سؤال عن كيكة الشوفان بالتمر؟

**um samer** · 07-07-2003, 01:12 AM

تكرم عينك يا أحلى أم بدر راح أكتبلك أطيب حلو بالتمر والشوفان ،،

والطريقة أمريكية وسهلة وسريعة وطيبة ،، من عيني الثنتين إنشاء الله

**shahdmylife** · 07-07-2003, 02:45 AM

ولا إيهمك يا أم بدر..جيبي ورقة وقلم وتعالي..
بس قبل ما أبلش...سلام لسينوا كمان.

1 كوب تمر مفروم
1 م سكر بني
2\1 كوب ماء
أغليهم كلهم لحد ما يغلوا..طفي تحتهم وإتركيهم يبردوا والتمر يكون طري متل المربي تقريبآ.

1 كوب طحين
2\1 م كربونات الصودا
رشة ملح
كوب زبدة
كوب سكربني
2 كوب شوفان
أخلـطيهم مع بعض حتي يصير خليط مثل الفتات.
ضعي نصف الخليط في صينية مربعة مع ضغطه قليلآ ثم ضعي خليط التمر عليه حتي يغطي كل الوجه وبعدين ضعي النصف الآخر من خليط الشوفان أخبزيه في فرن حرةارة 325 لمدة 35-40 لحد ما يصير اللون دهبي وجميل...برديه تمامآ قبل التقطيع وممكن تحفظيهم بالفريزر.

هذه طريقة 2
1 2\1 كوب شوفان
1 4\1 كوب طحين
1 كوب سكر بني
4\3 كوب زبدة
أخلطي الجميع مع الزبدة المذابة وضعي نصف المقدار في صينية مدهونة.

2\1 باوند تمر
2\1 كوب سكر بني
1 كوب ماء ساخن
2 م ص نشاء
علي حرارة هادئة إبدأي بتحريك لتمر ثم أضيفي السكر البني و الماء الساخن وحركي لمدة 5 دقائق.
ذوبي النشاء بقليل من الماء البارد وأضيفيه للتمر وحركي بسرعة وعندما يبدأ في أن يتماسك الخليط إرفعيه عن النار فورآ.
ضعي خليط التمر علي خليط القاعدة بالصينية ثم غطيه بالجزء الثاني من خليط الشوفان وأخبزي حتي يتحمر الوجه..دائمآ أتركيه يبرد قبل التقطيع.

هذه طريقتي المفضلة...
2\1 كوب زبدة
1 كوب طحين
2 م ص سكر أبيض

للوجه:
1 كوب تمر مفروم ناعم
4\3 كوب جوز مفروم
2\1 كوب سكر بني
4\1 كوب جوز الهند
2\1 م ص بيكنج بودر
2 بيض مخفوق جيدآ

أخطي المقادير الأولى جيدآ وأضغطيها في قاع قالب مربع وأخبزيها لمدة 15 دقيقة حى تحمر قليلآ.
أطبخي التمر بقليل من الماء حتى يطرى شوية..وبعدين أخلطيه مع كل مقادير الوج
برفق أفردي كل مقادير الوجه علي القاعدة السخنة وأضغطي عليه برفق..ثم أخبزيهم لحد ما يحمر الوجه..لا تخبزيهم إكتير علشان ما ينشفش...طيبة إكتير ودائمآ بعملها...

وصحتين أم بدر.......بس لا تنسي تدعيلي

**um bader** · 07-07-2003, 05:10 AM

شو هالرضى والعز هاد يا سينو و الله خجلتينى ...... تسلم عينك الحلوة و الله يجزيكى ألف خير
و بانتظار طريقتك مع أن الأخت شهد الله يوفقها ما قصرت بس كمان زيادة الخير خيرين.
و حابة إتعرف عليكى غاليتى كم ولد عندك و كيف إن شاء الله مبسوطة بأمريكا .......

**um bader** · 07-07-2003, 05:15 AM

الله يجزيكى ألف خير يا أم شهد ماشاء الله عليكى 3 طرق مرة واحدة.......هلق اعرفت مكانتى فى ركن الحلويات و طلع عندى حبايب اكثار الله يارب يجمعنى فيهن بالدنيا و الآخرة و تكون محبتنا خالصة لوجهه الكريم.....
إذا بتريدى سؤال: شو نوعية التمر هل بيكون فريش لما المطحون تبع المعمول. و تسلم إيديكى الحلوين مرة ثانية و راح جربها بكرة لما جيب التمر إن شاء الله و أكيد راح إدعيلك..... حاكم هالبلد علمتنى ظل إدعى للىبعرفه و اللى ما بعرفه.......

**um samer** · 07-07-2003, 06:11 AM

شو هالعز يا أم بدر بدل الطريقة إجتك ثلاثة ،،،،
الله يزيدك من نعيمه ، بتستاهلي كل خير وما شاء الله أم شهد كفت و وفت وما قصرت نفس الطريقة إلي عندي
وفيك تستخدمي التمر العادي من غير النوى أو التمر المطحون

وأنا كمان حابة إتعرف عليك ،، إتفضلو زورونا بالصيف ، والحمد لله نحنا بخير ومبسوطين ،، والأولاد كبروا وبدهم رعاية وإهتمام أكثر
وأنا الله يسلملك ولادك عندي ولدين سامر خمس سنين ونصف وأسامة سنتين ونصف

وإنتي إسم الله شو عندك ???

**shahdmylife** · 07-07-2003, 07:27 AM

يعني يا أم بدر طبعآ إنت غالية علينا..
وسبحان الله الذي علمني أن المحبة به شيئ جميل..فأنت أخت غالية.
سينوا مشاء الله..الله يخليلك إياهم وإيخلي أولادنا جميعآ..أنا أخوي الغالي إسمه سامر.

بالنسبة لتمر إيكون طبعآ خالي البزر ومفروم ناعم بالطاحونة.

**إيمان علي** · 07-07-2003, 07:32 AM

يمي يمي يمي... شهيتوني يا جمااااااااعة شو هالطيبات هاي كلها؟!
سوسو... يعني لما آجيك بدي أذوق كل هالأشياء اللي نازلة تشهيني فيها وأنا أبحلق حتى عيوني حرقتني

سينو، قوليلهم اسم الدلع لإبنك أسامة

**um bader** · 07-07-2003, 07:52 PM

الله يخليكى يا أم سامر عن جد لطيفة و كلك ذوق...... و الله يخليلك هالشمعات و يجعلهم قرة عين لك.

و الله كريم منزورك ليش لاء نحنا إذا ما زرنا الطيبين مين بدنا انزور بس أقلك الصدق إنى ما أحب أمريكا و لا بتمنى إنى إدخلها و خصوصا بعد الأحداث فالله يجمعنا ببلادنا و بعتقد متظل الدول العربية قريبة على بعضها أكثر.
و بالنسبة إلى عندى بدر عمره سبع سنين و سبع أشهر, و عمر عمره خمس اسنين وتسع أشهر و ناصر بيك عمره ثلاث سنين و أربع أشهر و سلامتك و حاجتنا و الله يخلي لى إياهم و يحفظهم و جميع أولاد المسلمين يا ربى.

**um bader** · 07-07-2003, 07:58 PM

و أما أنت يا أم شهد صار دورك اتخبرينى عنك و عن أولادك... اللى بعرفه عندك شهد و جنى . و شو فى عندك غيرن؟ الله يخليلك الجميع ياربى و يمكن ساكنة فى تورنتو؟ مو هيك.
و أنا راح جرب الثالثة إن شاء الله لأن أكيد ذوقك مميز .

حياك أم بلال شفتى العز الله يديمه عليكى يا إيمان حبايبك عم بدللوكى و أحلى أكل لأحلى أم بلال. يالله روحى و انبسطى عند سينو و قوليلنا شو أكثر شىء عجبك... و متأكدة إنه كل شى بتعمله سينو راح يكون عال العال.
و شو إسم الدلع لأسامة منشان إندلعه ..... الله يعينك يمكن هالإسم صار كل الأمريكان بيعرفوه حتى هون بكندا بس إتقولى أسامة بيفتحوا عيونن و بيقولوا بن لادن.....ههههههههههههه

**إيمان علي** · 08-07-2003, 04:55 AM

كل شيء من إيدين سينو طيب، خاصة الغريبة الكويتية بالهيل... شيء بيدوووووووخ

**رائده** · 08-07-2003, 05:47 AM

السلام عليكم ياام بدر شو اخبارك
بس تجربي الطريقات الثلاثه قولي لنا لاتنسي ارجوكي كي نجربهم وجزاكي الله كل خير
هيك على طول طلبي اكلات طيبه كي نستفيد مشكوره
وعلى فكره انا من الشام ومن وسط الشام
والله يخليلك بدر وعمر وناصر وانشاء الله تفرحي فيهم

**um bader** · 09-07-2003, 07:13 PM

لا لا إيمان شو غريبة من أكثر الحلويات اللى بحبها ضرورى يا سينو تكتبيها هلق هلق ها بابا هون و عم بعمل حالى شاطرة و طبق كل شى عم بشوفوا و يا حرام أبو بدر بخليه يبرم كل الأسواق منشان لاقى أغراضى... فشو قالى امبارح قال: لساتك كل ما بتقرى موضوع بتروحى و بطبقيه ذبحتينيه يا عمى أنا رضيان باللى منعرفن و خلصنا حاجتك كل يوم أغراض......
فالغريبة سهلة و أغراضها زبدة و سكر و طحين و هيل عندى كل الأغراض بس العيارات يا سينو الله يوفقك.
********************************

يا ميت أهلين و سهلين فيك يا رورو اسمحيلى دلعك لأنى أنا بدلع الماما هيك و بقلها رورو كيف صحتك و بتنبسط حبيبة قلبى. و الله يحيى أهل الشام ........أنا من حمص إختى رائدة بس مواليد الكويت و سكانها و كنا و ما زلنا نذهب إلى سوريا زيارة و حاليا بعدنا الغربة و صرنا بكندا شفت من بعيد إلى أبعد.
المهم يا ستى أنا امبارح جبت تمر مطحون و عملت الطريقة الثالثة تبعت أم شهد بس بيظهر أم شهد نسيانة شغلة مهمة بالفطيرة و هى الشوفان و أنا صرت دور على الشوفان بالطريقة الثالثة و ما كنت لاقيها رحت و اتشطرت و حطيت كاسة و ربع شوفان فوق خليط البيض و التمر و طلعت طيبة كثير كثير و أكلناها على جوع و شبعتنا عالخالص و مع فنجان قهوة مع بابا......و كانت فعلا لذيذة.

أم شهد حبيبة قلبى أنا اللى أكلتها جاهزة فيها الشوفان باين أكثر و بيظهر إنه راشينه على الوجه فشو تعليقك الله يرضى عليكى و قوليلى لطريقتك المفضلة بالجوز و التمر و البيض مافيها شوفان لما سقطت سهوا.

**shahdmylife** · 09-07-2003, 08:07 PM

أم بدر أنا كمان عائلة بابا كلها بحمص ..إذا إبتسمعي عن عائلة "مطر".

الطريقة لثالثة مافيها أي شوفان لا كن أنا كتبتها علشان إتجربيها لأنها طيبة إكتير..وأنت مشاء الله عليك أخترعتي طريقة جديدة مع الشوفان

المهم الطريقة عجبتك وسهلة............وصحتيـــــن.

**إيمان علي** · 09-07-2003, 08:15 PM

أم بدر، الطريقة تبع الغريبة لسينو مكتوبة في الركن أعتقد، لأني مرة طالبتها فيها.. وما بعرف كتبتها والا لأ