عمل فني جميل قمت به، صورته لكم

[إيمان علي]

السلام عليكم.
ما رأيكم بهذا العمل؟




- قمت بقص البطيخة من الطرفين مثل حرف L وتركت جزءاً من المنتصف.
- بسكين صغيرة قمت بقص قطع صغيرة كمثلثات كما هو موضح لتصبح حواف السلة مثل ال zig zag.
- وبواسطة الملعقة المدورة الخاصة بالبطيخ (تشبه ملعقة البوظة)، فرغت البطيخة من الداخل على شكل كور. حتى فرغت من الداخل، فأعتدهم إليها ووملأتها بالفواكه الأخرى. هذه الفكرة كفيلة أن تجذب الإنتباه والشهقات.

سؤال، ما هو أجمل عمل فني قمتِ به؟ وبالتفصيل لو ممكن.

[estrellas]

لك شو هاد يا ايمان هذا انت فنانة غير شكل

يسلموا ايديك بس وين رحت بالبطيخ اللي فرغتيه

[أفنـ أم عمر ـان]

ما شاء الله جميل جدا ....
استرياس ...عملته على شكل كرات بواسطة ملعقة البوظة وأعادته إلى البطيخة ممكن في قاعها تحت الفواكه !

اما اجمل عمل فني قمت به ....
فهو صينية من الموال-بتعرفي شو الموال؟- نسجتها نسج , مع قاعدة عبارة عن مرآة ورسمت عليها , ووضعت على الصينية من الخارج دانتيل (صعب تتخيلي بعرف وصعب أصورها لأنها للأسف في بيتي ببلدي!) كانت تحفة بكل ما تحمل الكلمة من معنى وما رآها أحد إلا وشُدِه بها !

والعمل الفني الثاني : باقة ورد جوري من السيراميك , جهزتها بعناية فائقة وانتقاء للألوان وحتى المزهرية !!! كان الضيوف يجلسوا ويقوموا وهم يبدون مدى إعجابهم وانبهارهم بجمالها( صعب كمان أصورها لإنها ببيت أهلي )

العمل الثالث : جرة من الفخار حففتها ومعجنتها ثم لونتها و نسقت عليها ورود من السيراميك ..

هذا غير المفارش الحرير المرسوم عليها ,,,,,

هييييييييه يا أمونة زكرتيني بالزي قد مضى !!!!

[um samer]

GOOD JOB ,,, ما شاء الله يا إيمان كثير منظرها حلو ،،ما شاء الله عليك يا قطر الندى شكلك فنانة وأنا موش عارفة !!!!!!!

[إيمان علي]

استرياس، قطر الندى، سينو، الله يجزيكم الخير على التعليقات الجميلة.
صحيح يا استرياس مثل ما قالت قطر الندى، وضعت كور البطيخ في أسفل الفاكهة.
ما هذا كله يا قطر الندى، لازم تعيدي أيام الفن الغابر. ما شاء الله عنك.
وسينو، الله يحلي أيامك. وينك صحيح هالأيام؟ أنا تايهة لأني مش عم بسمع صوتك.

[أفنـ أم عمر ـان]

سينو كم مرة حكيتلك لا تطولي على إيمان !! بتـّوه لما ما تسمع صوتك !!

كيف الحال !

[um samer]

أهلين يا إيمان ،،والله إنتي غاطسة أبصر شو إبتعملي من وراي ،،والله يا قطر الندى إلي بيسمع بيصدق !!!!!!!!!!!!!

[إيمان علي]

هههههههههههههههه
طيب سماح خلص، كلنا غاطسين.
أنا غاطسة في أمور السفر، بنتي كانت رح تروح عالتخييم، وبطلت بعد ما وجعت راسي، ابني عامل مناحة كل النهار، واليوم احتفال إسلامي في المدرسة انشغلت فيه فكريا بس مع شوية تبولة ههههههههه. شفتي المشاغل؟!!! وطبعاً ما تنسي حفلة النساء اليوم!! هاي لحالها بدها تحضير كبير. أنا ما عم بعمل شي، بس مستنية.
شايفة بشو المشاغل؟
يالله دورك. أنا رديت على السؤال.

[أفنـ أم عمر ـان]

إيمان , غرت منك ! وجيت بدي أحط صورة ابني تحت اسمي بس ما عم يرضى !!
كل ما بعمل : تغيير الصورة , ما بتغير شي !!!!

[إيمان علي]

أنا عرفت الخدعة.
لازم تحطي عنوان الصورة وبعدين تكبس على "نعم" اللي فوقها.