اخواتي الحبيبات
جيبالكم النهارده نوع من المقبلات ممكن تعتبروه من المقرمشات اسمه بطاطس روفين هو يعتمد اساسا علي عجينه الشو المعروفه لكنه في الوصفه من المملحات اللذيذه
- عجينه شو(سيرد ذكرها بالتفصيل)
- _1 بطاطس متوسطه مسلوقه
- ملح _فلفل
- من 2 الي 3فص ثوم (اختياري)
- زيت للتحمير
اولا لعجينه الشو "
- كوب دقيق
- كوب ماء
- 1\2 كوب زبده
- ذره ملح
- من 4 الي 5 بيضات
وانا اضفت علي المقادير
جبنه رومي مبشوره لاضافه نكهه مميزه
2 الي 3 فصوص الثوم (للنكهه)
2 م نشا(لزياده القرمشه)
الطريقه:
اعمل عجينه الشو بالطريقه العاديه وهي كالتالي
في اناء علي النار اضع الماء والملح والزبده اتركه قليلا حتي يغلي
بمجردان يصل للغليان اضيف الدقيق مره واحده واقلب بسرعه بملعقه خشب حتي تكون معي عجينه متماسكه وارفعها من علي النار (حوالي دقيقتين علي النارمع التقليب حتي تجف ميتها تماما)
ثم اضيف البطاطس المسلوقه المهروسه للخليط مع الثوم المفروم ناعم(اختياري)والجبنه الرومي المبشوره
اترك الخليط يبرد تماما ثم اضيف البيض بيضه بيضه يعني بيضه واخفقه بالمضرب ثم اضيف بيضه اخري وهكذا الاحظ ان العجينه تتفتت ثم هتبدا تلم مره اخري وهنا بضيف البيضه الثانيه وهكذا
اضع الخليط في كيس الحلواني المخصص لبلح الشام واختار الرسمه الي تعجبني
انا اخترت مقاس اقل من مقاس بلح الشام المعتاد
اجهز طبق صغير فيه زيت بارد (مثلا 3 معالق)وعلي النار الزيت الغزير الفاتر ا ابلل ايدي بالزيت البارد اللي في الطبق (حتي لا تلتصق العجينه في يدي)انزل من كيس الحلواني العجينه علي ايدي واقطعها بالطول اللي احبه ثم انزلها في الزيت الغزير الفاتر بحرص واكرر العمليه
مثل بلح الشام بس انااحبيت حجمها يبقي صغير حتي يكون شكلها مختلف وممن تختاري بلبله ساده لو تحبي
ملحوظه : لمن لا يمتلك كيس الحلواني ممكن يضع الخليط في ملعقه ويسحبها بملعقه تانيه ويتبادل السحب بين الملعقتين حتي يستوي شكلها ثم يضعها في الزيت
هنا بدات تنفش في الزيت
بعد نزولها من الزيت بشويه تبدا تلف لوحدها حولين نفسها
اول مبتطلع توضع علي ورق نشاف لامتصاص الزيت وتنقل لطبق التقديم وده شكلها النهائي
ده شكل تاني لها باستخدام بلبله مختلفه
نصيحه: معظم المقرمشات تطري بعد فتره فيفضل اكلها بعد عملها مباشره
او بعد فتره وجيزه
بالنسبه للي مبيحبوش المقلي والزيت الكتير ممكن عملها علي شكل وردات شبه البرفترول وتدخل الفرن علي ان تدخل علي درجه حراره عاليه الاول حوالي 200 ثم اخفف الحراره بعد 5 دقائق لحوالي 180 ولا يفتح الفرن ابدا الابعد نصف ساعه حتي لا تهبط وممكن تحشي باجبان حسب رغبتك او تترك للمزمزه والقرمشه
بالف هنا حبيباتي اتمني تنول اعجابكم
اختكم وبحبكم في الله
والسلام عليكم ورحمه الله
الروابط المفضلة