خلطة بياض الثلج للعرايس

[هبة صلاح الدين]

مساء الخير عليكم جميعا
انا عارفه ان اكيد في عرايس كتير بتدور على خلطة تبيضها بسرعة جدا قبل الفرح علشان تكون في أفضل صورة ليها في ليلة العمر وده تحديدا اللي جايه اكلمكم عليه النهارده
يمكن مشاركتش كتير في المنتدى هنا لكن لاحظت ان في بعض المشاركات وان في بعض العرايس اللي سألت عن حاجة توحد لون بشرتها وتفتح لونها شوية وتكون حاجة سريعة ومضمونة
انا قرأت قبل كده مقالة اسمها خلطة بياض الثلج في
وجربتها وفعلا الحمد لله لقيت نتيجة كويسة جدا
طيب الطريقة ايه هي ؟
1. لازم تنضفي بشرتك كويس جدا قبل استخدام الخلطة
2. هتخلطي كمية من الرز المسلوق مع ملعقة صغيرة من الزبادي البلدي و ملعقة نشا وملعقة بودرة حليب
3. حطي الخلطة على وشك ورقبتك كلها كويس جدا وسيبيها لحد م تنشف خالص يمكن نص ساعة مثلا
4. رطبي بشرتك بقى باستخدام اي زيت مرطب زي الزيتون مثلا
والخلطة دي ممكن تستخدميها يوميا وهتظهر نتيجتها يمكن بعد 3 ايام مثلا وطبعا النتيجة بتختلف من ست للتانية
لو في اي استفسار مستنياكم هنا في التعليقات او في الرسايل ومتنسوش تدعولي كتير علشان الفترة دي ربنا يعلم بالظروف وشكرا جدا

 

[هبة صلاح الدين]

ملحوظة الخلطة موجودة في مجلة العزيزة