كم ساعه ينام الرضيع ارجوكم طمنونني

[doaa hamdy]

السلام عليكم يا احلي امهات
لو تفتكروا من شهرين كدا كتبتلكم عن بنتي وكانت لسه مولوده وقلتلكم انها تنام كتير وطمنتوني وقولتولي ان دا عادي وبكره تسهرك وتشتكي من قله النوم
وفعلا دا الي حصل وكانت بتفضل مصحيانا طول الليل
لكن من حوالي 4 ايام رجعت تنام تاني كتير يعني ممكن تصحي الساعه 8 الصبح لحد 12 وبعدين تنام نوم متواصل حتي برضعها وهيا نايمه وبعدين تصحي ساعه او اتنين في كل الليل
انا خايفه عليها أوي
هيا عندها دلوقتي شهرين و20 يوم
ياريت تساعدوني

[ام بانه]

بعتقد انه ما في مشكلة كل البيبيات بناموا بهالعمر هاد رايي

[Pure Angel]

:

عادى جدا مفيش اى مشكله ... اطمنى ..

ماشاء الله طفلتك تبرضع وتشبع وتنام ..الحمد لله ..

الطفل فى الشهر التالت بينام 10 ساعات متواصله بالاضافه لــ 5 ساعات اضافيه بالنهار ( قيلولات )

يعنى 15 ساعه فى اليوم

ربنا يخليهالك

:

..

[ام مرمر و ليلو]

لاتخافي حبيبتي
الطفل لو مايوجعه شي والحمد لله صحته تمام
ونظيف وشبعان مايصحى كثير
انا في بنتي الاخيرة خفت مثلك
وكنت ابكي خايفة بنتي فيها شي
بس الحمد لله الطبيب
والاهل طمنوني
والحمد لله هي بصحة وعافية

[doaa hamdy]

ربنا يخليكوا ليا يا احلي اخوات طمنتوني
بس ياريت باقي الاخوات يدخلوا

[عشق النعومه]

حبيبتي بس شفت موضوعك ضحكت تذكرت موضوعك السابق
حبيبتي طبيعي ولا تخافي عليها والله راح تشتكي من سهرها بس انتظري كذا الى الشهر الرابع ههههههههههه

[doaa hamdy]

حبيبتي بس شفت موضوعك ضحكت تذكرت موضوعك السابق
حبيبتي طبيعي ولا تخافي عليها والله راح تشتكي من سهرها بس انتظري كذا الى الشهر الرابع ههههههههههه

تسلمي حبيبتي عشق
بس 78 مشاهده و4 ردود بس
لا انا زعلانه منكم

[noran_87]

حبيبتي يادودو ربنا يخليلك رهوفه
منتخافيش ياقلبي برضو رغوده احيانا بتنام كتيررررررر واحيانا بتسهرني برضو كتير
فالببيهات كده وكده يعني متقلقيش
ربنا يباركلك فيها

[ملاذالدنيا]

دعاء ياحبيبتى بعد خبرة فى انتين مقاريض
هو كدة فى الاول ينامو كتير وعدد ساعت النوم بتقل تدرجيا لحد ما توصل 8الى 10 ساعات يوميا فى عمر سنتين
ومع انى عارفة الكلام برضه كنت بقلق على ولادى لما يناموا كتير وكمان كنت بعيط هبالة
دلوقتى باستنى يناموا يا اسربهم على اخوالهم وجدتهم
عدد ساعات نوم الأطفال

عند الميلاد يكون نومه الطفل غير منتظم و قد تكون ساعات نومه من 18 إلى 20 ساعة
عند بلوغ الطفل الشهر يكون عدد ساعات نومه من 16 – 20 ساعة موزعة على مراحل قد تصل المرحلة من 3-4 ساعات دون التفريق بين الليل والنهار

الشهر الثانى من 16 -18 ساعة مقسمة على فترات من 5-6 ساعات فى الفترة الواحدة
3 شهور 9 -10 ساعات ليلا 5-6 ساعات (على 3 مرات) خلال اليوم
الشهر الرابع 9-12 ساعات ليلا من 6 شهور 11 ساعة ليلا 3 ساعات (على مرتين ) خلال اليوم
9 شهور 11ساعة ليلا 3 ساعات (على مرتين ) خلال اليوم
12 شهر 11 ساعة ليلا ساعتين ونصف (على مرتين) خلال اليوم4-6 ساعات ( على ثلاث مرات ) خلال اليوم
يلاحظ أن بعض الأطفال قد يستغنوا عن غفوات النهار ويريدون البقاء مستيقظين طوال النهار .
اي خدمات ياجميل

[بنت ابى]

حبيبتى دودو
هههههههههههه
والله العيال دول هيخلوا شعرنا يشيب من كتر الخوف والقلق عليهم
بصى ياقمر
عادى الله بيحصل مع بنتك
انا كانت بنت اختى كدة وبنت واحدة صاحبتى كدة
اول 3 شهور كانت معظم الوقت نايمة ...يادوب ترضع وتنام
انا بقى بنتى كانت العكس
كانت فى الاول زى بنتك كدة بتنام كتييير
وبعدين ابتدت تسهرنى طول الليل
بس الموضوع دة عجبها شوية فطول مهاها حبتين ...
هههههههههههه
ولسا يادوب من وقت قريب ابتدت تنام كويس
فمتخافيش ...
طالما رضعتيها وهى مدفية ونضيفة يبقى متقلقيش عليها بأمر الله
ربنا يحميهالك يارب

[ام هذال]

عادي لاتخافي الله يخليها لكم يارب

[hala118]

دعاء هو حد لاقى ابنه او بنته يناموا كويس تعالى نبدل وانتى هتيجى تقوليلى حرمت
بصي بقي هو فى العمر ده هتلاقيها كل اسبوع بنظام لغاية ما تكمل 4شهور وتتظبط شوية وبكرة تعملى موضوع بأنك عاوزة حاجة تنيميها علشان مبتنمش
ربنا يباركلك فيها يارب

[سارة83]

يادودو ياحبيبة قلبي والله البنات ماقصروا معقول مااطمن قلبك ؟؟ الله يحميلك اياها يارب ماتخافي

[pretty_angel]

دودو حبيبتي ما شا الله قولي الحمد لله
في ناس بتتمنى ينام البيبي
اكيد هدا شي طبيعي ماما بتؤلي كل م ينام البيبي كل ما بيكسب صحة
ميرا كمان بتسحب بالنوم بس مش كل الاوقات
بس بتحب تسهرني وبعدين بتنام ينعني شي طبيعي

[أميرة صلاح]

دودو حبيبة قلبى .. والله متقلقى خالص لعلمك بقى لونة قريبا نفس نظان رهوفة .. بصى هقولك لين بتعمل ايه علشان تتطمنى

بنتام مثلا 3 الفحر وتصحى 4 ونص العصر تخيلى ماشاء الله .. وانا طبعا بضطر اصحيها الساعة 11 مثلا ارضعها واغيرلها البامبرز وساعات تقلق هيا الساعة 9 الصبح اقوم انا مصحياها وارضعها ويادوبك ترضع وتنام للساعة 4 او 4 ونص مثلا .. وبعدين تصحى ساعتين بالظبط او ساعة ونص وتفضل تعيط عاوزة تنام .. تقوم مثلا تنام من 6 ل 7 ونص مثلا وبعدين تصحى شوية وترجع تنام مثلا من 9 ل 11 وترجع تصحى وعلى الساعة 1 بالليل بقى تبدأ تنام نوم متقطع كام دقيقة وتصحى وتعيط شوية وتلعب شوية لحد ما تيجى الساعة 3 وتنام وهكذا .. طبعا احيانا المواعيد دى بتتغير بس تقريبا معظم الوقت عاوزة تنام .. بس الجديد بقى انها بتفضل تعيط كتير قبل النوم هههههههههه .. ولسة هتتغير تانى اكيد يعنى اكيد هتسهرنا تانى ونرجع نقول يارب نرجع لأيام النوم ... احمدى ربنا يا قمر ونامى انتى كمان هههههههههه

بوسة ليكى ولرهوفة القمر