شي يطول الشعر شبر خلال شهر بدون خلطات و لازيوت

[توحه]

السلام عليكم ورحمة الله وبركاتوا

بنات صار لي فتره يتساقط شعري ما تم ما استخدمت من خلطات ومن زيوت وايد خسرت علشان هالشعر وبعد مافي تحسن بالعكس يخف اكثر

المهم سرت عند طبيب جلديه هندي وعطاني امبولات زيتيه مرسوم عليها حصان اسمها

ecrinal
لون العلبه ابيض واخضر تقريبا العلبه داخلها 8 امبولات
والله العظيم يا بنات استخدمتها بالاول اسبوع وقف التساقط وبعد شهر طول شعري شبر كامل كل حد كلاني وقال بسرعه شعرج طول

انا يوم شفت نتيجتها قررت اداوم عليها فتره طويله احسن لي من الزيوت وحمامات الزيت والكثيراء اللي عقت شعري


اختكم توحه

[راوية]

عفوا أختي ماهو معنى امبولات ومن عند اي طبيب ام هل ممكن احصلها في الصيدليات

[أم غانم]

مشكوره ياتوحه على المعلومه بس لو ماعليج كلافه ممكن تكتبين لنا طريقه الاستعمال ..

[عطور2004]

مشكوره بس نرجو التوضيح اكثر

[بونو بونو]

هلا اختي
والحمدالله ان شعرك تحسن
بس الي ابي افهمة ان شعرك صار يطيح بعد الخلطات والكثيراء ولالا لاني بادية استخدم الكثيراء
وكم خلطة للزيوت
ومشكورة

[الكروان غنى]

الحقى علينا بهذى الوصفة السحررررررررررررررررررررررررررريه

[ام ريماس]

مشكورة توحه بس قولي لنا نلقاها عند الصيدليات ولا لا وكم سعرها الله لا يهينك 00

[aroma]

مشكوووووره
الله يعطيك العافيه

[ناصرة]

متاكده ان هذاى المبولات مالها اى ضرر بعد تركها وما لها اثر بسرعه ردى بليز

[توحه]

هلا بنات
انا يت
بالنسبه لطريقة استخدمها
اول شهر استخدميها بكل اسبوع ثلاث مرات ثاني شهر خففي يعني يكفي مرتين بكل
اسبوع اما ثلاث شهر مره بالاسبوع يكفي

تقدرين تستخدمين الامبوله حق مرتين لانه بتلاحظين بيكفي وبيزد في المره الوحده

يوم بتحطينه بشعرج دلكيه بالفروه وارقدي وباجر الظهر او العصر او اي وقت غسليه

هالامبولات ما تأثر لا تخافون بالعكس وايد زينه فعاله وبسرعه مفعولها
بالنسبه لتساقط شعري مره وحده انا شعري طاح فجاءه استخدمت خلطات وزيوت ماشي فايده بعدين سمعت عن الكثيراء بغيت اكحلها عميتها امبدال لا ينبت لي عدم لي شعري وقام يطيح بالخصل

ما فاد ويا شعري غير هالامبولات الزيتيه وقريت برا الكرتونه مكتوب بالعربي انه مستخلص من شعر عنق الحصان


توحه

[el5a6eera]

أرسلت بداية بواسطة ام ريماس
مشكورة توحه بس قولي لنا نلقاها عند الصيدليات ولا لا وكم سعرها الله لا يهينك 00

[أم غانم]

خذتهم اليوم وان شاء الله بجربهم وادعيلك ...
وللأخوات الى يسألون عن السعر 125 درهم والعلبه فيها 8 امبولات وتلاقينهم فى اغلب الصيدليات ...

[جورى]

شكرا لك بس ممكن استخدمها للاطفال

[توحه]

سوري على التأخير

بالنسبه لعسر الامبولات 120 او اقل او اكثر بجم من درهم يعني على حسب كل صيدليه يختلف فيها السعر
الاخت اللي سألت عن امكانية استخدمها على الاطفال ما عندي فكره بس حرام
تستخدمينها حق الاطفال بعدهم الاطفال ما اكتمل نموهم يعني لا تستعيلين بيطلع لهم شعر
حلو بس اتريي اشوي ولو بغيتي تستخدمين لهم شي طبيعي يكون احسن مثل الجرجير مرتين بالاسبوع بينبت لهم شعر

انا قلت هالوصفه حق الكبار اللي ما نفع وياهم اي شي

اتمنى تسمعين نصيحتي

توحه

[- نواعس دامعة -]

غريبه تقولين طبيب كاتبها لك !!

اكيد في فروة راسك مشكله معينه لان المبولات قويه جدا على فروة الراس الطبيعي وممكن تسبب ردة فعل عكسيه وهذا كلام طبيب مختص للشعر في مركز ديرما

اما بخصوص الكثيرا فا ماعليها كلام بنسبه للي استخدموها صح واستمرا عليها ومنهم انا ^_*

ودمتم سالمين