اكواب الكنافة محشية كاسترد ** ام يحيى و مازن

[ام يحيى و مازن]

السلام عليكن اخواتى فى الله يا رب تكونوا فى افضل حال
و رمضان مبارك عليكن ان شاء الله
اكواب الكنافة محشية كاسترد شيكولاتة و فروالة



نبدأ بسم الله


المقادير


*****

* نص كيلو كنافة مفتته (تكون متشالة قبلها بيوم فى الفريزر و تكسريها )​

* كوب سمن سائح



* نص كوب سكر بودة (لتماسك الكنافة )​

* كاسترد فروالة و شيكولاته (( نص كوب ماء+نص كوب لبن حليب + معلقة كبيرة سكر + معلقة كبيرة و نصف كاسترد فرولة ..... و كاستر الشيكولاته نفس مقدار الماء و اللبن مع كاسترد شيكولاته معلقة كبيرة و نصف مع معلقة كبيرة سكر

(( انا خففت الكاسترد بالميه عشان لون الكاسترد يكون غامق))​

* شربات للكنافة (( كوب و نص سكر+ كوب و ربع ماء+ عصير ليمونة صغيرة +معلقة كبيرة سمنة بلدى (اختيارى) ))

الطريقة​

******​

** هنجيب صنية و هنسيح فيها السمنة و بعدين نحط الكنافة​

و السكر البودر و نقلب كويس و نخلطهم ببعض كويس جدا​

** هنجيب صوانى الكب كيك و ندهنا سمنة و انا كان عندى علب تونة صغيرة استعملتها بتدى شكل حلو كمان...​

**هنحط نص الاكواب كنافة و نحط معلقة من الحشو اللى هو الكاسترد و نكمل باقى الاكواب كنافة و نضغط عليها كويس جدا​

​

​

و ندخلهم فرن ساخن من بداية عملنا فى الكنافة ​

** لما وشهم يحمر نطلعهم و نسقيهم الشربات البارد و نستنا عليها لما تبرد و نطلع الكنافة من القوالب و نذوقهم ​

​

** اكواب الكنافة اللى محشية كاسترد فراولة انا ذوقتها بكريم شانتيه فانيلا و قطعة كريز
​

**اما المحشية كاسترد شيكولاته فذوقتها بكريم شانتيه شيكولاته و حبة سودانى بالشيكولاته

يا رب موضوعى البسيط ينول رضاكن ​

 

[خَفاياالرُوح]

دام من ايدك اكيد تعجبنا ام يحي ومازن
تسلم الايادي شكلها جميل والفكرة حلوة
واسهل بالتوزيع والحشوات كمان جديدة عليا
دايما بحشيها بالقشطة بس
بعتمدها بالمرات الجاية باذن الله
نورينا دايما غاليتي​

 

[طنط سوزي]

تسلم ايديك

 

[مي عمرو]

رائعة جدا تسلم ايدك

 

[oum islam]

تسلم الايادي الحلوه ياام يحي روعه ياحبيبتي وجديده ربنا يبارك فيكي وفي اهل بيتك
وكل سنه وانتي والاسره بخير

 

[oum islam]

تسلم الايادي الحلوه ياام يحي ايه الجمال ده
ماشاء الله فكره جديده وجميله
ربنا يبارك فيكي وفي اهل بيتك ياقمر

 

[asmaabhr]

ما شاء الله
تسلم ايدك ام يحيى

 

[وعود الخير]

فكرة حلوة ومناسبة للولائم والعزومات والبوفيهات المفتوحة
تسلم يمناك يا عسل
وصحة وعافية​

 

[حكايات القمر]

ماشاء الله شكلها أنيق ومرتب تسلم ايدك على الإبداع