تويت
ღღوصفة متميزةღღ :: فطائر بالجبن الشيدر والشبت :: روووووعة :: بالصور من مطبخى ::
فطائر بالجبن الشيدر والشبت ..
من كام يوم عملت فطائر وطلعت رووووعة بجد
والحمد لله انى صورتها علشان أنزل طريقتها ..
كنت خايفة لأنها كانت مجرد تجربة لعمل الفطائر .. بس قلت اصورها ما بتضر ..
1 كوب دقيق
بيضة
ربع كوب كريمة
80 جرام زبدة جامدة
ملعقة صغيرة بيكنج بودر
60 جرام جبن شيدر
ربع كوب شبت مفروم ناعم
ذرة ملح
نخلط الدقيق مع ذرة الملح مع البيكنج بودر فى الميكسر
نقطع الزبدة مكعبات (لازم تكون جامدة) ونضعها فى الميكسر ونخلط
بتكون بالشكل ده
نخلط الكريمة مع البيضة
ونضيفها لخليط الدقيق والزبد بالتدريج والميكسر شغال
نبشر الجبن الشيدر ونخلطه مع الشبت
ونضيف عليهم ملعقة دقيق ونقلبهم كويس
ونضيفهم للخليط فى الميكسر ونخلط
بتتكون عندى عجينة طرية جدا
بفردها بالكثير من الدقيق بسمك 2 سم
واقطعها على شكل مربعات وارصها فى الصاج او الصينية
وادهن الوجه بالبيض أو الحليب (انا دهنته حليب)
وادخلها الفرن لمدة 20 دقيقة وتحت الشواية حوالى 5 : 10 دقائق حتى يحمر الوجه
وبالعافية على قلوبكم
بجد تستحق التجربة
زووووووم
من الداخل .. هشة وخفيفة وطعمها خطير
تعليق