السلام عليكم

شخباركم حبيباتي ؟؟

بدش بالموضوع ماحب المقدمات ..

انا (اعوذ بالله من كلمة انا) سلمكم الله صبغت شعري وايد كان نااااعم وسايح وصار خشن ومتقصف(مادري منو ضاربني عين ههههه)

واخر شي سويت هايلات وحبيت اغيره فصبغته بني غاامج .. في البيت
وما انصبغ كامل .. من جي طالع شكله بالغلط ههههه

المهم وحابة اوحد لون شعري بس اخااف اصبغه بعد خلاص اتعقدت من الصبغ
مادري شنو الحل الحين .. ه

الحناء زينة لي وما تضر ( ادري غريبة اسالكم هالاسئلة بس ما اعرف وايد عن الحنا )
حابة يكون لون شعري جريب الاسود

وهل في طريقة تنعم شعري بعد هالصبغات ؟؟ويرد نفس اول ولا لازم اقصه وبس؟

ساعدوني بليز

السلام عليكم ورحمة الله وبركاته

ياأختي ابأفضل أن تذهبي لأهل الخبره وهم أي مشغل تكوني سامعه عنه أنه زين وهم سوف يوجهوكي للصح

ولكن أنا رأي أنك تقصي شعرك لان تقصير الشعر مره مفيد ويجدد نموه .

وربنا معاك

الغالية

اذا بغيتي نصيحتي

انتظري كم شهر واتحملي لون شعرك هذا وعقب اصبغي بس اثناء هالفترة ادهني شعرك وقومي بعمل حمامات زيت يعني اعتني بشعرك وعالجيه

لانك لو صبغتيه الحين راح تجهدين شعرك بزيادة وراح ينشف ويحترق
بالذات ان الهايلايت والالوان المائلة للاشقر تسبب حرق الشعر وسحب الرطوبة منه
وصحيح ان الحناء تكسب الشعر الصحة واللمعان ولاكنها بطبيعتها تنشف الشعر فاذا حبيتي تحطين الحناء بعد انتظري وبالاول عالجي شعرج مثل ما قلت لج بالزيوت الطبيعية وعقب حنيه

تقبلي تحيااااتي

اختك

نعنوووعة

زهرة .. نعنوعة شكرا على نصايحكم والله فرحت يوم رديتوا علي ..وعلى محاولتكم في مساعدتي
ايه صح لازم انتظر وما اصبغه بالمرة .. لين فترة معينة ..واقصره شوي صح كلامكم ثاااااااانكس

السلام عليكم ورحمة الله وبركاته ..

اختي في الله اعتقد بان شعرك محتاج لفترة رااحه من الصبغ والخرابيط

عشان جذي انصحك بانك تدهني شعرك يوميا قبل النوم
والصبح اغسلي شعرك وهكذا الى ان تشعرين بتحسن ملحوظ في شعرك

حاليا اعملي حمام زيت لشعرك في اي صالون قريب لك او مناسب لك ..

وبالنسبة للحناء فنعم هو مفيد بس مو الحين يعني بعد فتره
وخصوصا ان الحناء يجفف الشعر
بس في وصفه جيدة لك وهي الحناء مع الزبادي وان شاء الله تلاحظين الفرق بنفسك

وبالتوفيق يالغاليه


اختك في الله

مشكوووووووووورة قمرة عالنصايح الف شكر لج حبيبتي
ان شا الله بحط زيوت وبسوي حمام زيت

سلام

فعلا اختي شعرك يبغاله اجازه من الصبغات واستعملي حمام زيت رائع لشعر وبالتوفيق

مياو ...حبيت اقولك ان اختي صبغت شعرها ثلاث مرات ورى بعض كان شعرها رووووووعه بس بعد ما لعبت فيه بالصبغات الله لا يوريك صار ماينبغى خشن ويخوف ماكنه شعرها بس الحين ماشاءالله عليها رجع زي اول استخدمت خلطة زيوت وحنا وحمامات زيت بالضبط ماعرفهم اذا تبين ردي علي علشان اسألك اياها واعلمك

اف يو انترستد

ايه والله السيدة الاولى علميني يمكن اتفيديني جزاج الله خير
اترياااج

ممكن هالرابط يفيدك
اضغطى هنا