تنظيف مفاتيح الكهرباء بلا ماء أو صابون أو منظفات ~ ملكه النظافه والتنظيم 2 ~
أهلا بيكم يا قمرات في موضوع جديد
طبعا انتوا بتقولوا مين المجنونه اللي هتنظف من غير ماء ولا صابون ولا منظفات ... هي من كتر التنظيف مخها كمان بقي نظيف
تعالوا نشرب النسكافيه وأقولكم ازاي ... امبارح بالليل وأنا باتمشي في البيت وكان عمر وباباه نايمين لاقيت حد بيقول لي بست بست
قلت مين اللي بينده عليا رحت بشويش ورا مصدر الصوت ولقيتهم مفاتيح الكهرباء ... نورت النور وقلت لهم نعم عاوزين إيه ... قالوا لي واحنا فين دورنا في النظافه
بصراحه وقفت أفكر شويه لإني أي حاجه فيها كهرباء باترعب منها ... قلت لهم طيب استنوني وهارجع لكم تاني
قعدت أفكر طيب أنظفهم ازاي ... أنا مش عاوزه أزعلهم ... وافتكرت حاجه كانت حصلت معايا من يومين
تعالوا معايا علشان تعرفوا إيه اللي كان حصل من يومين
شوفوا شكل مفاتيح الكهرباء عامله ازاي وكمان الاطار بتاعها من بصمات الأصابع دول المفاتيح اللي في الريسيبشن
ودول المفاتيح اللي في الانتريه شايفين شكلهم وحش ازاي
طيب نيجي للمهم واللي كان حصل معايا من يومين ... كنت باحط كريم في ايدي والتليفون رن
رحت نورت النور علشان أرد علي التليفون فالكريم جت منه نقطه علي مفتاح النور
المهم وأنا باتكلم في التليفون جبت منديل ومسحت النقطه وكملت كلام في التليفون عادي
ولما خلصت وجيت أطفي النور لقيت النقطه اللي مسحتها نظفت وطفيت النور وخلاص
وبالليل لما لقيت المفاتيح عاوزين هما كمان ينظفوا قلت وماله نخوض التجربه ويا صابت يا خابت
جبت علبه كريم كان انتهي الصلاحيه ... مين فينا مش عندها كريم انتهي الصلاحيه ... وجبت مع الكريم قطن طبي
بللت القطنه خفيف أوي بالكريم
وبدأت أنظف الاطار وبعدين المفاتيح
شوفوا شكل القطنه بعد التنظيف
وشوفوا بقي شكل المفاتيح بتلمع ازاي وكمان مفيش ولا بصمه أصابع
شوفوا كمان المفتاح التاني
وقلت كمان أنضف مفتاح الليفينج وده شكله قبل التنضيف يعيعيعيعيع
شوفوا شكله بعد التنظيف يا جماله
إيه رأيكم أنا الملكه أنا الملكه هييييييييييييييييه
يلا هتاف يا بنات " بص بص بص ... بيبي الملكه وبس "
وإلي اللقاء في موضوع ترتيبي تنظيفي تنظيمي جديد
تعليق