لو سمحتو يا بنات جدة الكرام انا سامعة أنه فقط بجدة في كافة دول الخليج لديهم وكالة لماركة (كوج ) هو ماركة للشنط والاحذية (اركمكم الله)
فلي تعرف العنوان لهم في جدة تقولي أو موقعهم الاكتروني اللي في جدة اللي اقدر من خلالة اشتري منه
كلي أمل بالله ثم فيكم بسرعة لو سمحتو

اختي الحبيبه بسكوتة 2003

انا من جده لكن الصراحه اول مره اسمع بهذي الماركه

وودي لو كنت افدتك لكن سامحيني عمري

لأني والله نادرا اهتم بماركات الأحذيه اكرمك الله

لكن بسأل لك وان شاء الله ارد عليك

او ان شاء الله تلقين رد عند اخواتي الحبيبات ما راح يقصرون

وعيدك مبارك

محبتك ام البراء
غزاله
غ

يا هلا أختي .. حياك الله ..
تقصدين ماركة coach ..
هالماركة موجودة في كتالوج سبيجل .. ممكن تطلبينها من خلال الكتالوج .. أو من خلال موقع الماركة في النت عن طريق مكتب أراميكس الموجود في السالمية ..
أتمنى إني أكون أفدتك .. وأي تفاصيل أنا مستعدة أشرح لك ..

شكرا يا السلفية وانا فعلا كنت غافلة عن ارامكس بس انشاء الله اكون على اتصال معاهم بس انشاء الله احصل رقم تلفونم
غزاله مشكوورة على الاهتمام بالموضوع وكفايه مرورك والتعليق عليه جزاك الله الف خير وانت بعد يالسلفية اذا امكن تدليني على مكان ارمكس بالضبط علشان اطير هناك واطلب اللي في خاطري وكيفية طريقة الطلب عندهم ادري راح اتعبك معاي ساحيني بس هذه الماركة في خاطري والله لا يضيع من يساعد الناس الخير بألف خير انشاء الله

راح أجاوبك بالتفصيل ..
بالنسبة لعنوان أراميكس والله ما أعرفه لأني ما أروح لهم .. أنا أتصل عليهم وهم يطرشون مندويهم لبيتنا يستلم الفلوس ويعطيني الفاتورة .. ولما توصل الطلبية يجيبها لي وأنا أعطيه باقي المبلغ .. لأن عند الطلب تدفعين نص القيمة الكلية للطلبية .. وإن كنتِ تبين العنوان .. أبشري أسألك أختي وأكتبه لك بإذن الله تعالى .. أو تقدرين تحصلين على رقمهم عن طريق البدالة وتتصلين عليهم ونتاخذين العنوان ..
طبعاً تقدرين تطلبين من عندهم مباشرة أو عن طريق التلفون إن كان الطلب من أحد كتالوجاتهم .. ولكن إن كان الطلب مو من الكتالوج يعني من أحد المواقع في النت لازم تصورين الطلب وترسلينه لهم أو إنت تودينه لهم علشان يطلبونه لك .. ويحسبون الدولار بـ 400 فلس ورسوم الشحن عليك ..
وطلبياتهم ما تطول تاخذ تقريباً ثلاث أسابيع أو شهر بالكثير ..
نرجع لماركة coach اللي تبينها .. وأقول وأنصح تروحين لموقعهم على النت لأنك راح تشوفين التشكيلة كاملة مو مثل الكتالوج ما يعرضون كامل التشكيلة .. لذلك تصفحي الموقع وإحتاري اللي تبينه وصوريه وبعدين إطلبيه عن طريق أراميكس ..
:: نصيحة أخيرة ::
أقول هالنصيحة وعن تجربة .. تأكدي من مواصفات الشغلة قبل لا تطلبينها علشان ما تتوهقين .. مثل القياس .. للنوع ( وأقصد نوع الخامة إذا كانت جلد أو مخمل أو قماش أو نايلون ... إلخ ) ..تأكدي لأنه ما فيه مجال للترجيع ..

شكرا اختي السلفية على الرد والتوضيح الشامل اسأل الله بمساعدتك لي أن يقدم لك العون في كل وقت وزمان ومكان
بس مو وايد الدولار ب 400 فلس؟
وأنا إنشاء الله راح اجرب واشتري منهم
ولك كل الاحترام والتقدير والشكر مني لك على المساعدة والتوضيح الكامل والشامل