قربت اقطع وشى من الالتهاب ،انجدونى يابنات وخاصة مدام انجى حبيبتى تعاليلى

السلام عليكم
لا حول والا قوه الا بالله
حبيبتى الوصفه كانت لازاله الشعر وواضح من كلامك اصلا ان زلتيه اصلا بالفتله فمكنش فى لزوم تعملى العسل الدقيق خلاص
بصى حبيبتى انا مريت بالمشكله دى او شبهها قبل كده
بشرتى حساسه وعملت فتله لوجهى كله وبعدين كمادات تلج ومع ذلك بعدها بيومين تلاته طلعتلى حبوب فى كل وجهى عانيت منها حوالى تسع شهور
طبعا روحت لدكتور عشان يعاجهالى والعلاج اخد التسع شهور
بس غلطتى كانت انى مروحتش للدكتور على طول
قعدت حوالى شهرين كنت متخيله انها هتروح لوحدها لما الشعر يطلع والشعر طلع والمشكله كانت فى تزايد
نصيحه ليكى حبيبتى الحقى نفسك و روحى لدكتور امراض جلديه
لان الاعراض الى انتى كتباها نفسها الى مريت بيها
وواضح ان بشرتك حساسه بلاش تعمليها بالقسوه دى مره تانيه
وبلاش تشيلى الشعر اصلا شقريه افضل لان شعر الوجه ده بيحمى بشرتك من عوامل الجو الخارجيه التراب والشمس وغيره
ده الكلام الى الدكتور قالهولى يعنى مش من عندى
والله على ما اقول شهيد
وعلى فكره العسل ماسك جيد للبشره الحساسه بيمتص الالتهابات وبيهدى البشره
وكمان الحليب لوحده روعه وبيهدى البشره جدا وكمان منظف
وكمان ماء الورد والنشا برضه روعه
بس فى الفتره دى راجعى الطبيب افضل
اتمنى اكون افدتك وان شاء الله اكيد مدام انجى تفيدك اكتر
اذكرى الله حبيبتى
لا اله الا الله عدد ما كان وعدد ما يكون وعدد الحركات والسكون
ادعولىىىىى
سلام

بسبوسه ومدام انجى
متشكره جدا لمروركم واهتمامكم بالرد ربنا يسعدقلبكم بماتتمنوا يارب
انا صحيت لقيت وشى مش ملتهب لانى عملت ماسك نشا وماء ورد الفجر بعدماكتبت الرساله بس لاحظت انه نشف ومكان الاورام دى طلع قشر وملمسه مبقاش ناعم
بسبوسه اروح للدكتور برضه ولا خلاص كده وهى مكانتش حبوب دى كانت زى لدغ النموسه كده فهمانى يا قمر
مدام انجى حقك تدينى على دماغى وكمان معطلاكى عن عزومتك تسلمى يارب
اناهجيب اللى قولتى عليه ده ولا ايه الوضع دلوقتى معلش حيرتك معايا بس والله بدعيلك

عصفوراية انا مريت بظروف مقاربة كدة عملت وشى بفتلة وظهرت حبوب كتير ووشى التهب انصحك بزيت حبة البركة دهان وخصوصا قبل ماتنامى لانة مضاد لالتهابات وبيشيل الحبوب عن تجربة واللة

السلام عليكم
حبيبتى بعد ماسك النشا وماء الورد طبيعى ان بشرتك تكون ناشفه شويه لان النشا بيمتص الدهون والمفروض فى الماسك ده تزودى كميه ماء الورد وتقللى من النشا حسب نوع بشرتك
يعنى الدهنيه تكون متساويه
والعاديه تكون النشا اقل
والجافه تكون ربع معلقه صغيره مع كاسه ماء الورد
وبعد الماسك ده المفروض دايما تحطى مرطب خفيف
بس زى ما قالتلك مدام انجى المفروض متعمليش ماسكات فى الفتره دى
وعلى فكره انا برضه فى الاول مكنتش حبوب كانت زى لدغ النموس
وبعدين شويه شويه اتحولت لحبوب
بس جربى الى قالتلك عليه مدام انجى لانه ممكن جدا يكون الحل
بس لو لاقيتى نقطه واحده اتحولت لحبوب
على طول روحى لدكتور عشان كل ما هتتأخرى كل ما فتره العلاج بتكون اطول ومش عايزه احكيلك فتره العلاج دى بتكون اد ايه ممله وشكلك فيها بيكون غريب
اتمنى اكون افدتك
وطبعا انتى محظوظه انك لاقيتى واحده زى مدام انجى تفيدك انا وقتها ملقتش حد
جزاها الله كل خير وربنا يعينها على مساعده غيرها
وربنا يوفقك يا قمر ومشكلتك تتحل على خير عاجلا وليس اجلا
اللهم امين
اذكرى الله
لا اله الا الله عدد ما كان وعدد الحركات والسكون
سلام يا قمر

أختي أنا حصل معايا مثلك وبشرتي ســـــــــــوبر حساسة يعني معاناة بس ولله ماعملت جاجة كل إلي عملتو بنضفها بالصابون الطبيعي مرتين باليوم وأمسح وشي فأسبوع راح الإلتهاب عقبالك .أنصحك لاتعبتي في وجهك لله يوفقك.

عصفورة الكناريا
متشكره جدا حبيبتى للنصيحه اناعندى صابونة حبة البركه هستعملها على مااجيب الزيت
بسبوسه
والله مش عارفه اشكرك ازاى لاهتمامك ربنا يجعله فى ميزان حسناتك يارب واناهروح لدكتور ان حسيت بأى حاجه غريبه انتى من مصر يابسبوسه؟
فاطمه الزهراء
شاكره مرورك واهتمامك يافاطمه تسلمى انافعلا بستعمل الصابون الطبيعى من ٣سنين واكتر ومريحنى جدا

عصفورة الكناريا
متشكره جدا حبيبتى للنصيحه اناعندى صابونة حبة البركه هستعملها على مااجيب الزيت
بسبوسه
والله مش عارفه اشكرك ازاى لاهتمامك ربنا يجعله فى ميزان حسناتك يارب واناهروح لدكتور ان حسيت بأى حاجه غريبه انتى من مصر يابسبوسه؟
فاطمه الزهراء
شاكره مرورك واهتمامك يافاطمه تسلمى انافعلا بستعمل الصابون الطبيعى من ٣سنين واكتر ومريحنى جدا

السلام عليكم
اه يا قمر انا من مصر يا بنت بلادى يا عسل
هههههههههههههه
حتى تلاحظى فى الرد التانى لما لقيت من طريقه كلامك انك مصريه اتكلمت مصرى عادى
الله يوفقك لما يحب ويرضى
اذكرى الله
لا اله الا الله عدد ما كان وعدد ما يكون وعدد الحركات والسكون
ادعولىىى
سلام

ههههههههههههههه بسبوسه والله انتى اللى عسل
منين بقا من مصر انامقيمه فالقاهره
بقولك يابسبوسه هو ماسك النشا ومية الورد ايه الكميات المناسبه لبشرتى انا بشرتى مختلطه وحساسه ودى طبعا عرفتيها انهارده هههههههههه

حبيبتي أتمنى لك الشفاء العاجل بس أرجوكي و (وده عن تجربه سابقه مريعه ) أبعدي عن أي وصفات أو كريمات حتى لو مواد طبيعيه بعد الفتله كفايه تغسلي وشك بالصابون الجيد وماء بارد وقطعة تلج تمرريها على الوجه كله فتره طويله و أبعدي عن الشمس أو أي مستحضر أو حتى ماده طبيعيه مهما كان لمدة 24 ساعه على الأقل .
ثانيا روحي لدكتور أمراض جلديه شاطر فورا ده وشك وأبعدي عن أي وصفات تزيد الطيب بله وهوه حيوصفلك علاج و أتمنى أكون فدتك

عموما أنا جاوبت عن الموضوع ده في رابط قبل كده وده بعد 15 سنه من أستعمال الفتله وجميع أنواع مزيلات الشعر ، حتلاقي في الرابط ده أجابه مني ورابط تاني بيوضح طريقه لأزالة شعر الوجه للبشره الحساسه قمت بيها مرتين لواحده صاحبتي

متشكره جدا لاهتمامك يامشمش اناهروح عالموضوع بتاعك اشوفه بس حبيت اشكرك الاول

العفو حبيبتي ده أقل واجب