مرحبا صبايا ☺️
هالمره جبتلكم ابتكاره من ابتكاراتي
طبعا كلكم تتذكروا البيضزا تبعتي.
عندي باذنجان و عندي عجين يا حزركم شو طلع معي؟!؟!؟!
شويت الباذنجان اضفتله بصله صغيره جدا و ناعمه و رشه ملح و رشه كمون و اذا بتحبي تضيفي اي اضافه حسب الذوق
و تركته يبرد
بالاثناء فردت العجينه و قطعتها دوائر تناسب حجم قوالب التارت و حطيتها فيها بعد ما دهنت القالب زبده او زيت زي ما تحبي
بالشوكه خرمت العجينه و حطيت المتبل داخل القوالب و دخلتها لفرن درجة حرارته ٢٢٠ و بس استوى طلعته
زينت التارت بعين الجمل او مكعبات الفلفل كنت حابه كمان ازين بالرمان بس ما كان متوفر
و لك حريه الزينه حسب ذوقك
اتمنى انها تعجبكم يا رب
