هلا منولة و تحياتي للجميع .. منولة أنا كنت كتبت موضوعي بالخطأ في الركن العام الحمدلله انتبهت مباشرة ومسحته .. موضوعي يا الغالية اني ما أعرف الأشياء الي تتماشى معي للمكياج وأصلا انا مو جريئة بالمرة في وضع الميك آب يعني أكتفي بالكحل و قليل من الحمرة الباهتة .. ولما أشوفكم تتكلموا عن الآي شدوه و البلاش أتغاير و أريد أعرف شو الأشياء الي تلزمني أشتريها و نوعية الألوان و الماركات مع العلم اني موظفة يعني ما أميل للألوان الزهرية بحكم عملي و سني .. .. لا تسأليني كم عمري ؟ بس بشرتي بيضة على وردي و هي خالية من الحبوب..و كذلك(أعرف اني ثقلت عليك) شو البروشات الي لازم يكونوا عندي حق وضع المكياج .. أفيدوني و لكن الأجر .. ولا ترضون صديقتكم تظل متخلفة ..وما مواكبة قطارالجمال؟؟

اهلين اناقة منورة

كويس انك انتبهتي انك حطيتي الموضوع خطا ومسحتي

ماادري اناقة اطلعتي على هذا الموضوع قبل

اضغطي هنا

اذا ماكنت اطلعتي عليه انصحك تقلاايه وبعدين اذا عندك اي سؤال اكتبي بموضوعك هذا وانا من عيوني اجاوبك

ولون بشرتك حلو لكن بحددك طبعا باللاوان لانك اذا حبيتي مثلا تحطي ميك اب برتقالي او عسلي او بني

لازم تستخدمي كريم اساس مائل للون البرونزي علشين لايسير تضارب بين لون بشرتك والميك اب

اما الاي شدو اذا مرة ماتعرفي تستخدميه انا انصحك مبدئيا تشتري علبة شدو اللي تجي الوان كثيرة مثلا 70 لون

او 50 لون وسعرها رخيص وتتعلمي فيها لين ماتتقني وضع الاي شدو وبعدين اشتري حاجات ممتازة وغالية الا

اذا عيونك حساسة ماانصحك باللعب فيها بالشدو الرخيص والفرش خذيها من محل مكياجي او محلات تجهيز

المشاغل بتجي رخيصة مو تشتري من الغالية بالبداية وبعدين ماتقدري تستخدميها وتقعد على قلبك

امممممممممم واللله الكلام يكثر في المكياج خصوصا معايا لاحد يجيب لي سيرة المكياج

المهم دحين اقرائي الموضوع واذا في اي استفسار اكتبيه هنا ووباذن الله اجاوبك بالتفصيل

وكمان لو تقوللي لي انت ايش نوع بشرتك يكون افضل

الله الله الله عليك يا أحلى منال .. والله حظ الي يعرفونك و يحبونك ويعيشون معاك .. الذوق مبين في كل ردودك و معلوماتك روووعة (أعرف أغازل هاه؟)..لا والله الصدق الرابط أفادني كثير وراح أدخل له على رواقة وأسجل في ورقة الأشياء الي تناسبني ..ولي موعد مع محلات الميك آب.. ..أما بشرتي فهي مختلطة :جافة شوي حول الفم وعلى الجبين بس فيها poresقرب الأنف بس مو كثير مبين .. يبقى عن نوع المكياج أنا أريد أجرب أحط برنزي و برتقالي ..يعني حسب المناسبات أغير شوي من اللوك الي ماغيرته من سنين .. فعلميني شو أشتري مع البرنزي من حمرة وتحديد وغيرها و مع الرتقالي و.. الله يعينك على هالجهل المتقع ..ما أريد أخليك بس خلصت كلام ...أنتظر ردك يا أحلىىىىىىى منولة

يعني يااناقة ع الكلام الحلو هذا مااعرف ايش ارد

طيب شوفي مادامك تبغي تعرفي ايشالماركات واللي فيها حاجات حلوة للوك اللي تبغيه

انا بالنسبة لي افضل كريولان بشكل كبير خصوصا للسهرات لكن المشكلة ان الماركة هذي مو متوفرة بكل مكان

علشبين كده رح اعرض ماركة ماك وميك اب فور ايفر تقريبا هي موجودة بكل مكان

اول شي الوك البرونزي وتقدري لو تحبي تخليه برونزي وبرتقالي يطلع حلو

تبدائي بالاساس وبما ان بشرتك ماشاء الله مافيها عيوب ولا حبوب ممكن تستخدمي اساس مو شرط يكون تغطيته

كبيرة ممكن ببودرة حرة اللي تجي ناعمة مو المضغوطة

اختاري درجة برونزية فاتحة جدا مو تختاري درجة غامقة وانت لونك زي ماوصفتي ابيض على وردي لااختاري

من الدرجات البرونزية الفاتحة

انصحك باساس Studio Finish Satin Foundation من MAC



ودائما خلي عندك درجتين درجة العادية اللي تناسب بشرتك بشكل دائم ودرجة مائلة للبرونزي الفاتح علشين

تتلاعبي باللالوان ...

والبودرة خذي برضوا بودرة برونزية وممكن تكتفي فيها بدل الاساس يعني اساسك العادي مع البودرة البرونزية

اقصد البرونزية الي تكون بلون برونزي بدون جليتر وتكون مات وبرضوا تلاقيها عند ماك

وللاي شدو ممكن تستخدمي درجات البني والبرتقالي والبيج رح تعطي لوك حلو مثل هذه اللالوان في الصورة



ممكن البرتقالي يكون اقوى وممكن تستبدليه بالتركواز او الاخضر العشبي لمظهر جديد

وتخلي الاضاءة ذهبي ونرسم خارج العين بالاسود او البني الحروق وتكحلي داخل العين باللون التركوزا او الاخضر

وتحطي ماسكارا سوداء وعلى اطراف الرموش تحطي مسكار خفيفةذهبية واجمل انها تكون بجليترذهبي

واخر شي اللاشر اخلطي لونين اللون البرتقالي مع اللون البرونزي وابتسمي وحطي البلاشر بضربات سريعة على

تفاحة الخد..........

ان شاء الله اكون افدتك واي استفسار حاضرة

نعم يا منال الغالية أفدتيني و ايد وايد وايد...أشكرك يا حلوة وإنشالله الله يعطيك كل ما تتمنين و يوفقك يارب..أول ما أشتري الأشياء و أجربها راح أوافيك بالنتيجة ..

امين واياكِ اخيتي

العفو اناقة اذا اشتريت المكياج وجربت رديلي خبر