نصائح ذهبية للبنات الجزء الأول احـــذروا.... شاركونــا بصورة أو كلمة الحياة السعيدة 
للحوار الجاد... فورت نايت (fortnite) الخطر الكبير القادم 

نصائح ذهبية للبنات الجزء الأول احـــذروا.... شاركونــا بصورة أو كلمة الحياة السعيدة 
للحوار الجاد... فورت نايت (fortnite) الخطر الكبير القادم 

ريجيم انا بعمل كل حاجة صح ومع ذلك وزني ثابت علي الميزان، ايه الحل؟ مشاكل ثبات الوزن ؟ وحلها

AyaMoustafa

قادم جديد
المشاركات
4
الإعجابات
1
#1

تعملي ايه لو لقيتي وزنك ثابت علي الميزان لمده اسبوع او اكثر؟
ضروري تفكر في الموضوع علي عدة مراحل ، كل ما تخلص مستوي نذهب للي بعده

المحتوى
المرحلة الأولى
مراجعة المفاهيم عن الدايت
بعض المفاهيم غير صحيحة عن الدايت في تصورك خليتك تحس ان فيه ثبات في الوزن والحقيقة جائز تكون بتخسي بدون ما تشعري
1- حاطه هدف غير واقعي للدايت
بعض الناس بتقول انا لازم اخس كل اسبوع 3 كيلو مثلاً، فيخس اول وتاني اسبوع تلاتة كيلو و يجي الاسبوع التالت يلاقي نفسه خس نص كيلو، فيقول الدايت دي مش حلو
الصح : أي نقصان في الوزن اكتر من نص كيلو في الاسبوع هو نقصان صحي، بعض الناس كمان مش بتفضل تخس أكتر من كيلو في الأسبوع
2 بتخسي دهون بس وزنك ثابت
في حاجه مهمة، ان مش بس الوزن العامل الوحيد اللي بيوضح ان الوزن نزل

في حاجات تانية مهمة زي مقاسات محيط الوسط ، حجم العضلات، نسبة الدهون في الجسم ، ساعات بتزيد الكتلة العضلية و تقل الدهون فيفضل الوزن ثابت، بس بتلاقي صحتك افضل والملابس شكلها احلي علي الجسم
3- بتطلعي علي الميزان كام مره في اليوم الواحد
بملابس مختلفة، واكله مرة، صايم مرة ، محتاجة تتدخلي التواليت ، لسه خارجه من التواليت.
طبعاً ده غلط المفروض انك توزني نفسك مرة واحدة اسبوعياً، نفس الوقت، في نفس اليوم لو مثلا السبت يبقى يوم السبت ثابت من كل أسبوع ، بنفس الملابس.
لو الميزان عندك في البيت يبقي مثلاً توزني اول ما تصحي من النوم، بعد ما الحمام، بنفس اللبس أو حاجة أخف .
4- الوزن لم ينزل من الأصل
الناس اللي لسه بادئة دايت و مكملتش شهر وحاسة الوزن، ثابت دي أكيد عندها مشكلة في تطبيق الدايت، او غير ملتزمة و ممكن لم تكن دخلت في الكيتوزيز من الاصل او بتدخل و تطلع علي طول.
انما لو أنتي بقالك اكتر من 3 شهور و حصل ثبات في الوزن فدي فترة الجسم بيدافع فيها عنه نفسه من الصدمة اللي معه في تغيير نظامه الغذائي، ثبات الوزن لما بيحصل بعد اكتر من 3 شهور يكون ده عادي ومفيش داعي للقلق .
5- بتقاني نفسك بغيرك
كل جسم مختلفة عن غيره، وحدة مستقلة لها خصوصيتها، و هرموناتها، ومعدلات الحرق الخاصة بها، واللي بتختلف تماماً عن غيرها.
علشان كدة اللي عايز يخس 6 كيلو بس من وزنه غير اللي عايز يخس 40 كيلو، والست لا تقارن نفسها بالراجل،
والشخص اللي طول عمره بيحاول يخس و يرجع يزيد بلاش يقارن نفسه باللي اول مرة ياخد موضوع الدايت بجدية،
واللي اكتسب الوزن في اول حياته، غير اللي وزنه زاد في اخر كام شهر.
المقارنة غير عادلة و فيها ظلم شديد لنفسك و ممكن تأثر بالسلب عليكي، لازم تتقبلي استجابة جسمك البطيئة، و بلاش مقارنه بغيره.
المرحلة التانيه
فيه حاجات بنعملها في الدايت نفسها بتكون سبب في ثبات الوزن.
  • بتاكلي بعد حد الشبع
بتعملي طبق كبير و بعدين تشبعي في نصفه بس مصممه تكمليه الكلام ده مش صح.
  • بتاكلي وأنتي مش جعانه علشان لازم تكملي نسب الماكروز
مثل ما بتحسي بالحاجة للنوم فتذهبي تنامي لحد ما تأخذي كفايتك من النوم ، زي ما تكوني عايزه تشربي بتشربي لحد الارتواء ، زي أي دافع فيسيولوجي بتلبيه
الكيتوجينك دايت ميزته انه بيعمل على اعاده برمجة مخك و تحسن استجابته لهورمونات الجوع والشبع، بتقولك لما تجوع كل لحد الشبع ولو مش جعان بلاش تاكل افضل ميزه في الكيتو دايت الصيام المتقطع.
علشان كده لما تكوني مش جعانه كملي صيام حتي لو طولتي مده كبيره طول مانتي شبعانه المهم تكون بتاخدي املاح الصوديوم ، الماغنسيوم، والبوتاسيوم.
  • زياده البروتين
ممكن تخرجي من الكيتو بسبب زيادة البروتين
لابد من تناول فيما يقرب من 142 جرام من البروتين إذا كنت تتناول وجبتين
اما إذا كنت تتناول وجبه واحده تحتاج الى ما يقرب من 227 جرام بروتين .
  • مش بتاكلي أكل طبيعي
( خبز كيتو ، باستا كيتو ، حلويات كيتو ، مشروب كيتو ..الخ)
ده معناه انك مش عايزه تغيري عاداتك الصحية حتي بعد ما قدرتي تتخلص من الكارب ، مش معنى كده انه الحاجات دي غلط ، بس الاكثار منها ممكن يعمل ثبات في الوزن لان فيها بدائل سكر وعالية البروتين.
انا ممكن استعملها لكسر الروتين انما متبقاش هي الروتين، كلي الطعام الحقيقي، الخضار زي ما هو، اللحمة، الزبدة، استمتع بخيارات الطبيعة افضل.
  • بتخافي من اكل الدهون لا تعلي الكوليسترول
فالنتيجة وجباتك بتبقي بروتين زيادة عن اللزوم
  • بتقللي السعرات علشان تخسي اكتر
فالنتيجة بتجوع اكتر، المخ بيتنبه لذلك فيقلل معدل الحرق و يزود عندك الجوع و يحصل لخبطة في الهرومونات المسئولة عن الجوع والشبع.
  • جسمك لا يستجيب لهذه الأشياء او شيء واحد منه:
سكر الدايت: بيختلف الاستجابة من جسم للاخر
الأجبان : الاكثار من الجبن ممكن يثبت ثبات الوزن لإن بروتينات الجبنة بترفع الانسولين.
بعض الدراسات بتقول ان أكل الجبنة بكميات كبيرة بترفع الانسولين بنفس درجة الجلوكوز بالضبط.
المكسرات : مشكلتها انها مش بتشبع فممكن تاكلي كتير بدون ما تشعري ، فنسبة الكارب تعلى و سعرات كتيره بتاخدها وأنتي مش محتاجها.
المرحلة التالته :
فيه حاجات مهمة غير الاكل بتتحكم في نزول الوزن لازم تبقي مظبوطة أهمها :
التوتر العصبي، القلق، مشاكل العمل، حتي الخوف ان وزنك يثبت، كل دول عوامل بترفع الكوريتزول طول الوقت، طبعاً للي ميعرفش الكورتيزول بيزود الجلوكوز و بيحفز افراز الانسولين.
النوم: لازم تأخذي كفايتك من النوم، لازم تصحي بعد النوم فايق و عندك نشاط، قلة النوم بتلخبط الهرومونات و بتمنع نزول الوزن
المرحلة الرابعة :
بعض الامراض العضوية والأدوية بتأثر علي زيادة الوزن اهمها
زيادة افراز هرمون الكورتيزول زي في حالة cushing syndrome
زيادة افراز هرمون النمو acromegaly
خلل الغدة الدرقية hypothyroidism، حضرتك لو مريضة غدة يبقي لازم تتأكدي انك بتاخدي جرعة ( الثيروكسين) المضبوطة لجسمك، تتابع بتحليل وظائف الغدة، لو حاسه بتعب علي الكيتو و عدم استجابة او زيادة الوزن لازم تراجعي طبيب
بعض الادوية اللي ممكن تاخديها و تسبب ثبات الوزن زي ادوية الكورتيزون اللي ممكن يكون موجود في بخاخ الربو، أو أدوية مضادات الإكتئاب، بلاش حد يوقف اي دواء من نفسه لازم يراجع طبيبه.
تكيس المبايض PCOS ملحوظة حالات ال cushing and acromegaly نادرة الحدوث، مفيش فيها قلق، انما بالنسبة لنقص الغدة الدرقية فهي شائعة و كذلك العلاج بالكورتيزون .
المرحلة الخامسة و الأخيره
في المرحلة دي نوعين من الناس
  • الناس اللي جربت كل الريجيمات التانية، قللت السعرات، جاعت، ورجعت زادت، و عملت رجيم تأني، دخل جسمها في حالة الحرمان مئات المرات starvation mood اسمهم (yo yo dieting)
    الواحد منهم بيفضل يلف في دايرة مفرغة من الجوع والدايت واعادة الدايت إلي مالا نهاية.
    الناس دي ضربت معدل حرق أجسامهم في مقتل بدون قصد ،
يكون الحرق قليل جداً حتي بعد زيادة وزنهم و تكون صعب تخسر الوزن بسهولة، كمان هرمونات الجوع (الجريلين ) ويكون عالي و هرمونات الشبع (الليبتين ) يكون قليل جداً.
  • اللي طول عمره بيعاني من السمنة، لإن مثبت بالدراسة ان الدهون لو اكتسبتها حديثاً بتبقي اسهل في خسرانها غير لما يبقي بينك و بينها عشرة طويلة.


ايه حل مشكلة ثبات الوزن؟

  • ابحثي علي السبب و طرق عالجه يعني وقفي نوع الاكل اللي عامل ثبات الوزن، نامي كويس، قللي التوتر، اقرأ ي عن السمنة .
  • ارجعي كلاسيك كيتو كما بدأتي أول مرة.ارجعي احسبي كل النسب بتاعتك تاني بدقة، خدي كربوهيدرات من الخضروات الورقية بلاش تاخدي اي حاجة كانت ممنوعة قبل مرحلة keto adapted
  • لو انتي في المرحلة الخامسة
    يبقي انصحك بعد ما تدخلي في الكيتوزيز ابدأي صيام متقطع طويل extended fasting
    من 24 الي 48 ساعة مرتين او تلاتة اسبوعياً.
بتاخدي الأملاح بتاعتك و بتشربي ميه، قهوة، نسكافية ، شاي. لو شايفه صعب اعملي صيام الدهون الأول و بعدين حوليه لصيام الميه والأفضل اول يوم صوم دهون وتاني يوم حوليه لصيام الميه.
لإن زيادة هرمون النمو و تنشيط عملية الإلتهام الذاتي Autophagy بتحصل بعد 24 ساعة في الغالب. الفكرة في الصيام ده إننا بنحسن معدل الحرق عن طريق الصيام،
زي ما هو معروف بالنسبة للدكاترة السمنة إن [ ارتفاع جميع الهرمونات لفترات قصيرة صحي و مفيد عدا العاق الانسولين ]، بالتالي من الأفضل صيام لمدد طويلة علشان يكسروا حالة الثبات و يحسنوا كفاءة أجسامهم .
  • الثبات بيكون تدريب عملي علي المرحلة اللي وزنك هيثبت و هتكوني حابه تحافظي عليها، فخدي الموضوع ببساطة واصبر لان فيه حالات الجسم بيحتاج يضبط نفسه قبل ما يرجع يكمل الطريق معاك.

الرجاء الالتزام بقوانين المنتدى وعدم وضع روابط خارجية
 
التعديل الأخير بواسطة المشرف:
أعلى