السلام عليكم ورحمة الله وبركاته ارجو ان تدلوني على محلات فساتين زواجات في الرياض وك ولكن ليست غاليعه (غاليه ) حدود 300 ريال

وعليكم السلام ورحمة الله وبركاته

حياك الله ياقشطة ونحن سعداء بانضمامك الينا ..

وان شاء الله بنات الرياض مايخيبونك ويدلونك...

معقوله بتلاقين فستان زواج بهالزمن ب300ريال بس؟؟؟؟؟؟؟؟؟؟
أنا حافظه أسواق الرياض كلها ........فيه فساتين عاااااااااااااااديه ممكن توصل لهالسعر
عندك في العثيم مول أو المجد ....وفيه محلات تجنن فساتينها بس غاليه يعني يوصل حدود الفستان الى 1000مثل محل كواكب ومحل لمسات طيبه.........وفيه محلات راقيه جدا جدا بس أسعارها خياليه يعني من 2000 وطالع بس بصراحه تجنن وميزتها ماتلاقين أحد لابس زيك (مجمع الموسى)
أتمنى إني أفدتك بشي

فعلا ما فيه شئ مميز بهالسعر إذا تحبين شوفي على طريق الملك فهد محل سهرات ما اتذكر الإسم بس جنب صالح الرماح للأقمشة ممكن أسعاره تناسبك .........

على فكرة ...وين لمسات و كواكب ؟؟؟؟؟؟

لمسات طيبه مقابل المملكه
وكواكب مقابل العليا مول

بسم الله الرحمن الرحيم السلام عليكم ورحمة الله وبركاته
اخت قشطه بالعسل سؤالك جاي في وقته بس اللي يقهر ان الزواجات قريبه من بعض ونفس المعازيم....
مايدري الواحد من وين يجيب ميزانيه لكل ذا بصراحه الفتره اللي فاتت دبرت نفسي لأن الزواج كان صغير وبسيط ويوم تعبت من اللف في الاسواق جتني فكره اشتريت بدي حلو يناسب لحفلة زواج واخذت تنوره بعد تناسب المناسبه وارتحت ماكلفني الطقم غير 150ريال تصدقين بس لاتستهينين به والله كان حلو لكن المشكله الزواج اللي جاي كبير ويبغاله واذا على المحلات الحلوه فيه في البديعه مول الدورالاول وفي الدور الثاني محل نسيت اسمه اول ماتتطلعين على يدك اليسار كان مسوي تخفيضات تلاقين فساتين روعه ب750 -800 ريال بعدالتخفيض ويقول ان كل موديل منه اربع قطع بس
ادري اني طولت مع ان هذي اول مشاركه لي بس حبيت افيد واستفيد ...... وشكرا

عندك أسواق مكه .. ممكن تلقين نفس بضاعة بعض المحلات في مجمع الموسى .. بس أرخص
وعندك الرياض مول .. بتلقين فساتين بهالسعر أو أكثر شوي

شوفي يا حلوة ممكن تلاقين بأسواق الشعلة موديلات حلوة واسعارها معقولة