تويت
تنظيف وترتيب درج الملايات ~ ملكه النظافه والتنظيم 2 ~
أهلا يا قمرات اليوم قررت أعمل حمله علي درج الملايات
لأني وصلت لدرجه إنه مش بينفع يبقي فيه الملايات كلها مرتبه وكنت مش عارفه أعمل إيه
واليوم قررت إني لازم ألاقي حل بإذن الله
تعالوا نشوف شكله قبل الترتيب
وكمان شوفوا من قريب التراب في زوايا الدرج
طلعت كل الملايات الموجوده فيه واديت له ترييشه سريعه
وبعدين جبت البليدج وفوطه قطن نظيفه ورشيت علي كل جوانب الدرج من الداخل والخارج
وبدأت أنظف بالفوطه كويس
تعالوا نتفرج علي النظافه واللمعان
وبعدين جبت ملايه مش باستخدمها لإنها مش ناعمه وفردتها في الدرج
وطبقت الملايات وأكياس المخدات وحطيت أكياس المخدات بالشكل ده
صوره ليهم من الجانب
ورتبت الملايات في الناحيه التانيه من الدرج
شوفوا الدرج بقي فيه مساحه كبيره ازاي
تابعوا معايا يا قمرات علشان أقول لكم طريقتي في تطبيق الملايات
وطبعا قطتي الحلوه كان ليها دور كبير في مساعدتي في كعبله أأأأأأأقصد ترتيب الملايات والأكياس
استنوني يا قمرات
تعليق