مــرحبا ..


انا ما اريد اطول عليكن بس بغيت اسألكن كيف اسوي شعري رووولات بدون الفير يبين طبيعي

مثل نانسي عجرم حااااولت اعملة بالموووس بس ماطلع ...

الغالية شاني

هذي طريقتي في عمل التمويجات بالروول

بعد ما تغسلين شعرج وتخلصين جففيه بالفوطة واتركيه يتهوا شوي

وبعدين جهزي (سشوار + روولات + دبابيس + مشط + سبراي للحاجة)

*** ملاحظة : الرولات الكبيرة للتمويجات الكبيرة اللي تبين طبيعية ، والصغيرة اذا كنتي تريدين شعرج يبين اكثر تموج

وعليها اذا استخدمتي الرولات الكبيرة جزئي شعرج الى خصل كبيرة ،، وبالروول الصغير جزئيه خصل صغيرة ورقيقة

والحين ابتدي

مشطي شعرج وجزئيه مثل ما تبين

وابتدي تسشورين شعرج كل خصله بروحها وكل ما تخلصين من خصله لفيها بالروول ودبسيها عشان ما تنزل

لين ما تخلصين من شعرج كله

خليه ملفوف ربع ساعة الين نص ساعه اذا عندج وقت كافي وعقب فكيه

واذا ما عندج وقت ومستعجله رشي على شعرج شوية سبراي من بعيد وفكي شعرج

وشوفي النتيجه

وادعيلي لا تنسين

اختج

نع نع

شكـــرا حبيبتي ..

بس ما في طريقة اسهل يعني بدوون سشوااار او اي شي ؟؟

طبعا الغالية بالستشوار تطلع احلى لان يفرد الشعر وبعدين التموجات تطلع طبيعيه


اذا بغيتي بدون استشوار وبدون روولات

بعد ما تغسلين شعرج اعصريه بايدج ولا تنشفينه بالفوطة

وحطي عليه جل او موس
ونعكشيه بايدج لا تمشطينه اهم شي

وبس خليه ينشف

لمن ينشف بيلفلف شعرج وبيطلع منظرة كانه مبلول

طبعا هذي الطريقة انا ما احبها لان يطلع شكل شعري فيها خفيف

لكن اختي دائما تسويها ويستوي عليها حلو

بس ديري بالج ترا كثرة الجل يسبب التساقط

تحيااااااااتي لج مرة اخرى

واي سؤال انا حاضرة

شكـــــــــــــــــرا حبيبتي.....


انشاء الله بجرب الفكرة الاولى ...