اناقتك جوه البيت وبره البيت

تقليص
X
 
  • الوقت
  • عرض
إلغاء تحديد الكل
مشاركات جديدة
  • الاميره الطيبه
    عضو نشيط
    • Nov 2007
    • 355

    اناقتك جوه البيت وبره البيت

    انا عن نفسي بحب اشتري من الفريده ملابس للمحجبات في السراج مول ومحل كمان قدامه اسمه جرافيل دول اكتر محلين بحب اشتري منهم لبس .

    تعرفو البرنامج بتاع الدين والحياه لبس دعاء عامر فيه حلو اوي. لو دققتم في التترات للنهايه هتشوفو ان الملابس مهداه من محلات سكارفا حد يعرف هي فين المحلات دي؟
  • whietangel
    النجم الفضي
    • Apr 2009
    • 1756

    #2
    حبيبتى اميرة هل تقبلينى معاكى فى المجموعه الجميله ده انا بموت فى اللبس وبحب اعرف كل الجديد

    تعليق

    • الشذى الفواح
      النجم الفضي
      • Aug 2005
      • 1630

      #3
      سلامو عليكو حلو اوى فكرة الجروب دة يا اميرة الواحد ساعات بيحتار اوى ساعة شرا اللبس محلات اللبس كتييييييييييير بس في محلات الماركات طبعا معروفة بس اسعارها مش في متناول الجميع

      وفي محلات عك العك بجد احنا هنا نستفيد من بعض محلات تكون شيك وكمان قماشات حلوة واسعار حلوة

      عاوزة اقول لاى وحدة بتلبس اسدالات ونقاب ان في محل عند العزيز بالله اسمو ابوحمزة وواحد تانى اسمو ذات النطاقين عندهم

      الحاجات دى بس اسالى عالخامات السعودى حلوة اوى اوى بجد وناعمة والقماش شكلو شيك الاسود بتاعه مش بهتان لا بالعكس ماشاء الله حلو

      تعليق

      • سَوَدة المسلمة
        النجم البرونزي
        • Feb 2004
        • 980

        #4
        السلام عليكم
        مجموعة حلوة أوي يا أميرة
        أنا من اسكندرية أولا علشان تعرفوا المكان
        أنا بالنسبة لهدوم البيت مش بحتار كتير إما توتكس ماركة كويسة وجميلة ده في الصيف طبعا لأن في الشتاء موديلاتهم نص كم خاااااااااااااااالص
        وفيه كمان الديب مول فيه حبيبة طبعا ماركة معروفة ودايما بيحطوا جديد غير توتكس مش بيجددوا كتير

        مشكلتي بجد في هدوم الخروج أنا بلبس عبايات أو جيبات وتونيكات ومش بلاقي حاجة عدلة في المحلات أو يمكن أنا مش اعرف محلات اصلا وبضطر افصل وكتير باخد مقالب فيا ريت بجد حد يقول لي على محلات حلوة

        ده مبدئيا كده ولي عودة إن شاء الله

        تعليق

        • ورده مصريه
          النجم الفضي
          • Mar 2007
          • 2180

          #5
          السلام عليكم
          تسمحولى اشترك معاكى انا من القاهره

          ان شاء الله ابقى اقولكم على اسامى المحلات اللى بشترى منها بس معلش اعذرونى اكتبها ليكم فى وقت تانى عشان بنتى دوشانى مش هعرف اكتب بتركيز ..

          انا بشكر الأميره الطيبه على المجموعه دى لأنها مفيده جدا لينا لأننا بنتعب اوى فى الشرا من المحلات ...

          تعليق

          • برنسس لك1
            مُبدعة صيف 1430هـ ""أميرة المقبلات "
            • Aug 2008
            • 4687

            #6
            السلام عليكم ورحمة الله وبركاته
            اميره موضوعك متميز
            واتمنى ان تقبلى مشاركتى
            [CENTER]وحشتونى جدا جدا
            واعذرونى على عدم تواجدى
            ]

            تعليق

            • ربى الله
              عضو نشيط
              • Jul 2007
              • 323

              #7
              السلام عليكم ورحمة الله وبركاته
              اميره موضوعك متميز وهايل جدا
              واتمنى ان تقبلى مشاركتى

              تعليق

              • الاميره الطيبه
                عضو نشيط
                • Nov 2007
                • 355

                #8
                السلام عليكم اخوتي
                اهلا بيكم يا جماعه whietangel نوزتي المجموعه يا قمر
                الشذي الفواح والله يا شذي علشان الحيره دي انا فكرت في المجموعه دي علشان كلنا نفيد بعض
                سوده المسلمه كويس ان المحلات متبقاش في القاهره بس علشان كل الناس تستفاد واهلا بيكي منوره المجموعه
                ورده المصريه نورتي يا حبيبتي ومستنين مشاركاتك
                برنسيس وربي الله اهلا بيكم ومنورين وفي انتظار جديدكم

                تعليق

                • الاميره الطيبه
                  عضو نشيط
                  • Nov 2007
                  • 355

                  #9
                  عايزه اقولكم انا نزلت اشتريت يوم السبت بلوزه طويله فوق الركبه بحوالي 20سم لونها بني ومشغوله بالبيج شكلها حلو اوي وجبتها من جرافيل الي بقولكم عليه في السراج مول ( مدينه نصر) وسعرها 150 جنيه . ولسه عايزه اشترلها عقد مثلا بيج يفتحها شويه . عيال انتم بتجيبو اكسسوارتكم منين؟
                  ونزلت روكسي بعد كده اجبلها ايشارب من المول بتاع بطرس غالي ده طبعا للي مش عارف فيه محلات ايشاربات بالهبل وطبعا سعر الايشارب هيقولولك 40 او 45 لكن كل الايشاربات ممكن تاخدوها علي 03او 35 علي حسب الايشارب وجبت ايشارب ب 30 حلو اوي.

                  يالا بقي ادخلو قولولي علي خبراتكم في الشرا مش لازم تبقو اشتريتو ممكن المحلات الي بتحبو تشترو منها

                  تعليق

                  • ورده مصريه
                    النجم الفضي
                    • Mar 2007
                    • 2180

                    #10
                    السلام عليكم يا قمرات يا حلوات

                    انا جيتلكم تانى اهه اشكرك على الترحيب يا اميره يا طيبه ههههههه

                    بصوا بقى انا مش محجبه بس لبسى بكم ومحتشم ومش بحب البنطلونات الضيقه فممكن برضه افيدكم لو فى بعض منكم محجبات واللى مش محجبات

                    انا بشترى من سيتى سنتر فيه محلات حلوه اوى واسعارها كويسه وعندكم كمان روجادا وجادو فى روكسى كويسين جدا وفيه جيرو فى جنينه مول جميل جدا وينفع للمحجبات لأن بيكون فيه جيبات طويله وبلوزات بكم طويل .. وفيه محلات للأحذيه اسحنهم كلاب الدوو مفيش بعده
                    ام عن الأيشاربات زى ما الأميره الطيبه قالت بطرس غالى كله ايشاربات جميله جدا
                    اما الاكسسوار فيه محلات فى بطرس غالى كويسه وفى محل كويس اسمه سوفينير فى روكسى ادخلى من الشارع اللى على ناصيته محل ام ام وامشى على طول هتلاقيه على الشمال حلو اوى وفيه مكياج وبرفانات واكسسوار وكل حاجه ... واسعاره حلوه اوى ...

                    لو افتكرت حاجه تانى اكيد اقولكم ...

                    مبروك يا الأميره الطيبه البلوزه ويارب يوفقك فى اكسسوار حلو ليها

                    تعليق

                    • ورده مصريه
                      النجم الفضي
                      • Mar 2007
                      • 2180

                      #11
                      فيه محل كتبت الأسم غلط مش جادو لا اسمه الصح جادور

                      تعليق

                      • الاميره الطيبه
                        عضو نشيط
                        • Nov 2007
                        • 355

                        #12
                        ورده انا اول مره اسمع عن سوفينير ده بس ان شاء الله هروح واشوف عنده ايه

                        تعليق

                        • whietangel
                          النجم الفضي
                          • Apr 2009
                          • 1756

                          #13
                          يا بنات حد يقولى اسماء محلات فى وسط البلد يكون عندها لبس شيك وجديد وينفع للمحجبات

                          تعليق

                          • الاميره الطيبه
                            عضو نشيط
                            • Nov 2007
                            • 355

                            #14
                            والله يا whietangel انا مبقتش انزل وسط البلد من زمان اوي ومش عارفه اخبار المحلات هناك ايه
                            ياريت حد يفيدك

                            تعليق

                            • girl.qatar
                              عضو جديد
                              • May 2009
                              • 2

                              #15
                              السلام عليكم
                              موضوعك وااايد حلو
                              وارجو تقبلي مشااركتي

                              تعليق

                              اناقتك جوه البيت وبره البيت

                              حول هذه المجموعة

                              السلام عليكم ورحمه الله وبركاته
                              اخواتي في موضوع بيشغلنا كلنا هو اللبس يا تري بتشتري لبس الخروج بتاعك منين؟ ايه المحلات الي فيها لبس محجبات كويس واسعاره كويسه؟
                              طيب لبس البيت اخباره ايه معاكي وبتحبي تلبسي ايه اكتر في البيت بلوزه وبنطلون. بنتاكورات وبديهات . بيجامات . عبايات .................؟ طيب بتشتريهم منين؟ طيب الايشاربات وطرح الحجاب منين؟

                              وكمان لبس السواريهات طبعا كلنا لما بيجلنا سهره بره بنضرب لخمه هنشتري ايه ومنين ؟ وده ينفع حجاب ولا مينفعشي؟

                              تعالو يا جماعه نفيد بعض ونتكلم في المواضيع دي
                              نوع: عامة
                              المواضيع: 3
                              تعليقات: 480

                              الأعضاء (30)

                              تصنيفات المجموعات الاجتماعية

                              تقليص

                              Latest Group Topics

                              تقليص

                              لا توجد نتائج تلبي هذه المعايير.

                              يعمل...