كنت من عشاق السينابون رول ....... والان اصبحت من ماهرات صناعتها في 10 دقايق بســـــ
السلام عليكم ...
اسرع واسهل طريقة لعمل السينابون رول في عشر دقايق بس
لما زروت السعودية اول مرة اتذوق طعم السينابون رول .... واصبحت من مدمنيها ... كل ما اخرج لازم نجيب سينابون
ولما رجعت مصر ... لاقيتها غالية مووووووووووووووووووووت .. فقررت اعملها
وفعلا نجحت وطلعت ممتازة جدا جدا وفي 10 دقايق بســــــ
الطريقة في خطوات - دقيق وخميرة - العجن بالدقيق - قرفة وسكر - الخبز - تحضير صلصة الشوكولاته
اليكم التفصيل
استعملت عجيبة العشر دقايق
تتعمل على مرحلتين والاتنين اسهل من بعض
1- في وعاء بلاستيك تضيفي كوب دقيق - ملعقة ونص - صغيرة - خميرة - ملعقتين كبيرة سكر - كوب ماء دافي للتخمير
2- قلبيهم مع بعض حتى يتخلطوا كويس واتركيه 10 دقايق حتى يتخمر الخليط ويظهر فقاقيع
==============
اثناء مدة التخمير جهزى القرفة المطحونة والناعمة جدا جدا وسكر بنى - انا مكنش عندي بنى حطيت ابيض ولازم يكون مطحون - انا ما طحنته فطلع زي المقرمش -
وكمان حضري عين الجمل او المكسرات لو عندك وحمصيها على النار في السريع
==============
بعد ما تخمر العجينة هاتى نص كوب زيت و كوب اواكتر دقيق وابداي بالعجن اضيفي الدقيق حسب الحاجة وكل ما عجتنى اكتر تحصلي على عجينة اخف وهشة وزى القطنة
- ولعي الفرن عشان يسخن على ما تكملي الخطوات -
افردي العجينة على شكل مستطيل افرشي القرفة على العجينة ثم السكر ابداي باللف وفي الاخر سكري العجينة على بعض
قطعيها حلقات بمقاس 5 سم تقريبا ورصيها في صينية مدهونة بزيت ومرشوشة بالدقيق جتى ما تلزق
اخبزيها مدة ربع ساعه تقريبا وراقبيها حتى يكون لونها اصفر او اشقر
ولحين ما تتخبز جهزي صلصة الشكولاته
ملعقتين كبيرة زبدة او سمنه - كوب حليب -كوب سكر بودرة - كوبين كاكاو - فانليا ونضربهم في الخلاط
الخطوة الجاية اهم واسهل خطوة في توزيع الشكولاته زي المحلات بالظبط
هاتى قارورة ماء فاضية .. اقطعي الغطا بسكين حاد مرة بالطول ومرة بالعرض وبعد تعبئة صلصة الشوكلاوته حينزل الخليط من الغطا زي المحلات وزعيه على السينابون اول ما يطلع عشان يخلل كل حبة
وخلي باقي الصوص وقت التقديم لما يبرد شوية وطبعا معاه المكسرات
رد مع الاستدلال
الروابط المفضلة