وعود وسناء نورتونا ياحبايب
رشروش تسلميلي ع تشجعيك.. الله يقوينا بس
بالنسبة للملوخية الورق.
اسلقي دجاج بالماء والبهارات ونتفيه ههه بقصد سحبيه
وخدي شوية من مرق الدجاج قلييل يادوب كاسة او 2 بس بالكتير
وحطي عليه الملوخية الورق .. موجودة بالسوق جاهزة بباكيتات مفرزة مكتوب عليها ملوخية ورقية.. واذا عندك ملوخية فرش بكون احسن..
حطي الملوخية الورق ع مرق الدجاج والدجاج المسحب وخليها تغلي شوي مع المرق وبعدين حطي عليها ثوم وكزبرة خضرا وشوية حامض وتمتعي باحلى ملوخية ورق . بتكون فيها مرق قليل يعني لا سائلة كثير ولا ناشفة واحنا منحب ناكلها بالخبز..
صحية ومشبعة جدا.. وانا شخصيا بحب الملوخية بكل انواعها..
بالنسبة للبسكوت بالتمر..
3 كاسات طحين اسمر او ابيض اي واحد بينفع جربت بالنوعين وماشفت اي فرق وحتى جربت مرة وخلطت النوعين ونفس النتيجة
شوية قرفة مطحونة
نص كاسة زيت زيتون
رشة خميرة
رشة ملح ورشة سكر
كاسة حليب او ماء (جربت ال 2 ) الفرق ان بالحليب شوي اطرى وانا عجبتني بالماء اكتر لاني بحبها تقرش شوي من برا
انا اضفت يانسون وشومر مطحونين ورشة هيل اختياري طبعا
الحشوة
تمر معجون مع قرفة ويانسون
اعجني وخليها تخمر شوي
وشكليها مثل مابتحبي انا بفردها وبفرد التمر وبلفها اسطوانة رفيعة وبضغط ع الاسطوانة حتى ماتكون مدورة..
وبقطعها ومن جهة وحدة بغطسها بسمسم.. وع الفرن ربع ساعة وبتكون جاهزة..
بتكون بتقرش من برا وطرية من جوا يم يم هههه الله يسامحة صايمة واشتهيتهابمووت عليها خخخخ
احنا منسميها مقروطة.. ومنعملها بالعيد..
وانا من عندي استبدلت الطحين الابيض بالاسمر وزيت الزيتون وطلعت نفس النكهة بالضبط والكل عندنا بحبها..