تنظيف وتعقيم كراسي السفره ~ ملكه النظافه والتنظيم 2 ~
أهلا بيكم يا قمرات في موضوع جديد للتنظيف
اليوم قررت أنظف كراسي السفره
لإن لونهم بدأ يتغير
وقلت لازم أنظفهم علشان يرجعوا للونهم الجميل
وفكرت كتير أنظفهم ازاي لحد ما لقيت الطريقه والحمد لله
تعالوا نشوف شكلهم كان عامل ازاي
وشوفوا من قريب ... طبعا ده الكرسي اللي بتنام عليه قطتي " باتسي هانم "
جبت فرشتي الجميله وبدأت أنظفه من شعر القطه
شوفوا الفرشاه طلعت شعر القطه ازاي
وبعدين كنست الكراسي كلها بالمكنسه
وجبت وعاء بلاستيك وحطيت فيه شويه ماء وديتول وقليل من منظف كارفور العام
وجبت فرشاه صغيره وبدأت أغمسها في محلول التنظيف وأصفيها من الماء
وبعدين بدأت أنظف بيها الكراسي
وبعدين مسحت الكراسي بقطعه قماش قطن مبلله بالماء ومعصوره كويس
وحطيت الكراسي وشغلت لهم المروحه علشان ينشفوا كويس
تعالوا نشوف من قريب كده الكراسي بقت نظيفه ازاي والحمد لله رجعت للونها الطبيعي
وبجد مش قادره أقول لكم ريحه النظافه عامله ازاي من الديتول تجنن
وإلي اللقاء في موضوع تنظيمي تنظيفي تجريبي جديد
رد مع الاستدلال
الروابط المفضلة