مرحبا صبايا
بناء على طلب اختنا الاموره ديم قمت باضافة الموضوع
و الصراحه عم اكتب بعد وجبة فلافل رائعه عملتها بخبز ديم هاي ثاني مره اعمل الخبز يعني اول امبارح عملته و عملت معه فلافل و الان كمان ...من كثر ما الطعم روعه و ضليت اتخيل بحالي و انا باكل بالسندويشه المصنوعه من خبز ديم و فلافل لنلون جد يا بنات ما بخبي عليكم اني استمتعت و انا باكل حتى زوجي عجبه مع العلم انه ما بعجبه العجب
المهم ندخل في الموضوع
المقادير:
كيلو حمص ناشف
بصله كبيره و بصله صغيره
3 حبات ثوم
ضمة بقدونس
ضمة كزبره خضراء
بيكربونات الصوديوم
بيكنج باودر
ملح
بهارات فلافل
جوز الطيب
الطريقه:
قومي بنقع الحمص لمدة 12 ساعة, ثم افرمي الحمص مع البقدونس و الكزبره و البصل و الثوم
و اعجنيهم معا جيدا..
الان راح تحكيلي الكيلو كثير علي!! بامكانك عمل نصف الكميه أو انك تعملي الكيلو و قومي بوضع كل كميه تعتقدي انها تكفيك لكل استعمال في كيس و ضعيه بالفريزر
ولكن بدون الملح و البهارات و البكنج باودر وجوز الطيب
و انا شخصيا بعمل هيك
الان اهم شئ انك ما تضيفي الملح و البهارات و البكنج باودر وجوز الطيب اللا لما بدك تقلي الفلافل.
و صحتين و عافيه
انتظر انكم تعملوه و تحكولي
الروابط المفضلة