الى كل حلبيه تشمر عن ايدها وتدخل

[الذويقه]

السلام عليكم وياهلا بكل يلى دخل .انا خصيت الحلبيات عشان انا تربيت بهل مدينه العريقه لها عادات متمسكه بها .
ايش رايكم ياحلبيات ننشر وصفات الطعام كلنا نتعاون ويلى ماتعرف نساعدها ونصحح لها بس بذون زعل وخاصه اكلات المناسبات والاعياد ويلى موافق يشمر ويبدأ انا اليوم حطيت وصفه لمحشى البرغل الشهير يالله ورونا الهمه ويلى من مدن اخرى حبو يشاركو مافى مانع بس ياريت يذكرو اسم المدينه واسم الطبق يالله حاطه ايدى على خدى وبستنى لاتطنشونى .

[إيناس]

وصلت الحلبية الاولى

انا جيت
مع اني ماني شاطرة كتيربالطبخ والنفخ
بس لازم ألبي الدعوة
عشان سمعة البلد
وبشارك معكم بوصفة ما بعرف اذا كانوا كل اهل حلب بيعرفوا
بس هي فعلا ممتازة ومن الاكلات المفضلة عند عائلتي

فاصوليا خضراء مع الكوسا المحشي
لا تستغربو طبختين بقلب بعضهم
واليكم التفاصيل
المقادير حسب الرغبة
فاصوليا مقطعة ومغسولة ,, لحمة شقف ,, كزبرة يابسة ,, ثوم ,, معجون طماطم ,, ملح وبهار
مقادير المحشي:
كوسا,, لحمة ناعمة,, ملح وبهار ,, سمنة أو زيت ,, رز مصري او صنوايت ,, معجون طماطم
أولا نبدأ بتحضير الفاصولياء
نقلي اللحمة مع الكزبرة والثوم والملح والبهارات
حتى تحمر,, ثم نضيف الفاصولياء المغسولة
مع رشة ماء ونغطيها على نار هادئة
مع ملاحظة اضافة قليل من الماء كل فترة الى أن تستوي اللحمة مع الفاصوليا

~~~~~~

في هذه الاثناء نحضر الكوسا
بحفره وحشيه بمقادير الحشوة السابقة

ونطبق في أسفل حلة الطبخ الكوسا المحشي
ثم نضع فوقها الفاصوليا التي تكون قد نضجت
نضيف صلصة الطماطم ونغمرها بالماء مع الملح
ونتركها تغلي على نار هادئة جوالي ساعة او اقل لحين ينضج الكوسا داخلها

نقلبهم على انفراد
الفاصوليا في قدر
والكوسا في وعاء آخر
وتقدم مع الرز بالشعيرية
وصحتين وعواااااااااااااااافي


تعبت ايدي

ان شالله تعجبكم ولو انها معقدة شوي
بس تستاهل والله
سلااااااام

[مـiـى]

الله أكبر:
و أنا كنت فاكرة نفسي الحلبية الوحيدة هون

أتاريكم حوالي و أنا ما بعرف


رح فكرلكم بكم وصفة و راجعتلكم.

يسلمو على المحشي بالبرغل و محشي الكوسا ..

[الذويقه]

هه الله ينور عليكم اموت بمحشى الفاصولياوين باقى البنات.

[الذويقه]

ياناس بس 3حلبيات فى المنتدى وانت ايناس ماشاء الله بدعت بطبقك مزبوط 100على 100وتقولى مالك طباخه هل انت مقيمه بحلب ام مغتربه مثلى خلينا الحلبيات نتعرف على بعض ونكون خوات فى الله؟

[bdooor]

لك يسلمولي الحلبية وج وافا هههههههههه
كيفك خيت انتي واياها
اي ريتني اروح فرم على هل الموضوع
هههههههههههههههه
يئبشوني انا ما في احلى من هل الروقاااااان
لكااااااان حلبية غير شكل يلا كتروا الطبخات بس بلا جئجئة ههههههههه
يا اهلين وسهلين ومية السلامة وووردة على كل خد وياسمينة على كل عين
ما شاء الله حولكن وحواليكن
نورتوا المنتدى خيتو

[الذويقه]

خيتو ابوى بدور اذا انت حلبيه فرجينا شغلك ابوس روحك.

[ضوءالقمر]

اختي الذويقه انا زوجي حلبي وامي كمان حلبيه وانا من الشام بيمشي حالي

بس ما لقيت وصفة المحشي برغل
ممكن تعيدها لاني بموت فيها
حماتي بتساويها وقت بروح لحلب
وانا رح ارجع لكم بوصفة حلبية لذيذة

[إيمان علي]

ههههههههههههههههههههههههههههههه ضحكتوني حتى دمعت، أنا بقرأ ومن بين الكلمات كأني سامعة الكلام كأني بتفرج على مسلسل سوري
صاحبتي دمشقية، بنفع؟

[bdooor]

لك اهلين لاكل حلبية شامية ما بتفرق المهم بتحبو الحلبية واكلات حلب وين الكبب والمحاشي هههههههههما تشلكي اسي
لك شهيتوني على صحن مجدرة وطرشي خيار وتوم وكبة لبنية جاية على بالي كتييييييييييييييير يوم وينك يوم

[الذويقه]

حبايبى كله نافع شاميه حلبيه حمصيه وبالنسبه للمحشى سوى عليه بحثوبيطلع وانا مثلك امى حلبيه وبابا شامى هلا بالجميع

[إيناس]

اختي الذويقة
اعذريني فلم انتبه لسؤالك الا الآن
انا أصلا من حلب
مغتربة حاليا
لكن كل سنة انزل اجازة وتكون ممتعة والحمدلله
تسعدني صداقتك وأخوتك في الله
ويسعدني ان تكون وصفتي قد نالت الاستحسان
بانتظار البقية

[مـiـى]

شوفو شو جبتلكم معي يا بنوتات يا حلوات , أكلة حلبية أحية , عطوني رأيكم بصراحة و إذا في ملاحظات قولولي مشان أتعلم منكم .

يلا وراي .......


السفرجلية
المواد اللازمة :
دهنة
لحمة قطع كبيرة
رب بندورة
ماء
سفرجل
عصير رمان
الثوم و النعناع سكر ( حسب الذوق )

التحضير :
# نضع اللحمة و الدهنة و رب البندورة و الماء و العصير و الثوم و النعناع و نغطي الوعاء و ندع اللحمة مدة نصف ساعة .
# في هذه الأثناء يقطع السفرجل مكعبات متوسطة و يضاف للوعاء و نعدل المذاق بالسكر حسب الرغبة .
# ندع الوعاء مدة ساعة أخرى على نار هادئة .
# تحضر الكبة الكرات كالمعتاد ثم تسلق بماء غالي و مملح مدة عشر دقائق ثم نصفيها و نضيفها للوعاء في آخر خمس دقائق و تقدم السفرجلية فوراً .

[مـiـى]

شو هاد يا بدور :
إي أنا الحلبية قرأت ردك مرتين لحتى قدرت أفهمو , و الله ما لك قليلة أبداً .


يوم ضوء القمر كنتنا :
ديري بالك على ابنا الله يرضى عليكي .
دلليه يوم الرجال بيحب الدلال , ما بدي أوصيكي مبين عليكي فهيمة و بتلقطيها على الطاير( حاسة حالي شي حماية قهرمانية و العياذ بالله )

مبين عليكي أكلتي علينا الطبخة , يلا روحي دوري و رجعي بسرعة .


شوفو يا بنات بدنا مساعدة ( مشان سمعتنا ) أختي لين عم تسألني على أكلة حلبية و أنا ما عرفتها بقى إذا حدى عرفها يقول .......

شوفو شو عم تقول لين عن الأكلة إلي داقتها :

(((الاكلة لونها أحمر وبتتكون من فليفلة حمرا مطحونة وجوز وزيت زيتون

هي فيها جوز وطحينة وزيت زيتون وفليفلة

ياريت تعطوني طريقتها بالمقادير لاني مش قد هيك بالطبخ

بناكلها بالخبز)))

يلا يا بنات مين بيقدر يساعد .

[الذويقه]

هيك تمام يعطيكى العافيه بيبى مذر. بدى اسالك وتجاوبينى بصراحه هل انت طباخه؟ ام معتمده على امك ؟وخاصه انك طالبه يعنى الدراسه بدها بال رايق .
على كل حال انا الحلبيات شاطرات بس لو يخففو الدسم .
ويعطيكى العافيه على السفرجليه اممممممم انا بفضل تكون بالرمان الطازج هلا وقتها. على العيد نازله لماما باذن الله ياريت ترسلى تلفونك اوعنوانك على الخاص اذا مافى احراج وسلمى على اولادك وزوجك وديرى بالك عليهم وديرى بالك على امك واكسبى رضاها
الله يخليهم فوق راسنا امييييين