تنظيف دواره التوابل ~ ملكه النظافه والتنظيم 2 ~
أهلا بيكم يا قمرات من جديد
بعد ما نظفت زجاج البوتاجاز ولقيته بيلمع
لقيت جنبه دواره التوابل حزينه جدا ومليئه بالدهون المتراكمه والأتربه
قلت لازم تكون هي كمان بتلمع وعلي طول بدأت التنظيف ... تعالوا نشوفها قبل التنظيف
شوفتوا شكلها كان عامل ازاي
جبت طبق وحطيت فيه صابون سائل وكلور وماء دافئ
وفكيت أجزاءها والتوابل اللي مش محتاجاها اتخلصت منها
وبعدين حطيتها في الماء وتركتهم ساعه
وبعدين بدأت أنظفهم بالليفه من كل الجوانب ومن الداخل والخارج
وشطفتهم بالماء وتركتهم يتصفوا علي فوطه نظيفه
وجه دور القطعه الكبيره ... حطيتها في الطبق وكنت باغير وضعها كل شويه
وبعدين نظفتها بالليفه وشطفتها بالماء وحطيتها تتصفي
وكمان فكيت الجزء السفلي اللي بيخليها تدور لإنه كان مش راضي يدور ونظفته كويس
تركت الأجزاء كلها تتصفي من الماء كويس
وبعدين بدأت أنشف الأجزاء كويس بمناديل المطبخ
تابعوني يا غاليات
تعليق