الحقوني الشاشة ألوانها راحت أرجو الحل

**_سمآت_** · 30-03-2011, 04:42 PM

السلام عليكم ورحمة الله وبركاته

كيفكم أخواتي

معلش داخلة الركن بمشكلة كالعادة وأتمنى منكم الرد
شاشة الكمبيوتر المكتبي اللي بكتب منه الآن الألوان
منه راحت

يعني الأحمر ما هو موجود والشاشة عاطية على أزرق وشايفه المنتدى بشكل عام كأنه عليه طبقة زرقا

هل كده الشاشة بدأت تعطل ولا ايه ؟؟؟
وهل كده ليها حل ؟؟؟
أنا حاولت اغير في اعدادات الألوان يمكن أولادي اشتغلوا فيها مفيش فايدة
وحاولت اشوف الكابلات برضه نفس النظام
يبقى كده كارت الشاشة جراله حاجه

توضيح حبايبي الحلوين ولادي كانوا بيقعدوا يفتحوا ويقفلوا الشاشة من الزرار الباور بس مش بيكون الجهاز شغال بس طبعا هما عاجبهم النور والبدايه بتاعت الشاشة فبيفتحوا ويقفلوا "لعب يعني " .......هل ده يكون أثر

بانتظاركم أخواتي وأخواني الله يكرمكم اللي يحل لي هذه المشكلة

وجزاكم الله خيراً مقدما

وتساؤل آخر العذر منكم أمس برضه حصلت للشاشة شيء غريب الكتابة كانت صغرت كتير مع ان الاعدادات بتاعت الشاشة كانت 1024 يعني الخط بيكون كويس لكن كان صغر جدا جداً المنيو بار للكمبيوتر بشكل عام ع النت او الفلودرات هل كده تأكيد إن الشاشة خلاص انتهت ...
بانتظاركم الله يسعدكم

**_سمآت_** · 30-03-2011, 07:44 PM

**فديتني شمري** · 31-03-2011, 12:32 AM

اخيتي ممكن تصورين المشكل افضل !

**_سمآت_** · 31-03-2011, 04:22 PM

رحم الله والدك أخي أشكرك لاهتمامك
ولكن المشكلة تكمن بالشاشة بعد قراءات عدة فهمت إن الشاشة خلاص بتنتهي
أشكرك مرة أخرى
لأن لما بصورها وأختي رأتهاقالتلي انها شافتها عادي مافيها مشكل \
والحل إن هنوديها للصيانة ممكن تكون تعرضت لمجال مغناطيسي ممكن
أو خلاص خربت وهنشتري واحده جديده والله المستعان
جزاكم الله خيراً ...............
ولقيت مشكلتي هنا ...http://www.lakii.com/vb/showthread.php?t=541997

**فديتني شمري** · 31-03-2011, 09:59 PM

لا شكر على واجب يالغاليه !!

**صاحبة البيت** · 01-04-2011, 10:34 PM

السلام عليكم
قلبي عندك حبيبتي
فعلاً كانت مشكلة بايخة
وإن شاء الله تنحل على خير
عندما بعثنا بالجهاز للمختص
إتضح أن العيب بالداتا
إصلاحه مكلف شوية ولكن ولله الحمد
لم يعد هذا العيب مرة أخرى
إن شاء الله يكون عطل بسيط
ويكون مجرد تعرض الشاشة لمجال مغناطيسي
فقط لا غير
حاولي أن تبعدي السماعات بعيداً عن الشاشة
عسى أن تكون هذه هي المشكلة
طمنينا حبيبتي

**_سمآت_** · 03-04-2011, 03:50 AM

ربنا يكرمك يا أم محمود
وإن شاء الله تتحل المشكلة دي
طيب قعدت أد ايه عشان أطمن ...
شكلها مش هترجع تاني من كام يوم كده فجأة رجعت الألوان لوحدها بس رجعت الشاشة اسودت
وجربت الإضاءة زودتها
هقول ايه بس ربنا يهديهم عيالي هما السبب ....
والله المستعان
مرورك أسعدني ربنا يفرح قلبك بحبايبك بالخير يارب
تحيـــآتي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: الحقوني الشاشة ألوانها راحت أرجو الحل

أدوات الموضوع

العرض