرف خبيرة تجميل .. وتجهز العروس بطريقة حلوة ورقيقة (اقصد مكياج خفيف لكنه حلو)
ممكن تساعدوني؟؟


سلااااااام

هيفاء صفر مكياجها روعة بس لازم تختارين الالوان الصحيحة وتتجنبين اللون
الاسود بعد هند الاميري مكياجها وايد حلو

السلام عليكم

مشكوووورة كلنازشكرا لج حبيبتي انا ابي اروح لها من كثر ما يتكلمون عنها
بس منو هند الاميري وشلون مكياجها ووين صالونها؟

شكرا لج

السلام عليكم ورحمة الله وبركاتة....
عندج يا مياو واايد خبيرات تجميل واايد روعه وينج لين البيت من مثلا في ابوظبي جويل و دولاو منيره
وفي دبي والشارجه مافي غير ليندا خليفه مكياجه اروع من الروعه وصدقيني جربة مكياج كلهن وكل وحده عطتني شكل مختلف ومكياج مختلف .

واذا تبين ارقامهن انا في انتظارج.

ورده حممرة مشكووووووورة حبيبتي

انا عرسي بعد شهرين تقريبا .. وابي مكياج رهيب ومرتب وسمبل مو جني مهرج

يعني ما تغير ملامحي اكيد عرفتي شو اقصد وشو ابي بالضبط

دليني على كم وحدة وانا بسوي بروفا عندها احسن شي

بس اشلون تعطيني الرقم لا اقدر احط ايميلي ولا تحطين رقمهم شلون الحين ؟؟

السلام عليكم ورحمة الله وبركاته

هذي اول مشاركه لي في المنتدى ، بعد عناء من محاولات المشاركه

وان شالله بفيدج يا اخت مياو

مكياج هيفا صفر ما عليه كلام ابدا ، تغير الشكل تماما ، مكياجا قمة في الروعه ترسم العيون بطريقه جميله جدا ، وانا انصحج تروحين لها ، لان مكياجها لا يعلى عليه ، لاني جربت مكياجها واكثر اهلي بعد عرايس مسويين عندها ، بس هي وايد تكثر من البودره في الويه ، لكن مب مشكله في الصور ما يبين يعني بتطلعين قمر ان شالله



وعندي بعد رقمها ، بس لازم تحجزين عندها قبلها بفتره لان عليها ضغوطات وايده

ومبروك مقدما اختي مياو

والله يا حبيبتي مياو انا من النوع الي احب اجرب المكياج وجربت عند هيفاء خلتني مهرج الصراحه هو حلو لاكن في هذا الوقت المكياج السنبل هو المطلوب ؛هذا رقم جويل في ابوظبي 026226660
و خبيره التجميل صفيه النويس الصراحه روووووعه 026344888
وخبيره التجميل اروع من الروعه منيره 0506146596 وهذا اذا لقيت حجز عندها لانها
وايد شاطره .
انا بصراحه يوم عرسي سويه مكياجي عند جويل وكان رووووعه .....
انا انصحج اكثر اتسوين بروفه اول عند منيره .
بس خبريني وين انت ساكنه في ابوظبي او الشارقه ؟؟؟؟
وطمنيني على الفستان وين سويتيه ok
باااااي

نواااري حبيبتي .. ياهلا فيح بالمنتدى نور المنتدى بوجودج
والله يبارك فيج
اذا كانت تغير الملامح وتكثر البورد عيل مو هذا المطلوب
شكرا لج حبيبتي ونتريا مواضيعج


وردة حمرا شكرا شكرا شكرا شكرا الف شكر لج حبيبتي

ماتقصرين
انا ساكنة براس الخيمة

انا من جي ابي خبيرات من الشارقة ودبي لان في راس الخيمة ماشي او ما اعرف مادري
المعروف اكثر انهم في الشارجة ودبي وبوظبي من جي اسال عنهم

واما عن الفستان اتصدقين للحين ما اخترته باجي شهرين وانا مو مسوية اي شي لان
تونا مقررين هههه تو الناس

انا باخذ فستان ايجار من جي مو صعبة (بصراحة ما اعرف شي عن الاعراس )ممكن تنصحيني ووين بلقى فساتين حلوة؟؟

واذا عندج اي نصيحة كلي اذان صاغية ..

شكرا لج

هلا...
والله يا مياو بسالج عن الاسعار المكياج اينج لين راس الخيمه وبرد عليج ...
وبالنسبه عن الفستان تبين تاجرينه من محل او عند حرمه وكم السعر الي حاطتنا على الفستان ؟؟؟؟
لانا عندي نصيحه واااايد حلوه عن الفستان بس ردي عليا .....
مثل مايقولون اسئلي مجرب ولا تسالين طبيب ...
بالتوفيق انشاء الله ....