السلام عليكم يا بنيات
السالفه و مافيها انه من كم سنة كانت وحده من الأهل بتعرس و تم اختياري علشان أهتم فيها يعني من راسها و يالين ساسها
طبعا البنت كانت حلوه و مب قاصرنها شي بس في مشكلة وحده وكانت عويصه البنت شعرها كان يوصل لأخر ظهرها بس من تحت كان مب حلو يعني ضعيف و أمها مب راضيه نقصه بالمره طبعا هاي عروس و لازم نلقى حل
و أخيرا أقنعت الأم اننا نقص شويه من تحت و 1 سم بس و وافقت و قمت وسويتلكم برنامج حمام زيت عند صالون معروف عندنا و طبعا البرنامج كان على مدى شهور لأنه كان باقي عن عرسها أكثرمن 8 شهور في الشهر الأول كنا نسوي لها حمام زيت كل اسبوع مرة أما في الشهر الثاني في كل اسبوعين مرة و في الشهر الثالث كل ثلاثة أسابيع مرة و بعدين تمت على كل شهرمرة , طبعا أنا ما كنت معاها طول الوقت و لما وصل أبو العيال من السفر انشغلت معاه لحد ما جا وقت العرس و كانت المفاجأة لما كنت معاها علشان يسوون الماكياج و التسريحة كانت غاسلة شعرها و لافته علشان ينشف و بعدين فجت شعرها للكوافيره علشان تستشوره ما صدقت عيوني كان شعرها كله حيويه و صار أحسن عن قبل وايد و طول عن قبل
بس شوه انبسطت هاك اليوم علشانها و بالمناسبة أنا سويت حمامات زيت لشعري وقت عرسي اتحسن شعري بس ما كانت النتيجه فيه مثل ما كانت فيها هي كان التأثير وايد أقوى يعني الظاهر ان تأثير حمامات الزيت يختلف من شخص لثاني. . . و أبا أقولكم ان اللي تبدأ هالبرنامج لازم تكمله على الأقل يا لين توصل للشهر الرابع على الأقل لأنه لو بدأتي وخليتيه في النص يمكن يطيح شعرج زائد انها لازم تقص الشعر الميت قبل ما تبدأ
أنا عارفه في حد ممكن يقول و ليش لازم في الصالون . . . . لأنهم يستخدمون زيوت طبيعية و عندهم أكثر من خلطة لأكثر من نوع من أنواع الشعر زائد انهم يستخدمون آلة البخار مالت الشعر فتتفتح المسامات و تمتص فوايد الزيوت أكثر من لما تسوينه في البيت و تستعملين الفوطه الساخنه أو السيشوار
ملاحظة النوعية اللي شعرها ناعم بزياده يمكن ما ينفع لها هذا البرنامج لأنه الشعر الناعم وايد لما تسويله حمام زيت مرات يطيح و أنا ما أريد تدعون عليه
أهلاً بيكي أختي ياسيه
اللهم تقبل منا صالح الأعمال 
الروابط المفضلة