باب البيت

[مسافر زادة الخيال]

تقول أحدى السيدات

كنت باصلي في الريسبشن جنب باب الشقة ،،، و مددت ضهري على الأرض بعد الصلاة

وكل شوية اسمع حد يفتح الأسانسير ،، حد طالع وغيره نازل ،، وأنا عادي على الأرض

ساعتها سألت نفسي : ..

- ياترى إيه أهم قطعة خشب في الشقة كلها
- رديت على نفسي إنها (باب الشقة) بالتأكيد

لإنه لو مكنش موجود .. مكنتش هاحس (بالأمان) ده .. لإن محدش شايفني
محدش شايف ايه اللي جوة الشقة
نظيف الشقه ولا متبهدله ،، و محدش شايف انا شكلى ايه ، ولابس ايه ، ولا بعمل إيه

ممكن نستحمل أن ميكونش فيه أكل في الشقة.. مفيش ميه.. مفيش كهربا..مفيش عفش خالص
بس مستحيل نتقبل بأي حال من الأحوال أن باب الشقة ميكونش موجود.. مستحيل.. إلا لو أنت قاصد تشيله

ايه الخاطرة بقى فى كدة ؟؟
ماوقع في قلبي حينها..

إن ،، (باب الشقة) ،، هو (ستر الله) لنا
وإن الشقة هي أنفسنا

ممكن تكون أنفسنا غير مخلصة ،، آثمة ،، غافلة ،، عاصية.. إلخ
و لكن لا أحد كائنا من يكون يرى ما في أنفسنا لأن ستر الله مسدل❤

ولا ينزع (باب الستر) عن أحد ، إلا لمن نزعه بإرادته
لا ينزع الله ستره إلا لمن بارزه سبحانه بالمعاصي وجاهر بها

انت ممكن تعيش من غير فلوس ، ولا عيال ، ولا زوج ، ولا ولا ،،،، بس مستحيل تعيش من غير (ستر)

مش هتحس بأي نعمة عندك ولا (بالأمان) إلا لو الستر موجود..

فوالله الذي لا إله غيره ،، لو أن الله أزال عنا ستره ،،
لما جلس أحد بجوار أحد
ولا صاحب أحد أحدا..
ولا تزوجت إمرأة من رجل..
فكلنا آثمون.. ولولا ستر الله لفضحتنا رائحة معاصينا

فالحمد لله دائمآ و أبدآ على ستره..

اللهم استرنا فوق الارض و تحت الارض، و لا تفضحنا يوم العرض عليك

اللهم إننا ما عصيناك استهزاءا بك سبحانك ،،، ولكنه ضعفا منا وجهل
وغرنا جميل سترك فعصيناك

فاغفر لنا اللهم ..ولا تنزع عنا لباس سترك فيرى الناس سوءة معاصينا.

 

[ليلى الامل]

موضوع رائع بارك الله فيك خيي

 

[مسافر زادة الخيال]

موضوع رائع بارك الله فيك خيي

,وبارك الله فيك