* وصفة متميزة* الاورزي الفسطيني مشاركتي بالاسبوع الشامي تفضلو ......
مسا الخير صبايا كيفكم
اليوم طبخت اوزي وصورته منشان اورجكيم اياه
مقادير الحشوة
نص كيلو بازيلا وجزر مجمدين
نص كاسة ذرة معلبة وهاي اضافة اول مرة بحطها بس طلعت بتشهي
لحمة مفرومة ناعم مرتين
مكسرات لوز وصنوبر
بقدونس للزينة
الاوزي يا بنعمل على دجاج يا على لحمة
اليوم عملته على دجاج
نص كيلو رز بسمتي استخدمت ارز الوليمة
بهارات مشكلة
اول اشي بنحط الجاج بطنجرة وبنحط عليه بصلة
جزرة للنكهة وبهارات صحيحة هال ورق غار وعيدان قرفة
وبنضغط الجاجة نص ساعة على نار هادية
بنحط البازيلا والجزر والذرة بطنجرة مع شوية زيت وبنقلبهم منيح
لحتى نحس انهم استوو واخر اشي بنضيف البهارات
فلفل اسود زنجبيل مطحون وبشوية قرفة وشوية بهار سادة
ازا حسيتي انه البازيلا ما استوت حطي من مرقة اللحمة عليها لحتى تستوي لانه في انواع بزيلا بتكون يابسة شوي
بس حاولي تختاري بازيلا حبتها كبيرة بتستوي اسرع وطعمها بكون اطيب
بنقلي اللحمة بشوية زيت
وبس تستوي بنحط عليها البهارات فلفل اسود وهال مطحون
انا حطيت عليها شوية من مرقة اللحمة
بنحط شوية سمنة بطنجرة وبنحط الرز وبنقلب فيه 10 دقائق
وبعدين بنصفي مرقة اللحمة وبنسلق الرز فيها
عند التقديم نضع الارز وفوقه البازيلا والجرز والذرة واللحمة المفرومة
والمكسرات والبقدونس
بنقلي الجاج او بنشويه بعد ما نرش عليه بابريكا حارة وبهار جاج
وبنحطه فوق الرز والحشوة
بتتاكل مع لبن وسلطة وصحتين وعافية
بتمنى طبختي تعجبكم لانها عنجد مميزة وبنفس الوقت كتير سهلة
ولا تخلو عزيمة من هاي الاكلة
ما تنسوني من دعواتكم
رد مع الاستدلال
[/CENTER]
الروابط المفضلة