ساعدوني بأفكاركم يا أهل الأفكار

[Renad:81]

يا بنات بسرعة ساعدوني بأفكاركم

لالا تتأخرون علي


أخوي رُزق بمولود ذكر

ومحتارة وش أجيبلهم هدية خصوصاً انه ولد

أبي أفكار مميزة الله يعافيكم لا تنسوني ولا تطولون علي

ويا ليت إذا فيه محلات يا ليت تكتبون أسمائها

مع العلم انا في الرياض

[شمالية غربية]

الف مبروك المولود الجديد..الله يحفظه ويخليه لوالديه..امين
ماعندي خبرة في محلات الهدايا لاني اسكن خارج الرياض....بس دخلت علشان ابارك لك بالمولود.

[Renad:81]

أشكرك أختي شمالية غربية على مشاعرك الطيبة

وأنا في انتظار الأفكار

[Renad:81]

للرفع

[Renad:81]

للرفع

[ام وديمه]

الله هذه شغلتي يااااااااي امووووووت في تحضير الهدايا ....
اشتري سله يكون شكلها غريب انصحك بهوم سنتر
انا اشتري اللي يكون شكلها قديم ....
اوكي المولود ولد اشتري الورق الشفاف الازرق وقصصيه مستطلات واحضري ورق شفاف ( بلاستيك اللي يغلفون فيه الورد الطبيعي )
وضعي القصاصات داخل ورق البلاستيك الشفاف وهذا سيكون قاعده داخل السله ...
الحين الهدايا اشتري اطقم للأطفال بألوان ازرق وابيض واي لون انت تحبينه ...
اشتري طقم اكل للأطفال ...اشتري طقم ملابس مع قبعته ..
انصحك بمحلات :
تشيكو
لابين هاوس
بيتيت بيبي

انزين اشتري برواز يكون لونه ازرق او ابيض انصحك بمحلات باتشي ....او ايكيا انا اشتريت من ايكيا برواز على شكل لوحه الرسام هو برواز صغير ...
تحتاجين شرايط زرق
وشرايط لونها ابيض
تول ازرق
تول ابيض
تصنفين الملابس وتضعين كل 3قطع على بعض مثلا قطعه اصفر
قطعه لونها ابيض قطعه ازرق ونلف الكل بقماش تول ازرق ونربطه من فوق بشريطه بيضاء
ونأخذ مجوعه من الملابس ونلفها بشريطه زرقاء ونعمل فيونكه ....
نضع البرواز ونكتب فيه مبرووك المولود الجديد ونضعه مع القطع الباقيه بشكل متناسق
وباقي الهدايا مثل طقم الاكل تزينينه على ذوقك .
وانا استخدم الصمغ المسدس لعمل الفيونكات ...
واخيرا ضعي هذه الهدايا في السله ولفيها بالورق البلاستيك الشفاف ونربطه بفيونكه ...
وعندي افكار بس اللحين مشغوله ...

[ام ادم]

الف مبروك ممكن تصنعي فراش وفيه سحاب الي يحمله فيه الطفل مع شنطه من نفس نوعية الفراش

[ام وديمه]

مرحبا مجددا .....
ممكن تلفين طقم فوط غلى شكل سندويش وتربطينها بشريطه وفيونكه .....ووايضا تلفيت طقم الملابس بنفس الشكل .وايضا تشترين رضاعات وتلفينها بشريطه .
ولا تنسي البراوز تكتبي عليه مبرووك المولود الجديد وتضعيه مع الهدايا ..
تشتريت لعبه قطنيه لونها ازرق وتصفيت الهدايا بشكل حلو في صندوق خشبي او عربه صغيره
خشب
ادخلي هنا في هذا الرابط لتشاهدي العربه ...

http://www.decoart.com/cgi-bin/Projects.cgi?Search&6

وطبعا في الاخير تلفيت العربه ببلاستيك شفاف وتربطينه بقطعه من التول الازرق وشريطه بيضاء ..
تحياتي لك

[Renad:81]

مشكورة أم وديمة

والله يجزاك كل خير

سبحان الله أنا يئست وقلت ما في أحد بيرد علي لكن الحمدلله جيتي وجت الأفكار الحلوة

إن شاء الله أبأستفيد من أفكارك .............


أم آدم مشكورة على الفكرة الحلوة

[ام وديمه]

الحمدلله اني جيت بالوقت المناسب ....تحياتي لك ...

[Renad:81]

حتى لوانك تأخرت عليّ راح أستفيد لأن عندنا هذه سنة الولايد كل شهر وحدة بتولد لكن ما راح اعطي الجميع

كان ينتحر زوجي ههههههههههههههههههههههههههههههههههههههه

[أنشودة الخريف]

اش رايك في صندوق قديم خشبي وتحطين في مبلغ مالى في كرت مو فكره حلوه

[Renad:81]

الفلوس فكرة حلوة لكن مليت منها وودي بشيء مميز بصفتي عمة ولأول مرة

[أفنـ أم عمر ـان]

كلما كانت الهدية مفيده وضرورية كانت أجمل في نظر الناس , ابتعدي عن الهدايا التقليدية مثل الملابس والمال , ستنهال على عائلة أخيك هذه الهدايا ومن الجميع ,

اهديهم شيء لن يهديهم اياه أحد آخر , مثل كرسي أكل للأطفال , أو عربة مشي ,أو كرسي سيارة -وهذا كله حسب الماديات - أو أو أو

لو أهداني أحد مثل هذه الهدايا فسأكون له شاكرة لأبعد درجة ...

[ديـــم]

الف مبروك ياريناد وعقبال مااصير عمه مثلك
المشكله ياريناد انك وين رحتي وين ماجيتي الهدايا هي نفسها يعني ملابس ..مناشف ..طقم رضاعه ويالله مافي غيرهم ..
بقولك هالاقتراح وانا مادري والله هو سهل يتنفذ او لا !!يعني ماعندي خلفيه
إيش رأيك تهدين ولد اخوك مفرش مميز وشلون اشتري مثلا مفرش بسيط يميل للساده واكتبي ابيات شعر ووديه الخياط يطرزهم على المفرش ممكن انتي تكتبينهم بالقلم الرصاص على المفرش بخط كبير وحلو والخياط بس يطرز عليه بالوان مناسبه للمفرش ..
اطلبي من ركن واحة القلم يعطونك ابيات شعر يعني قولي لهم وش اسم ولد اخوك وهم يطلعون لك اشعار واختاري منها بكذا تضمنين انك تميزتي بالهديه وانها ماراح تنرمي مهما كان لأنها ذكرى ولا تنسين تكتبين توقيعك في الأخير على المفرش ..
ياعمه ريناد