[مجموعة] لا مش هأسيبك تهزميني

[bero333]

ازيكم يا بنات

انا زي اي واحدة مريت و بأمر بظروف مش مستقرة من جميع الجهات
وزني زاد اوي
عندي حالة احباط
وقفت مع نفسي وقفة حلوة كده و قلت لنفسي طيب و لحد امتي؟
لحد امتي هتسيبي نفسك
انتي عمرك ما كنتي ضعيفة
وعمرك ما كنتي بتستسلمي بسهولة
أعرف عنك انك محاربة
قوية
عندك اصرار و عزيمة
عنيدة جداااااااااااااااااااااااا
لما تحطي حاجة في راسك خلاص بقي مش هتطلع تاني
ليه بقيتي كده؟
قلت لنفسي طيب ياختي فهمنا و بعدين؟
لازم وقفة و لازم ترجعي اوعي تسيبي نفسك تنزلي أكتر من كده
توكلي علي الله و أكثري من الاستغفار وقول لا حول ولا قوة الا بالله
و ابدأي صفحة جديدة
صفحة جديدة في كل حاجة
بصيت لنفسي و قلت لها
لا مش هأسيبك تهزميني

وبصيت لظروفي و قلت لها مش هاسيبك تهزميني


فكرت اني أعمل الموضوع ده لأني طبعا عايزة مشاركة و تشجيع
قلت لنفسي أحط كذا هدف ادامي
وبما أننا في ركن التغذية فالهدف اللي هأحاول أحققه هنا في تقليل وزني
وقفت وقلت انا هاقول

لا مش هاسيبك تهزميني يا حلويات






مش هأسيبك تهزميني يا دهون

مش هاسيبك تهزميني يا الوجبات السريعة



لالالالالالالالالالالالالالالالالالالالالالالالا
مش هأسيبك تهزميني

في الموضوع ده انا هأكتب يومياتي تحت شعار



لا مش هأسيبك تهزميني
كل يوم أكل صحي + رياضة


و اللي عايزة تيجي تونسني و تقول معايا لا مش هأسيبك تهزميني تتفضل
مفيش عدد محدود و كمان مفيش قواعد لأن أعتقد اننا كلنا تشبعنا و عرفنا القواعد تلقائيا
كمان مش هأتابع حد يعني مفيش واحدة تستني مني أقولها انتي أكلتي ده ليه و عقاب و كده ليه بقي؟
لأن ده التحدي بتاعك انتي انتي اللي هتقولي لكل المغريات
لا مش هأسيبك تهزميني


انا هأوزن كل يوم جمعة بأذن الله

عايزة الموضوع ده يبقي لذيذ و خفيف يعني نكتب يومياتنا
نتطمن علي بعض
لو واحدة عكت ممكن كلنا نطلع عينها مش انا بس
كلنا هنتابع بعض و نعلق علي بعض لو فيه لزوم للتعليق

أنا هأبدأ من بكرة السبت 2/4 بأذن الله
و اللي هتقول معايا
لا مش هأسيبك تهزميني تحط الشعار ده في توقيعها عشان الحماس وكل ما تنسي و تيجي تعكي تلاقي نفسك بتقولي


ها مين معايا؟

[bero333]

انا هأبدأ

اسمي بيرو
الطول 170سم
الوزن 110 كجم

و بأقول لنفسي

[* أم الأميرة *]

أولى

معاكي بإذن الله

مرام

الطول 161

الوزن 73.500

الارتفاع : !! بلاش منه أحسن هههههههههههه

إن شاء الله ربنا بيقوي عزيمتنا وبقهر الدهون

مشكورة يا بيرو عالفكرة الحلوة سلمت الأيادي

[bero333]

مراااااااااااااااااااااام
مش هتصدقي انا فرحت بيكي اد ايه انك هتكوني معايا و نشجع بعض ايوة كده خلي الأيام الحلوة ترجع تاني ياللا بقي من بكرة نشجع بعض ان شاء الله

[zineb gharbia]

حيّاك الله أختي الغالية بيرو

أنا معك لزوم التشجيع .
يعجبني توقيعك لأنّه دليل إيمان وقوّة .

ممكن أضع يومياتي عن الرياضة أو اقتراح وجبات

لأني لا أعاني زيادة وزن ـ قليل من الكرش نتيجة القيصريات .

الاسم: زينب .
الطول : 163
الوزن : 69ـ الأسبوع الماضي .

وإن شاء الله موفقات لأنّ من لا يعاني قد يعاني بسبب التهاون والكسل
قوّاك الله .

[bero333]

زينب حبيبتي وجودك يشرفني طبعااااااااااااااا
وفعلا انا محتاجة للتشجيع
و هأستني يوميات الرياضة و الوجبات المقترحة
تسلمي لي يا عسل و ربنا لايحرمني منك

[امي حوا]

السلام عليكم انا من مده مادخلت هالمنتدى لاني مصابه باحباط قوي جدا والله العظيم الي يومين حاطه شي قريب من شعارك وهلا خلصت الرياضه الي يومين بس بعمل رياضه اقتنعت انيم ارح اخس بدونها حتي لو اكلي متل مهو واعاني من قولون عصبي وشويه مشاكل عندي رجلي بيوجعني وظهري ويوووووووووووه واعتقد كلو من النفسيه التعيسه وانا معك
الاسم مرام وبما انو سبقتني مرام ههههه انا مرمر
العمر 27
الوزن
خربان الميزان هههههههههه بس بحدود 83
الطول169
ويارب يعيننا واقدر احط اليوميات واحسن نفسيتي وفعلا انزل عشره كيلو يارب اكتر كمان كبلنا نخس يارب
شكرا للموضوع اختي

[بوح أنثى]

أهلا بيروووو ياااقمر ..

ماشاءالله عليكِ طوول عمرك بعرفك قوية لاتترددي وكملي مشواارك بعزيمة واصراااار ...

بصرااحه انا كنت موقفة رجيم لاني طفشت هههههه بجد بس لما شفت موضوعك اتشجعت اكمل واخلص ...

عشاان كداا انا معاااكي ياااعبووورة

بياناتي ..

الطول :156 اللهم لك الحمد ...

الوزن : 61 كنت وصلت 59 بس استهبلت ورجعت كيلويين ...

وشعاارنا اكيييييييييييد

[bero333]

مرمر يا غالية
الف سلامة عليكي و عارفة يا مرمر كله من النفسية الوحشة
بصي انا ضهري بيوجعني و جسمي كله بيرتعش حتي اني افتكرت ان عندي شلل رعاش و رحت للدكتور تعرفي قال الحل ايه؟
امشي في الهوا كل يوم عشان نفسيتي تتحسن
كمان شعري بقي غريب جدا انا شعري ناعم و الحمد لله بقي واقف لفوق ههههههههههههههههههههههههههه
ياللا يا حبيبتي و فعلا الرياضة مهمة جدا و بتشيل الضغط النفسي
شدي حيلك و خليكي معانا نشجع بعض

[noor alhouda]

موفقين بإذن الله

[bero333]

بوووووووووووووووووووووووووووح
انا مش مصدقة نفسي
بوح هتنورني؟
ايه النور ده
ياللا يا أحلي بوح شدي حيلك و تعالي ياختي نشجع بعض كفاية اني هأشوفك كل يوم و أطمن عليكي واهي فرصة نرغي شوية مع بعض

[bero333]

موفقين بإذن الله

تسلمي يا أحلي نور
مرورك أسعدني جدا يا غالية

[yakin]

شفت عنوان الموضوع قلت مين دى المش هتسبيها تهزمك
طلعت السمنه
وانا معاكى يا انا ياهى
شجعتينى والله وحركت روح التحدى
الاسم يقين
الطول 156
الوزن 70

ربنا يوفقنا جميعا

[نسيم الجبل]

السلام عليكم اخواتي
انا كمان معكن لان وزني زايد و كل ما اعمل ريجيم لا اواصل فيه و ارجع استرد الوزن
الاسم ام يونس
عمري 27 سنة
طولي 170 و زني 96كغ

[نسيم الجبل]

شو رايك لو نعمل جدول نتبعه في الاكل و الرياضة