ابغى محل ملبوسات هندي عاجلا لظروره

**سود الأهداب** · 31-01-2005, 07:31 PM

السلام عليكم ورحمة الله وبركاته

الاخوات العزيزات خاصه نات الرياض ابغى محل لبيع الملابس الهنديه مع الاكسسوارات بس يكون محل حلو يبيع الساري الراقي من قماش الشيفون والحرير والاكسسوارات الجديده من غوايش وخلاخل وغيره يعني هندي ميه بالميه((((وحلو)))) ولكم خالص الشكر

**عواصف شوق** · 31-01-2005, 08:10 PM

يلالالا يابناااات الرياض ساعدوا حبوبتنااااااا

**سود الأهداب** · 31-01-2005, 08:14 PM

يله يابنات الرياض الفزعه بسرعه انا انتظر

**سود الأهداب** · 01-02-2005, 10:40 PM

وينكم يابنات ماحد يبغى يساعدني ويقولى او مو موجود محل للملابس الهنديه

**شمالية غربية** · 01-02-2005, 10:48 PM

أختي انا مو من الرياض لكن احاول اتذكر لك بعض المحلات

عندك واحة الجلابية بجانب لمسات طيبة لملابس السهرة اعتقد قريب من الفيصلية او المملكة

العقارية فيها محل حلو بس اسعاره بالألف وفوق

فيه محل سيدة الهند لكن مااعرف بالضبط وينه احاول اسألك عن عنوان الشارع اللي به المركز لأن حتى اسم المركز مااتذكره

**سود الأهداب** · 02-02-2005, 12:42 AM

مشكوره حبيبتي شماليه غربيه الله يعافيك اسالي وردي باسرع وقت لاكن الاسعار تكون وسط مو مرتفعه واسفه على الازعاج وكثر الطلابات ولكي خالصالشكر والتقدير على التعب الي سببته لك

**خيول البحر** · 02-02-2005, 12:55 AM

فيه محل بصحارى مرة روعة الساري عنده وأسعاره من 800 وطالع ..

وممكن يعملك تفصيل أو يعدل على أي موديل تختارينه باللي يعجبك..

والله ناسية اسمه لكن تلقينه بجانب محلات الجلابيات الموجودة بصحارى ..

**فجر الإمة** · 02-02-2005, 01:40 AM

السلام عليكم
اختي الفاضلة سود الأهداب
فيه محل في صحارى بلازا في الدور الأول اسمه ( ومن ) عنده موديلات شيك جدا من الساري لكن أسعاره
حلوه الألف وانت طالعة والموديلات الحلوة جدا بـ 2500 بس ذرائعة جدا وله فرع في شارع التحلية بجانب مطعم الزعفران ....................ز

**شمالية غربية** · 02-02-2005, 01:52 AM

ويعافيك أختي

واحة الجلابية بجانب لمسات طيبة لملابس السهرة اعتقد قريب من الفيصلية او المملكة

طريق العليا بعد العقارية على يمينك ...ويبيع لك اقمشة او جاهز اللي تبين وعنده اكسسوارات هندي بعد وبعض موديلاته لقيتها عند واحد من المحلات اللي في مركز الأندلس الدور الأرضي الجهة اللي اغلبها محلات جلابيات

العقارية فيها محل حلو بس اسعاره بالألف وفوق

الدور الثاني

فيه محل سيدة الهند لكن مااعرف بالضبط وينه احاول اسألك عن عنوان الشارع اللي به المركز لأن حتى اسم المركز مااتذكره

تقاطع خريص مع العليا وإنتي جايه من شرق لغرب عند الإشارة المركز الكبير اللي على الزواية وقباله شقق بودل ..

فيه محل في صحارى بلازا في الدور الأول اسمه ( ومن ) عنده موديلات شيك جدا من الساري لكن أسعاره

صحيح الأخوات مدحوا لي كثير هذا المحل لكن للأسف ماامداني امره ..

الله يعينك على وصفي وبالتوفيق

**متفائلة** · 02-02-2005, 11:42 AM

اهلين اختي جيت برد عليك لقيت الاخوات قبلي ماقصرو كل المحلات اللي قالوها روعة
والله يوفقك

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ابغى محل ملبوسات هندي عاجلا لظروره

أدوات الموضوع

العرض