طريقة فتح العراوي وتركيب الزراير على ماكينة الزجزاج(دورة الخياطة والتفصيل)4

[*سمسمية*]

بسم الله الرحمن الرحيم

الدرس اليوم درس بسيط جدا لكن مهم

أخوات كتير عندهم ماكينات حديثة ومعدلة

ولكن للأسف لا يعرفون كيف يتصرفون معها

فطلبوا مني طريقة فتح العروة وتركب الزراير على ماكينات الزجزاج

تركيب الزرار لا يصلح على الماكينات العادية

وانما يصلح لماكينات الزجزاج كأنواع سينجر وبرازر وجاجوار

وميزة تركيب الزراير بواسطة الماكينة

بيوفر جهد ووقت وبيكون أمتن في الإستخدام

وبيعيش اكتر من التركيب العادي بواسطة الإبرة والخيط

كثير منا من عنده ماكينة ويجهل محتوياتها و كيفية عملها

فلأجل تشطيب سليم وفنش رائع

يجب علينا معرفة إمكانيات الماكينة حتى يتثنى لنا الإبداع بها

ياللا نبدأ الدرس

هذه القطع عبارة عن مقاسات مختلفة لفتح العراوي

وأسفلهم دواسة تركيب الزراير

هنا قمت بتركيب القطعة ذات المقاس المناسب لتركيب الزرار أسفل الدواسة

هنا علمت على القماش أماكن فتح العروة

وضعت القماش أسفل الدواسة والقطعة

ضبطت وسع الزجزاج على رقم 4

ونراعي أنها مشير عليها باللون الأزرق

ومعنى هذا أن هذا المقاس هو المقاس المناسب لعمل العراوي

وسع الغرزة تم ضبطه على رقم 2

ونلاحظ أنه مشير إليه في مستطيل أزرق

وهو دليل على مناسبته لعمل العراوي

وبكرة الغرز إختارنا منها الخيار الأول في عمل أي عروة

وهو لعمل الجنب الشمال من العروة

بدأت في العمل

إلى أن إنتهى الجزء الأول

وهو الجانب الشمال من العروة

بدأت في إختيار الوضع الثاني

وهو الخاص بعمل قفلة العروة السفلى والعليا

هنا إستخدمتها في عمل القفلة السفلية

هكذا

نراعي مكان وجود الخيط

هو مكان عمل القفلة السفلى

بدأت في الخيار الثالث

وهو عمل الجزء اليمين من العروة

ونلاحظ أن دواسة الماكينة بدأت بعكس إتجاهها

وسحبت القماش إلى الخلف

الخيار الرابع والأخير

وهو عمل القفلة العليا من العروة

نلاحظ مكان الإبرة

تغلق العروة

وبعد أن إنتهيت من عمل العروة

تفتح بواسطة أداة فتح العروة

ولكن فقدتها من مدة

ففتحت العروة بواسطة المقص

المرحلة الثانية

وهي تركيب الزرار بواسطة الماكينة

هنا أنا أحضرت الزرار وبكرة سلوتب

او أي شريك لاصق

أختارت مكان تثبيت الزرار

ووضعت عليه شريط لاصق

ركبت الدواسة الخاصة بتركيب الزراير

وضعت الزرار أسفل الدواسة

هنا أهم خطوة في نجاح تركيب الزرار

بإختبار بسيط إنظري إلى المسافة بين فتحتي الزرار

وحركي الزراع الخاص بمقاس الزجزاج

مع حركة بسيطة لبكرة الماكينة زراع التحكم فيها

هنا أنا ضبطها على رقم 3 وهو الأنسب لمعظم الزراير الصغيرة والمتوسطة

أما البكرة الخاصة بحجم الغرزة جعلتها على الصفر

لأن الزرار لابد ان يكون الخيط في مكان واحد متجمع فيه

بدأت في التثبيت برفق

حوالي 5 مرات متتالية يمين وشمال

وهنا أنهيت تركيب الزرار

ونزعت الشريط اللاصق

وأصبحت العروة والزرار بهذا الشكل

أتمنى يكون الدرس اليوم خفيف وسهل

وإنتظروني في الدرس القادم ان شاء الله

من سلسلة دروس تعليم الخياطة والتفصيل

وصلى الله وسلم وبارك على سيدنا محمد

وعلى آله وصحبه أجمعين

والسلام

[**ام ريان **]

بارك الله فيك

[المنتقبة]

[نهلة يقين]

[ام بودى2]

ما شاء الله سمسمة ربى يجزيكى كل خير على المجهود الطيب

[l!Nda]

تسلم ايدك يا قمر

[* أم الأميرة *]

جزاك الله خيرا غاليتي درس مبسط وسهل

[simsima2009]

موضوع ممتاااااااااااز ومهم جدا
تسلمي يا سمسمية علي الشرح الجميل والواضج

[*سمسمية*]

تسلمولي يارب
متشكرة جداااااا والله
ونورتوا موضوعي

[الورد فى الاكمام]

ما شاء الله

جميل يعطيك العافيه

[Samya]

رائع ماشاء الله
بارك الله فيك

[حبة لول]

ما شاء الله عليك
سمسومة الله يجزيك كل خير لما تقدميه ويجعله في ميزان حسناتك يارب

[Rana363]

بارك الله في وجهودك ورزقك الجنه

[اشعار]

[عجيبة الزمان]

جزاكى الله خيرا على الشرح الوافى انا عندى ماكينتى فعلا معاها الحاجات دى والكتالوج بتاعها بعد عنك انجليزى وشغلانة لغاية ما افهم اللى مكتوب واترجم انتى كده اختصرتلى وقت كبير اوى ياسمسمة ربنا يخليك لينا يارب
انا دلوقتى حصلى مشكلة فى الماكينة ومش عارفة اعمل ايه وانا بخيط كل ما اجى عند تنية قماش الخيط بيفلت من الابرة من غير ما ينقطع وحصلت المشكلة دى فجأة مع انى قبل كده كنت بخيط عادى وبالكذا تنية فوق بعض ومش عارفة ايه اللى حصل الاقى عندك حل