أخيرآ وجدتها...طريقة الCorn Dogs وبالصورة

[shahdmylife]

أنا بحبها إكتير بس هون بكندا دائمآ بستعملوا فيها الخنزير..بس اليوم لقيت الطريقة السهلة.
علي فكرة سهلة إكتير وممتازة للعشاء خصوصآ للصغار "ولا تنسوا خالتوا أم شهد.. "

.طيب الطريقة..
- أخلطي كوب طحين + 3\2 كوب طحين الذرة " Yellow Corn Meal " + معلقة سكر صغيرة + 1 2\1 م ص بيكنج بودر.
- في وعاء تاني أخلطي 4\3 كوب حليب + 1 بيضة مخفوقة وأخلطيهم جيدآ.
- أضيفي خليط الطحين لخليط الحليب والبيض وحركي جيدآ حتى يمتزجوا جيدآ.
- السجق أو hot dogs لازم يكونوا مسلوقين جيدآ لمدة 5 دقائق وعند النضج أغسليهم بماء بارد ونشفيهم جيدآ من أي ماء.
- ضعي خشبة صغيرة في طرف كل حبة hot dogs متل الصورة.
_ الآن ضعي خليط الطحين اللزج في صحن عميق..غطي كل حبة بالخليط حتى إتغطيها تمامآ من كل الجهات.
- أقليها بالزيت الحار الغزير لحد ما تحمر من كل الجهات ويصير لونها دهبي جذاب...وقدميها مع الكاتشب والمستردة الباردة.


لا تنسوني كل ما تعملوا هالطريقة.

[LeEn]

رووووعة
بس الكورن ميل ما عنا اياه

[شذى المحبه]

رووووووووووووووووووووووعه
بغيت اكل اصابعي معها بس اشوى ان اصابع موب دبا ولا كان راحت في خبر كان

[shahdmylife]

LeEn أسعدني مرورك..
بس معقولة مافي عندكم طحين الذرة?? هوي بيشبه السميد.

شذى المحبه صحتين وعافية..لما تسويها حتعجبك إكتير

[الامل الجميل]

طريقه حلوه بس الصوره ما طلعت لاعرف كيف كلها
مشكوره

[إيمان علي]

قديش بدي أدعيلك يا سوسو، ما بتصدقي الدعوات اللي نزلت عليك من عندي لعندك الآن
اليوم والله أو البارحة، ما عدت أذكر، تذكرت قديش ليلى بتحب الكورن دوجز وبشتريها مرات لما أتعب وأنا أدور على نوع بلا خنزير، والعلبة فيها كم واحدة، وبتقضي عليهم بيومين وبتطلب المزيد ولحقي ودوري مرة ثانية على النوع هذا!!! بدي أجرب هذه مهما كانت صعبة إن شاء الله.. وأزيدك دعوات

[shahdmylife]

الامل الجميل معلش الصورة اليوم مش طالعة حتى معي كمان.
يمكن الموقع إلي حملتها منه عنده مشكلة..حاولي مرة تانية وإن شاء الله تعجبك.

[shahdmylife]

إيمان وصلت دعواتك وأنا مبسوطة إكتير إنه راح تنبسط ليلي حبيبتي.
الطريقة سهلة إكتير المهم عند القلي يكون الزيت "غزير" وسخن علشان إتكون الحبات مقرمشة.
إيمان تعالي أقولك...

.....



.....


.....



إدعيلي إيكون البيبي ولد علشان أخلص

[ديـــم]

تسلم الأيـــــــــادي ياأم شهد

[إيمان علي]

ههههههههههههههههههههههههههههههههههه الله ينولك اللي في بالك يا سوسو وتقومي بخير وسلامة وتجيبي أحلى بيبي في العالم.. بس مش تعملي مثلي وتجيبي الصبي أحلى من البنات؟
بس شوفي، أنا شايفة إنك بإذن الله تابعة خطواتي واحدة بواحدة، كل ما أجيب بضاعة بتجيبي وراي مثلها.. فخلص.. إذا ضليتي على هذه الخطوات الحلوة، بتعملي مثلي في الثالث كمان


سوسو، نبهتيني لسؤال.. الزيت سخن، يعني قديش سخن؟ ما لازم مثلاً نسخنه على حرارة متوسطة وبعدين نقلي؟ وهذا حتى تستوي العجينة، واللا نحمي الزيت على العالي مثل البطاطا المقلية؟ بانتظارك.. ما عاد فيني أستحمل، بدي أروح أجيب علبة هوتدوغ، خلصت اللي عندي مبارح