عجة زوجي ...... يحق لي اتشقق

[احاسيس مرهفة]

شوفوا الصورة

قولوا لي ايحق لي اتشقق والا لا .

اذا حبيتوا شكلها علموني اعطيكم الطريقة

ترى اكلنا اصابعنا وراها







تراني بإنتظار آرائكم ولا تنسون انها عمايل يد ابو العيال .


انتظركم

احاسيس

[بنت دجلة الفرات]

هلا والله باحاسيس
شكلها يم يم
من حظي السعيد كنت اول وحده تشوفها وان شاء الله اول وحده تجربها
يالله شدي حيلك وكتبيها وتسلم ايدج واايد ابو العيال

ترى اختك مثلك سنة اولى طبخ

[الحب للحب]

يسلمووووووووووووووووو

[sunskies]

شكلها لذيذ ومشجع
مع انى باخاف من تجارب الرجال

[احاسيس مرهفة]

هلا بيج اختي بنت دجلة

جعلك دوم سباقة للخير

انا في طريقي لوضع الطريقة (( حركة تشويق ))





اختي الحب :

الله يسلمك






اختي sunskies :


شكلها لذيذ وطعمها لذيذ

مع انه رجل ( مو تقليل من شأنه ) الى انه عليه شغلات تعجبني

لكن مو في الأكلات العميقة اللي يبغالها سلق وقلي ,

فهو متخصص في اكلات البيض والمعلبات : فول ، فاصوليا ......... الخ

ويبدع فيها , حتى بعض الأحيان استغرب الروعة في الطعم , واقعد الح عليه يعلمني وش الطريقة وهو يتغلى .

تدرووون ليش لأنه اساساً ما يعرف الطريقة

يعني هو دخل حط هذا على هذا وطلع هالطعم الحلو , مسأله نفَس .

الوصفة جاية في الطريق .

[lanloon]

رائعه تسلم ايديه

[احاسيس مرهفة]

اختي لانلون

اهلين ومرحبتين بيكِ

وتسلمي يالغالية

[احاسيس مرهفة]

وهــــــــــــــــــــــــــــــــــــــــــــــــ ــــــذي الطريـقـــــــــــــــــــــــــــــــــــــــــــ ــــــــة : -
-----------------------------------------------------------------------------------

- اخذ حليب سائل ووضعه في الخلاط مع ملعقة بيكنج بودر وتركه يخلط حتى طلعت الرغوة

( تقولون لي شالسر ؟؟ اقول لكم : والله مادري !!!!!!!! )

- ثم كسر عليه البيض وتركه يخفق قليلاً .

- وضع عليه فلفل اسود , ملح , والقليل من الثوم البودرة .

- وضع الخليط في صينية الفرن ونثر عليه بصل مقطع صغير , وخضار مشكلة .

يعني لم يخلط الخضار والبصل مع البيض فقط نثرهم على الخليط

( بيني وبينكم هم بيختلطوا مع البيض بيختلطوا بس للأمانة العلمية انا انقل الطريقة كما جائت على لسانه )

- في الأخير نثر على وجة البيض جبن موزاريلا ودخلها الفرن .

وقعد ينتظر امام الفرن طول فترة الطبيخ والعرق يزخ منه تقولون بناي .

ما طوّل عليكم

وبس خلصت العجة

قطعناها و اكلناها

وسلامتكم

كأنها حكايات جدتي

[فيروز محمد]

يسلموا إيديه عزيزتي وقوليلو يكثرلك من حركاته الحلوه


بس نصيحة أخت دخلة الرجال للمطبخ معناها شمري ونظفي وراه

[العيون العفيفة]

شكلها لذيذة...

بجربها..

وربنا يخليكم لبعض...

تحياتي..

اختك..

العيون..

[احاسيس مرهفة]

الله يسلمج يالحبيبة

بيني وبينج يالنمرة لو كنت انا اللي راح انظف وراه ما كنت خليته يسوي شي .

بس خبرج موظفات ولازم في هالزمن الوحدة تحتاج من يساعدها .

[احاسيس مرهفة]

اختي عيون

تسلمي والله يخليك لكل من تحبيهم ويحبونج .

[وعود الخير]

آه يا أحاسيس تسلم اليادي على الصورة .. اكيد بجربها ....
بس والله يا أختي احينا الرجال يطلع من تحت ايدهم اكل غير شكل ..
زوجي كان من النوع لي دش المطبخ ... الأكل طيب ما في كلام... بس آه من الي بعده....
قشر الثوم والبصل والبطاطا وكله وين.. على البوتوجاز .. ونظفي يا فلانة .. غير الملاعق والسكاكين والشوك تقولي الأخ عامل حفلة ..
وشغالة ما في يعني مجبرة تقعدي ساعة تنظفي وراه اذا مو أكثر وفي النهاية .. قررت أن اطرده من المطبخ نهائي صحيح حرمت نفسي من أكلاته الطيبة .. بس كسبت راحتي.....
على فكرة العشا اليوم راح يكون على حساب أحاسيس...

[احاسيس مرهفة]

اذا ما يشيلك البيت تشيلك عيوني يا وعود

ياريت فيه سبيل كنا التقينا بكم

لكن القلوب مراسيل .

والله يرحم والدينا ووالديكم ووالدي من اسس هاي المنتديات اللي خلتنا نجتمع .

الأجساد بعيدة والقلوب قريبة .

اختك

احاسيس

[وعود الخير]

رحم الله والدك رحمة واسعة وجزاه خيرا على هذا المنتدىالرائع
وجعل من ثواب الدعوة فيه نصيب لوالدك .....
تسلمي يا اختي اعتبريني وصلت .. واليوم فعلا العشا العجة ....
وشكرا لشعورك الطيب .. والارواح جنود مجندة ...
بارك الله فيك وسدد للخير خطاك.