تويت
السلام عليكم ورحمة الله وبركاته طبعا منازلنا بتكون عنوان لينا حبيت نتشارك كلنا ونتعاون في جمالها مع عدم الاسراف ايضا يعني كل من عندها اقكار لجمال ونضافه المنزل وشياكته يا رين ما تبخلش بالشتراك معانا
-
-
بس يا ريت نرتب افكارنا يعني بند للتنظيف وبند للتنظيم وبند للاناقه وهكذا
بس انا هكسر القاعده من الاول واقول اللي في بالي يعني مثلا بقترح ان كل واحده يكون عندها نوعين ستاير ستاير للاستعغمال الدائم وستائر اخري للمناسبات ليس فقط العامه ولكن ايضا الخاصه كعودة الزوج بعد غياب طويل وهكذا بالنسبه لمفارش المناضد ودواسات الاعتاب وحتي المشايات الصغيره راجعه تاني بس يا رب يا رب ارجع الاقي المجموعه كبرت والحبايب اتلمو -
بصى يا حبيبتى المطبخ اساس البيت ياريت لو حد يكثف لينا النصائح كده
عاوزين ماما امال رفقى تيجى كده تبص علينا يلا نبعت ليها دعوة اصلها شاطرة قوى
وربنا يستلر وما ترفضهاشتعليق
-
ابعتي يا حبيبتي انا ورا الجميع وعايزين كل المنزل اوضه اوضه ونبدا بالمطبخ يا عسل زي ما قلتيتعليق
-
السلام عليكم ورحمة الله وبركاته
ازيكم عاملين ايه
ابتدو المواضيع وانا معاكمتعليق
-
سلاااام عليكم
عزيزتي ايجبشن سيستررررررر ... ياريت تقبليني معاكم ... لاني نفسي افجر بيتييييي ... ونفسي احافظ عليه جدا بارخص واوفر طريقة ... لاني والله بتعب نفسيا لما محسش ان الشقة نظيفة ... ودلوقتي عشان معايا حمزة ربنا يحفظهولي ويهديهولي اهم حاجة ...ببقى مش ملاحقة زي الاول ... وخاصة نفسي ارجع حاجتي زي ما كانت جديدة ماشاء الله ونظيفة ... سواء مطبخ او الاوض او الحمامات ...كل الشقة يعني ... هيا طنط السوسنة عاملة حاجات كتير وحاطة حاجات كتير بسم الله ما شاء الله لا قوة الا بالله ... بس حسيت اني تايهة في مجموعتها ...فياريت بجد نتجمع هنا وكل واحدة تقول بتعمل ايه ... عشان نستفاد... وسلامة للجميعتعليق
-
السلام عليكم
معاكم يا جماعة ان شاء الله ويا ريت فعلا نبدأ بالمطبختعليق
-
السلام عليكم انا جيت واشكركم علي الدعوه الجميله
انا حبيباتني كنت في الاول زمان من 18 سنه اول ماتجوزت ماعرفش
ازاي اشطب المطبخ وكنا كل يوم خميس نتغدي عند حماتي علشان تتانس بينا وكل يوم واحد من اولادها الاربعه الرجاله بيجيب ولاده معاه
فمره من المرات بعد الغداء زي كل مره قمت غلست المواعين بعد الغداء وكنت خلاص خارجه
واذا باخته التزوجه ومعها بنت تبلع من العمر 6 سنوات
قالت ياما تشطبي المطبخ يااما لا
البوتوجاز بتمسحيه بقماشه بها قطرات من الصابون والحوض وكل حاجه ترجع مكانها
والله الموضوع كان في الاول صعب لكن بالتعود الحاجه اللي تخرجيها مثلا الخلاط ترجعيه مكانه في ضرفه الاجهزه اي تكون الاجهزه فقط
عبوات البهارات موحده الشكل وبتعملي استيكر علشان اللي يدخل المطبخ مايتوهش
لازم يكون في مطبخل باسكت كبير للقمامه اللي بتلاقيه موش نافع زجاجه فاضيه لان الكراكيب بتيجي من ان الحاجه بيكون بينك وبينها تعاطف
علبه فاضيه ارمي حاجه مكسوره ارمي
طيب واحده هتسالني والله وانا قلت اللكلام ده قبل كده
اعرف ازاي ان الحاجه دي كراكيب
شوال اجوال فاضي كبير من اللي بتاع القيق ممكن تشتريه فاضي منه
بتغسليه وكل حاجه ماتستعملهاش حطيها فيه
لو مر الشهر ولم تفتحي الجوال لاستخدامها اعرفي انها كراكيبتعليق
-
سلام عليكم
انشاء الله مع بعض بيوتنا تبقى من احلى البيوت ان شاء الله واشيكهاتعليق
-
السلام عليكم
اتمنى نفيد ونستفيد
وياريت كمان يكون في افكار للنمل الي بجتاح البيت فالصيف
عايزة اقلكم اني استخدمت كل شيء ممكن يخطر بالبال
عجينه النمل واقفل الفتحات وبين البلاط بالجبس كل شهر تقريبا
قريت فكتاب للطب النبوي الكمون
وبرده مفيش فايده
بيكسر بين البلاط ويطلع هيه شكوى عامه فالمنطقه
مش عارفه اعمل ايهتعليق
-
الله ماما امال وصلت لا مش معقولة انا مش مصدقة نفسى بصراحة شكرا يا ابلة عل التلبية احنا شغلناكى معانا معلش استحملينا يا قمر احنا عاوزين ننهل من علمك وخبرتكتعليق
-
شكر يا ابلة امال على معلوماتك وانا معجبة بمواضيعك جدا
بالنسبة للنمل يا وبيبي احسن حل اننا نسيب البيت ليه ونمشى
ده بيطلع صيف وشتا واليومين البرد الشديد قوى هو اللى بيختفى
يعنى لولا الملامة كان فضلتعليق
-
ما شاء الله علي المجموعه الجميلاه والدعوه عاااااااااااااااامه للجميع ويا ريت ماما امال يكون ليها مقاله يوميه في موجموعتنا لكل بند واهلا بالجميعطتعليق
-
سبحان الله يا طنط آمال أنا من زمان جاي في بالي الفكرة دي
بس مش تعتقدي شهر قليل
يعني مثلا علب المربى الفاضية ممكن لا نحتاج لها خلال شهر بس ممكن نحتاج لها بعد كده لو عملنا مخلل مثلاتعليق
-
كمان بالنسبه للمطبخ قريت قبل كده اننا نضع ورق الجرائد فوق دواليب المطبخ ونغيرها كل فتره بس عاوزه اسال ماما امال هل نلصق سلوفان علي الحائط خلف البوتاجاز عشان الدهون ولا نعمل ايهتعليق
.
تعليق