السلام عليكم ورحمة الله وبركاته
حبيباتى ..
كيف الحال .. وكيف العزومات معاكم ..
هاحكيلكم حدوتة صغنونة .. بس مش عاوزة حد ينام منى
أول ما أعرف انى عندى عزومة .. حالة من الزهايمر تنتابنى ..
والزهايمر فى الاكلات اللى ممكن اعملها ..
ولا كأنى عملت حتى رز بشعرية قبل كدة
مع ان كل يوم بجرب فى جوزى اكلة جديدة .. وكل يوم بعذبه بابتكار جديد ..
لكن يوم العزومة ولا افتكر حاجة غير انى اسلق اللحمة وكان الله بالسر عليم ..
ملحوظة هامة: طبعا ممنوع انك تخرجى من الموضوع قبل ما تكبتى حل لمشكلة الزهايمر بتاعتى دى
نبدأ بقى فى المهم ..
ما احلى العزومة وما اجمل اللمة والناس داخلة بيتك ..
انا بتمنى يكون عندى كل يوم ضيوف << بغض النظر عن موضوع الزهايمر طبعا
طبعا كل واحدة مننا ليها طقوسها الخاصة يوم العزومة ..
ازاى نبدأ التجهيز .. وبتجهزى فى نفس اليوم والا قبلها بيوم .. وياترى ايه الصنف اللى مش ممكن تتخلى عنه فى اى عزومة ..
وهل من الممكن ان يطلب منك الضيف عمل صنف معين .. يعنى صنف داقه عندك قبل كدة وعجبه لدرجة انه يطلبه منك فى كل مرة يشرفك فيها ..
بالنسبة لى ..
طقوسى الخاصة ..
اول حاجة الاهتمام بنظافة البيت وتعطيره ..
وبعدين اتفقد المطبخ واشوف لو فيه حاجة ناقصة اجيبها بسرعة .. وابدأ فى التركيز والتركيز علشان اقدر ارتب قائمة للمأكولات والمشروبات والحلويات ..
وبعدها اقوم بترتيب السفرة .. وان شاء الله سأقوم بتنزيل موضوع مستقل لكيفية ترتيب السفرة واستقبال الضيف ..
وطبعا الصنف الذى لا تخلو منه سفرتى .. معشوقة الجماهير (( البيتزا )) .. كما ان البيتزا ومكرونة الزبادى والصويا من الاكلات المطلوبة جماهيرياً عندى وبشدة
يلا يا حلوة .. قوليلى بالنسبة لك .. ايه النظام ؟؟
وكونى معنا فمازال فى جعبتنا الكثير ..
وحديث المائدة معكن .. لن ينتهى عند هذا الحد ..
فى انتظاركِ ..
تابعونا بالرد14 لاستكمال حديثنا
الروابط المفضلة