|
 |
||
| ||
|
#1
15-09-2009, 12:16 AM
|
||||
|
||||
|
استفسار بخصوص تعويد بنتي على الحمام
مرحبا بنات
بنتي بتكمل سنتين كمان أسبوعين تقريبا وبلشت من أول الأسبوع أعلمها على الحمام والحمد لله مستجيبة لي كويس.. سؤالي بخصوص بعض التصرفات المرافقة لتعليمها.. يعني قبل كنت ألبسها الفانيلات الي بكباسات من تحت بس هلأ بعد ما شلت لها البامبرز صرت ألبسها فانيلات عادية فصارت طول الوقت تلعب بصرتها وتشدها لبرة بالذات وقت ما تكون جالسة على التواليت تعملها مع أني بأحاول أشغلها وأسليها وقتها.. كمان صارت تحب تشلح الكلوت وتجري في البيت بدونه وممكن تشلح كل شي أحيانا  هلأ هي تقريبا ما بتفلت وتعمل على حالها الا مرة أو اتنين بالكثير في النهار بس بتضل تطلب تروح الحمام كل شوية وما بتعمل شي كأنه للفت الانتباه مع أني مش مهملاها بنكون يادوب طلعنا من الحمام بترجع بتقول كاكا وبندخل تاني وهكذا.. فهل أطنشها لما تطلب كل شوية وكيف أعرف إن كان طلبها صادق أو لأ؟ ناوية بإذن الله على بداية الأسبوع الجديد أشيل لها البامبرز كمان بالليل فهل المفروض أصحيها في الليل آخذها الحمام ولا أخذها وهي نايمة؟ يعني كيف أتعامل مع موضوع الحمام بالليل؟ هي أمس واليوم صحيتلي الفجر تقولي كاكا وفعلا أخذتها وعملتها في الحمام ورجعت نامت وبعدها بساعتين رجعت صحيت وطلبت وعملتها ورجعت نامت .. في انتظار نصائحكم وشكرا لكم مقدما  |
 |
|
#2
15-09-2009, 04:03 AM
|
||||
|
||||
|
لا تخافي
انا بنتي الان عمرها سنتين و9 اشهر الان هي متوعدة ع الحمام بس البيبيه لسه ما تقدر تتحكم بنفسها .... بالنسبة للفانيلة وانها تلعب بسرتها لا تخافي برضو لانو بنتي كانت زي كذه لكن مع التوبيخ ودايما" اقولا لأ او عيب .... وهي تفهم عليا انو خلالالاص عيب ما تسويها تاني هم الاطفال بس يبولهم صبر شوي |
|
#3
15-09-2009, 09:45 AM
|
||||
|
||||
|
والله ما ممكن افيدك ابني لسة زغير وهاملة هم تعليمه
بس ما شاء الله عليها ادا بتصحا لحالها بالليل يمكن مش شرط تصحيها بس بعرف انه اخوات زوجي بوخدو اولادهم بالليل عالحمام فما بعرف بدك حدا عنده خبرة |
|
#4
16-09-2009, 02:14 AM
|
||||
|
||||
|
اول حاجة عند بداية النوم مش تشربيها ماية قبل النوم بساعه وعوديها دايما انها تدخل الحمام قبل ما تنام وعشان تشجعيها اكتر اعمللها مكافأه جبلها حاجة صغننه كده لما تطلب عشان تعرف ان اللى بتعمله صح وتستمر عليه وكل ما تطلب مش تزهقى هو بس الموضوع جديد عليها مش اكتر بعد كده الموضوع هينتظم عندها وربنا يبركلك فيهاا يا رب
|
|
#5
17-09-2009, 10:08 PM
|
||||
|
||||
|
ماشاء الله بنتك كتير شطوره اذا مستجيبه الك
الاطفال هما اولها بيكونو فرحانين على حالهم لانهم شاله البمبرزه بيحبو يجرو ويلعبو وهما مو لابسين شي عادي بس اهم شي انتي اتفهميها انه عيب الواحد يبين عيبه بيجي الصرصور بيقرصو او اي شي من هيك يعني لازم تفهميها انه هادا عيب مش لازم حد يشوفو كمان بالنسبه للسره حاولي تشغليها متل ما قلتي وما اتصري عليها لان بعض الاطفال بتحب تعاند يعني لمن تكون بتلعب بيها اسحبي ايدها وهي مش منتبهه وكمليلها الحكايه اللي كنتو بتحكو فيها اما بالنسبه للحمام وطلبها كل شوي له برضو عادي بتكون فرحانه على حالها وانتي ما تملي اول اسبوع هيك بتكون بس بعد هيك خلص بتصير عادي عند الحاجه راح تروح وبعدي هيك ممكن تلتهي باللعب وتكسل تقوم فضروري اضلك انتي متابعاها اما الحمام بالليل فبنتك ماشاء الله عليها اذا هي مساعداكي وبتقوم بالليل تطلب الحمام بس انتي لاتحاول تشربيها سواءل قبل النوم مباشره وشغله تانيه قبل ما تحسيها بدها تنام وديها الحمام وفهميها انك مش راح تلبسيها حفاضه بالليل وانها شطوره مش راح تعمل على حالها كاكا بالليل وبعد ساعه ونص من نومتها قوميها وديها الحمام وبعدين كل ساعتين قومي اعرضي عليها الحمام وانشاء الله تساعدك وتصير هي تطلب الروحه لوحدها مش انتي تقوميها وربنا يباركلك فيها بنوتك العسل |
|
#6
18-09-2009, 09:04 PM
|
||||
|
||||
|
تسلمولي بنات بارك الله فيكم
فعلا خف كتير لعبها بسرتها وشلحها ملابسها بس ما راحش تماما والحمد لله الي يومين بالليل شايلة البامبرز واحتياطي البسها الكلوت اللي جوه قماش وبره مشمع واخدها الحمام بعد نومها بساعتين وعلى الفجر واول ما تصحى من النوم والحمد لله بتعملها لما اخذها والصبح بتصحى الكلوت نظيف مش مبلول.ماشاء الله عليها ساعدتني كتير وان شاء الله الموضوع يكمل على خير. شكرا لكم مرة تانية |
| أدوات الموضوع | |
| طريقة عرض الردود | |
|
|
| انضمي الى مجموعتنا البريدية في جوجل: |
|
| موقع لكِ | جمالك | مطبخ لكِ | طفلكِ | منزلكِ | جوالكِ | مركز التحميل | الابتسامات |
عرض بالسرد
